ನವಜಾತ ಶಿಶು ಹುಟ್ಟಿದ ಎರಡ್ಮೂರು ತಿಂಗಳ ನಂತರ ತಲೆ ಎತ್ತಲು ಕಲಿಯುತ್ತವೆ ಎನ್ನುತ್ತಾರೆ. ಆದರೆ, ಇಲ್ಲೊಂದು ನವಜಾತ ಶಿಶು (Newborn Baby) ಹುಟ್ಟಿದ ಮೂರೇ ದಿನದ ನಂತರ ತೆವಳುತ್ತ, ತಲೆ ಎತ್ತಿ ಎಲ್ಲರಿಗೂ ಆಶ್ಚರ್ಯ ಮೂಡಿಸಿದೆ.
ಹೊಸ ತಾಯಿಯಾದ ಸಮಂತಾ ಎಲಿಜಬೆತ್ ತನ್ನ ಮಗು ಜನಿಸಿದ ಮೂರು ದಿನಗಳ ನಂತರ ತೆವಳಲು ಮತ್ತು ತಲೆ ಎತ್ತಲು ಪ್ರಾರಂಭಿಸಿದ ಆಶ್ಚರ್ಯಕರ ಕ್ಷಣವನ್ನು ಸೆರೆಹಿಡಿದು ವೀಡಿಯೊವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
ಹಲವು ನವಜಾತ ಶಿಶುಗಳು ತಮ್ಮ ಕಣ್ಣುಗಳನ್ನು ತೆರೆಯಲು ಸಾಧ್ಯವಾಗುವುದಿಲ್ಲ. ಆದರೆ, ಈ ಮಗುವಿನ ಆರಂಭಿಕ ಚಲನಶೀಲತೆ ಆನ್‌ಲೈನ್‌ನಲ್ಲಿ ನೆಟ್ಟಿಗರ ಗಮನ ಸೆಳೆದಿದೆ. ವೀಡಿಯೊದಲ್ಲಿ, ಮೂರು ದಿನದ ಮಗು ಮೇಜಿನ ಮೇಲೆ, ಯಶಸ್ವಿಯಾಗಿ ತನ್ನ ತಲೆಯನ್ನು ಮೇಲಕ್ಕೆತ್ತಿ ತನ್ನ ಚಿಕ್ಕ ಕೈ ಮತ್ತು ಕಾಲುಗಳ ಬೆಂಬಲದೊಂದಿಗೆ ತೆವಳಲು ಪ್ರಯತ್ನಿಸುತ್ತಿರುವುದನ್ನು ಕಾಣಬಹುದು.
