ಪತ್ನಿಯನ್ನು ಕೊಲೆ ಮಾಡಿದ ತಾಳ್ಮೆಗೆಟ್ಟ ಪತಿ
ಆನೇಕಲ್: ಪತ್ನಿಯ ಅಶ್ಲೀಲ ವಿಡಿಯೋವನ್ನು ಮೈದುನ ತೆಗೆದಿದ್ದಾನೆಂದು, ಪತ್ನಿಯನ್ನು ಪತಿ ಕೊಲೆ ಮಾಡಿರುವ ಘಟನೆ ಆನೇಕಲ್ ಪಟ್ಟಣದಲ್ಲಿ ನಡೆದಿದೆ.
ಪತ್ನಿ ಸರಸ್ವತಿ (33) ಮೃತ ದುರ್ದೈವಿ. ತಿಮ್ಮರಾಯಸ್ವಾಮಿ ದೇವಾಲಯ ರಸ್ತೆಯ ಮಲ್ಲೇಶ್(35) ಕೊಲೆ ಮಾಡಿದ ಆರೋಪಿ. ಆರೋಪಿ ಕೊಲೆ ಮಾಡಿದ ನಂತರ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾನೆ.
ತಡರಾತ್ರಿ ಪತ್ನಿಯ ಅಶ್ಲೀಲ ವಿಡಿಯೋವನ್ನು ಮೈದುನ ತೆಗೆದಿದ್ದಾನೆಂದು ಆರೋಪಿಸಿ ಗಲಾಟೆ ನಡೆದಿದೆ. ಇದನ್ನು ಪತ್ನಿ ಅಲ್ಲಗಳೆದು ಎಷ್ಟೇ ತಿಳಿಹೇಳಿದರೂ ಪತಿ ಕೇಳಿಸಿಕೊಂಡಿಲ್ಲ. ತಾಳ್ಮೆ ಕಳೆದುಕೊಂಡ ಪತಿ ಪತ್ನಿಯ ಕತ್ತಿಗೆ ವೇಲ್ನಿಂದ ಸುತ್ತಿ, ಚಾಕುವಿನಿಂದ ತಿವಿದು ಕೊಲೆ ಮಾಡಿದ್ದಾನೆ.
ನಂತರ ಬೆಳಗ್ಗೆ ಆನೇಕಲ್ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾನೆ.