ವ್ಯಾಕ್ಸಿನ್ ಹಾಕಿಸಿಕೊಂಡ್ರು ಕಾಡುತ್ತೆ ಕರೋನ ರೂಪಾಂತರಿ ಪ್ರಭೇಧ
ದಕ್ಷಿಣ ಆಫ್ರಿಕಾದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಗ್ವಾಂಟೆಂಗ್ ಜಿಲ್ಲೆಯಲ್ಲಿ ಪತ್ತೆಯಾದ ಹೊಸ ಕರೋನವೈರಸ್ ರೂಪಾಂತರವು ಪ್ರಪಂಚದಾದ್ಯಂತ ಅತಿ ತ್ವರಿತವಾಗಿ ಹರಡುತ್ತಿದೆ. ಇದು ವಿವಿಧ ದೇಶಗಳ ಕಳವಳಕ್ಕೆ ಕಾರಣವಾಗಿದೆ. ಸಾಂಕ್ರಾಮಿಕ ರೋಗಗಳ ತಜ್ಞರ ಪ್ರಕಾರ ರೂಪಾಂತರವು ಹೆಚ್ಚಿನ ಸಂಖ್ಯೆಯಲ್ಲಿ ವಿಕಾಸಗೊಂಡು ತ್ವರಿತ ಹರಡುವ ಸಾಮರ್ಥ್ಯವನ್ನ ಪ್ರದರ್ಶಿಸುತ್ತಿದೆ, ವ್ಯಾಕ್ಸಿನ್ ಹಾಕಿಸಿಕೊಂಡರು ಸಹ ಈ ವೈರಸ್ ಕಾಡಲಿದೆ ಎಂದು ಹೇಳಲಾಗುತ್ತಿದೆ.
ದಕ್ಷಿಣ ಆಫ್ರಿಕಾದಲ್ಲಿ ಪತ್ತೆಯಾದ ಹೊಸ ಕರೋನವೈರಸ್ ರೂಪಾಂತರವನ್ನು ಪ್ರಸ್ತುತ ಬಿ.1.1.529 ಎಂದು ಗುರುತಿಸಲಾಗಿದೆ, ಇದು ದಕ್ಷಿಣ ಆಫ್ರಿಕಾದ ಪ್ರಯಾಣಿಕರ ಮೂಲಕ ಬೋಟ್ಸ್ವಾನಾ ಮತ್ತು ಹಾಂಗ್ ಕಾಂಗ್ಗೆ ದೇಶಗಳಿಗೆ ಹರಡಿದೆ ಎಂದು ವರದಿಯಾಗಿದೆ. ಹೊಸ ಅಲೆಯ ಭಯದಿಂದ ಕಳವಳಗೊಂಡ ಬ್ರಿಟಿಷ್ ಸರ್ಕಾರವು ಈಗಾಗಲೇ ದಕ್ಷಿಣ ಆಫ್ರಿಕಾ ಮತ್ತು ಖಂಡದ ದಕ್ಷಿಣ ಭಾಗದಿಂದ ಇತರ ಐದು ದೇಶಗಳಿಂದ ವಿಮಾನಗಳನ್ನು ನಿಷೇಧಿಸಿದೆ. ಮತ್ತು ಆ ದೇಶಗಳಿಂದ ಇತ್ತೀಚೆಗೆ ಆಗಮಿಸಿದ ಪ್ರಯಾಣಿಕರು ಮುನ್ನೆಚ್ಚೆರಿಕೆಗಾಗಿ ಕೋವಿಡ್ -19 ಪರೀಕ್ಷೆಯನ್ನು ತೆಗೆದುಕೊಳ್ಳುವಂತೆ ಅಲ್ಲಿನ ಸರ್ಕಾರ ಸೂಚಿಸಿದೆ.
ಪ್ರಪಂಚದಾದ್ಯಂತದ ದೇಶಗಳು ವಿಶ್ವದ ಅತಿದೊಡ್ಡ ಸಾರ್ವಜನಿಕ ಡೇಟಾಬೇಸ್ಗೆ ಸಲ್ಲಿಸಿದ ಡಾಟಾಬೇಸ್ ಪ್ರಕಾರ, ಎಲ್ಲಾ ಜಾಗತಿಕ ಕರೋನವೈರಸ್ ಪ್ರಕರಣಗಳಲ್ಲಿ 99 ಪ್ರತಿಶತಕ್ಕೂ ಹೆಚ್ಚು ಡೆಲ್ಟಾ ರೂಪಾಂತರಕ್ಕೆ ಕಾರಣವೆಂದು ಹೇಳಬಹುದು. ಈ ರೂಪಾಂತರದ ಬಗ್ಗೆ ನಾವು ಬಹಳ ಗಂಭೀರವಾಗಿರಬೇಕಾಗಿದೆ ”ಎಂದು ಕೇಂಬ್ರಿಡ್ಜ್ ಮೈಕ್ರೋಬಯಾಲಜಿ ಪ್ರಾಧ್ಯಾಪಕರು ಎಚ್ಚರಿಸಿದ್ದಾರೆ.