ದಿಸ್ಪುರ್: ಅಸ್ಸಾಂನ (Assam) ಕೊಕ್ರಜಾರ್ನ ಮಹಾಮಾಯಾ ದೇವಸ್ಥಾನದ (Mahamaya Temple) ಹತ್ತಿರ ನಿಂತಿದ್ದ ಭಕ್ತರ ಮೇಲೆ ಟ್ರಕ್ ಹರಿದ (Accident) ಪರಿಣಾಮ ಐವರು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಮೃತರನ್ನು ನಬೋಜಿತ್ ಘೋಷ್ (22), ಸುಕ್ರ ಕಾಂತ ರಾಯ್ (20), ಜೋಯೋ ರಾಯ್ (11), ಬಪ್ಪಿ ಘೋಷ್ (21), ಮತ್ತು ಬಸುದೇವ್ ರಾಯ್ (22) ಎಂದು ಪೊಲೀಸರು ಹೇಳಿದ್ದಾರೆ. ಮೃತರೆಲ್ಲ ಗೊಸಾಯಿಗಾಂವ್ ಪ್ರದೇಶದ ಹತಿಗಢ ಗ್ರಾಮದ ನಿವಾಸಿಗಳಾಗಿದ್ದಾರೆ.
ಭಕ್ತರು ಶ್ರಾವಣ ಮಾಸದ ವಿಶೇಷ `ಬೋಲ್ ಬೊಮ್’ ಯಾತ್ರೆಯಲ್ಲಿ ಭಾಗವಹಿಸಲು ದೇವಸ್ಥಾನಕ್ಕೆ ತೆರಳಿದ್ದರು. ಈ ಸಂದರ್ಭದಲ್ಲಿ ವೇಗವಾಗಿ ಬಂದ ಟ್ರಕ್ ಜನರ ಮೇಲೆ ಹರಿದಿದೆ. ಅಲ್ಲದೇ, ಘಟನೆಯಲ್ಲಿ ಓರ್ವ ಗಂಭೀರವಾಗಿ ಗಾಯಗೊಂಡಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.
ಪ್ರಕರಣದ ಕುರಿತು ಲಾರಿ ಚಾಲಕನನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ. ದೇವಾಲಯದ ಬಳಿ ಅತಿಯಾದ ವೇಗದಲ್ಲಿ ವಾಹನ ಚಲಾಯಿಸುವುದನ್ನು ನಿಷೇಧಿಸಲಾಗಿದೆ.
