ವಿಚ್ಚೇದಿತ ಮಹಿಳೆ ಮೇಲೆ ಅತ್ಯಾಚಾರವೆಸಗಿದ ಮಾಜಿ ಪತಿ
ಚಂಡೀಗಢ: ಮರು ಮದುವೆಯಾಗುವದಾಗಿ ನಂಬಿಸಿ ವ್ಯಕ್ತಿಯೊಬ್ಬ ಮಹಿಳೆಗೆ ಅಮಲು ಬರುವ ಪದಾರ್ಥ ನೀಡಿ ಅತ್ಯಾಚಾರವೆಸಗಿರುವ ಘಟನೆ ದಾಬ್ರಾ ಚೌಕ್ ಬಳಿಯ ಹೋಟೆಲ್ನಲ್ಲಿ ನಡೆದಿದೆ.
ಮಹಿಳೆಯ ಮಾಜಿ ಪತಿ ಈ ದುಷ್ಕೃತ್ಯವೆಸಗಿದ್ದು, ಕುಡಿದ ಮತ್ತಿನಲ್ಲಿ ಮಾಜಿ ಪತಿ ನನ್ನ ಮೇಲೆ ಅತ್ಯಾಚಾರವೆಸಗಿದ್ದಾರೆ ಎಂದು ಮಹಿಳೆ ಅರ್ಬನ್ ಎಸ್ಟೇಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ದೂರಿನಲ್ಲಿ ಮಹಿಳೆ ನಾನು 2019ರಲ್ಲಿ ಆತನನ್ನು ಮದುವೆಯಾಗಿದ್ದೆ. ಆದರೆ ಕೆಲವೆ ದಿನಗಳಲ್ಲಿ ಪತಿ ಮತ್ತು ಅತ್ತೆ ವರದಕ್ಷಿಣೆಗಾಗಿ ಕಿರುಕುಳ ನೀಡಲು ಪ್ರಾರಂಭಸಿದರು. ಅಲ್ಲದೇ ಅವರು ಕೌಟುಂಬಿಕ ದೌರ್ಜನ್ಯದ ಪ್ರಕರಣವನ್ನು ದಾಖಲಿಸಿದ್ದಾರೆ. ನಂತರ ಇಬ್ಬರ ನಡುವೆ ರಾಜಿ ಸಂಧಾನವಾಗಿ ಹಿಂಪಡೆಯಲಾಯಿತು. ಇದಾದ ಮೇಲೆ ಇಬ್ಬರೂ ಆಗಸ್ಟ್ 2021ರಲ್ಲಿ ವಿಚ್ಚೇಧನ ಪಡೆದರು.
ನಂತರ ದಿನಗಳಲ್ಲಿ ಮಾಜಿ ಪತಿ, ಕ್ಷೆಮೆಯಾಚಿದ್ದಾನೆ ಮತ್ತು ಸೆಪ್ಟೆಂಬರ್ 2021ರಲ್ಲಿ ತನಗೆ ಉಂಗುರವನ್ನು ಮರು ನೀಡಿದ್ದಾನೆ. ಹೀಗಾಗಿ ಅವನು ತನ್ನನ್ನು ಮರುಮದುವೆ ಮಾಡಿಕೊಳ್ಳಲು ಬಯಸಿದ್ದನು ಎಂದು ಮಹಿಳೆ ಪೊಲೀಸರಿಗೆ ತಿಳಿಸಿದ್ದಾಳೆ. ಆದರೆ ಫಬ್ರವರಿ 9 ರಂದು ಆರೋಪಿಯು ನನ್ನನ್ನು ದಾಬ್ರಾ ಚೌಕ್ ಬಳಿಯ ಹೋಟೆಲ್ಗೆ ಕರೆಸಿಕೊಂಡು ತಂಪು ಪಾನೀಯವನ್ನು ಮತ್ತು ಅಮಲು ಪದಾರ್ಥ ನೀಡಿ ಅತ್ಯಾಚಾರ ಎಸಗಿದ್ದಾನೆ. ನಂತರ ಮರುಮದುವೆ ಮಾಡಿಕೊಳ್ಳಲು ನಿರಾಕರಿಸಿದ್ದಾನೆ.
ಅಲ್ಲದೇ ನಾನು ಈ ವಿಷಯವನ್ನು ಯಾರಿಗಾದರೂ ಬಹಿರಂಗಪಡಿಸಿದರೆ ಅವರ ಆಕ್ಷೇಪಾರ್ಹ ವೀಡಿಯೋ ಮತ್ತು ಫೋಟೋಗಳನ್ನು ವೈರಲ್ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ ಎಂದು ಮಹಿಳೆ ದೂರು ನೀಡಿದ್ದು, ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿದೆ ಎಂದು ಪೊಲೀಸ್ ಠಾಣೆ ಪ್ರಭಾರಿ ಸುಖಜಿತ್ ತಿಳಿಸಿದ್ದಾರೆ.
