ಕೋವಿಡ್ ಹೆಚ್ಚಳ – ಭಾಗಶಃ ಲಾಕ್ ಡೌನ್ ವಿಧಿಸಿದ ಪಶ್ಚಿಮ ಬಂಗಾಳ
ಕೋಲ್ಕತ್ತಾ: ಕೋವಿಡ್-19 ಪ್ರಕರಣಗಳ ಸಂಖ್ಯೆಯಲ್ಲಿ ಹಠಾತ್ ಹೆಚ್ಚಳದ ಮಧ್ಯೆ, ಪಶ್ಚಿಮ ಬಂಗಾಳ ಸರ್ಕಾರವು ರಾಜ್ಯದಲ್ಲಿ ಕಟ್ಟುನಿಟ್ಟಾದ ನಿಯಮಗಳನ್ನು ವಿಧಿಸಿದೆ. ಹೊಸ ನಿರ್ಬಂಧಗಳ ಭಾಗವಾಗಿ, ರಾತ್ರಿ ಕರ್ಫ್ಯೂ ವಿಧಿಸಲಾಗಿದ್ದು, ರಾತ್ರಿ 10 ರಿಂದ ಬೆಳಿಗ್ಗೆ 5 ರವರೆಗೆ ಯಾವುದೇ ವ್ಯಕ್ತಿ ಅಥವಾ ಸಾರಿಗೆ ಸಂಚಾರವನ್ನು ಮಾಡುವಂತಿಲ್ಲ. ರೆಸ್ಟೋರೆಂಟ್ ಮತ್ತು ಬಾರ್ಗಳು 50% ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲು ಆದೇಶಿಸಲಾಗಿದೆ ಮತ್ತು ರಾತ್ರಿ 10 ಗಂಟೆಗೆ ಬಾಗಿಲು ಮುಚ್ಚಬೇಕು.
ಹೊಸ ನಿರ್ಬಂಧಗಳ ಭಾಗವಾಗಿ, ನಾಳೆ, ಜನವರಿ 3, 2022 ರಿಂದ UK ಯಿಂದ ನೇರ ವಿಮಾನಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಎಲ್ಲಾ ಒಳಬರುವ ಅಂತರರಾಷ್ಟ್ರೀಯ ಪ್ರಯಾಣಿಕರು ನಾಳೆಯಿಂದ ಕಡ್ಡಾಯವಾದ ರಾಪಿಡ್ ಆಂಟಿಜೆನ್ ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ.
ನಾಳೆಯಿಂದ ಎಲ್ಲಾ ಶಾಲೆಗಳು, ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳಿಗೆ ರಜೆ ಘೋಷಿಸಲಾಗಿದೆ. ಎಲ್ಲಾ ಸರ್ಕಾರಿ ಮತ್ತು ಖಾಸಗಿ ಕಚೇರಿಗಳು 50% ಹಾಜರಾತಿಯೊಂದಿಗೆ ಕಾರ್ಯನಿರ್ವಹಿಸುತ್ತವೆ. ಈಜುಕೊಳಗಳು, ಸ್ಪಾ, ಬ್ಯೂಟಿ ಪಾರ್ಲರ್ಗಳು, ಜಿಮ್ಗಳು ನಾಳೆಯಿಂದ ಬಂದ್ ಆಗಲಿವೆ.
ಎಲ್ಲಾ ಪಾರ್ಕ್ ಮನೋರಂಜನಾ ಉದ್ಯನವನಗಳು , ಮೃಗಾಲಯ, ಪ್ರವಾಸಿ ಸ್ಥಳಗಳನ್ನು ಮುಚ್ಚಲಾಗುವುದು. ಶಾಪಿಂಗ್ ಮಾಲ್ಗಳು ಮತ್ತು ಮಾರುಕಟ್ಟೆ ಸಂಕೀರ್ಣಗಳು 50% ಸಾಮರ್ಥ್ಯದೊಂದಿಗೆ ಕಾರ್ಯನಿರ್ವಹಿಸುತ್ತವೆ. ಸ್ಥಳೀಯ ರೈಲುಗಳು ಸಹ 50% ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲಿವೆ ಮತ್ತು ಸಂಜೆ 7 ಗಂಟೆಯ ನಂತರ ಪ್ರಯಾಣ ನಿಲ್ಲಿಸಲಿವೆ.
West Bengal imposes fresh curbs amid the Covid surge
"West Bengal to operate flights from Delhi and Mumbai only twice a week which will be on Monday and Tuesday w.e.f Jan 5," West Bengal Chief Secretary said pic.twitter.com/sqYulEgQTj
— ANI (@ANI) January 2, 2022
ಕಳೆದ ಮೂರು ದಿನಗಳಲ್ಲಿ ರಾಜಧಾನಿ ಕೋಲ್ಕತ್ತಾದಲ್ಲಿ ಪ್ರಕರಣಗಳು ಮೂರು ಪಟ್ಟು ಹೆಚ್ಚಿವೆ ಮತ್ತು ಪಾಸಿಟಿವಿಟಿ ದರವು 12.5% ಕ್ಕೆ ಏರಿದೆ. ಇಡೀ ರಾಜ್ಯದ ಪಾಸಿಟಿವ್ ದರ ಶೇ.5.47ಕ್ಕೆ ಏರಿಕೆಯಾಗಿದೆ. ಕೋಲ್ಕತ್ತಾದಲ್ಲಿ ಶುಕ್ರವಾರ 1,954 ಹೊಸ ಸೋಂಕುಗಳು ವರದಿಯಾಗಿದ್ದು, ಪಶ್ಚಿಮ ಬಂಗಾಳದಲ್ಲಿ ಒಟ್ಟು ಹೊಸ COVID-19 ಪ್ರಕರಣಗಳು 3,451 ರಷ್ಟಿದೆ.