ಜಿಂಬಾಬ್ವೆ ಕ್ರಿಕೆಟ್ ಆಟಗಾರ ಹೀತ್ ಸ್ಟ್ರೀಕ್ 49 ನೇ ವಯಸ್ಸಿನಲ್ಲಿ ಕ್ಯಾನ್ಸರ್ ಗೆ ಬಲಿಯಾಗಿದ್ದಾರೆ. ಕ್ಯಾನ್ಸರ್ ವಿರುದ್ದದ ದೀರ್ಘಕಾಲದ ಹೋರಾಟದ ನಂತರ ಅವರು ಸಾವನ್ನಪ್ಪಿದ್ದಾರೆ.
ಅವರು ದಕ್ಷಿಣ ಆಫ್ರಿಕಾದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಕರುಳಿನ ಮತ್ತು ಯಕೃತ್ತಿನ ಕ್ಯಾನ್ಸರ್‌ನಿಂದ ಹೀತ್ ಸ್ಟ್ರೀಕ್ ಬಳಲುತಿದ್ದರು ಎಂದು ಮೂಲಗಳು ತಿಳಿಸಿವೆ. ಜಿಂಬಾಬ್ವೆಯ ಮಾಜಿ ವೇಗದ ಬೌಲರ್ ಹಾಗೂ ಸ್ಟ್ರೀಕ್ ಅವರ ದೀರ್ಘಕಾಲೀನ ಸಹ ಆಟಗಾರ ಹೆನ್ರಿ ಒಲೊಂಗಾ ಅವರು ಈ ಸುದ್ದಿ ಬಹಿರಂಗಗೊಳಿಸಿದ್ದಾರೆ.
ಹೀತ್ ಸ್ಟ್ರೀಕ್ ಸಾವಿಗೆ ಸಂಬಂಧಿಸಿದ ಸುದ್ದಿಯು ದುಃಖ ತರಿಸಿದೆ. ಆರ್‌ಐಪಿ ಲೆಜೆಂಡ್‌. ಸ್ಟ್ರೀಕ್ ಅವರು ಜಿಂಬ್ವಾಬ್ವೆ ನಿರ್ಮಿಸಿದ ಶ್ರೇಷ್ಠ ಆಲ್ ರೌಂಡರ್. ನಿಮ್ಮೊಂದಿಗೆ ಆಟವಾಡಿದ್ದಕ್ಕೆ ನನಗೆ ತೀವ್ರ ಸಂತಸವಿದೆ ಎಂದು ಒಲೊಂಗಾ ಬರೆದುಕೊಂಡಿದ್ದಾರೆ. ಹೀತ್ ಸ್ಟ್ರೀಕ್ ಇನ್ನಿಲ್ಲ ಎಂಬುದನ್ನು ಕೇಳಿ ನೀವಾಗುತ್ತಿದೆ. ನಿಜವಾಗಿಯೂ ದುಃಖವಾಗಿದೆ ಎಂದು ಭಾರತದ ಆಲ್‌ರೌಂಡರ್ ರವಿಚಂದ್ರನ್ ಅಶ್ವಿನ್ ಟ್ವೀಟ್‌ ಮಾಡಿದ್ದಾರೆ ಕಂಬನಿ ಮಿಡಿದಿದ್ದಾರೆ.
