ದುಬಾರಿಯಾದ ಮ್ಯಾಗಿ – ಚಹಾ ಕಾಫಿ ಪ್ಯಾಕ್ ಗಳ ಬೆಲೆ ಹೆಚ್ಚಿಸಿದ ಕಂಪನಿಗಳು..
ಈಗ ನಿಮ್ಮ ಮ್ಯಾಗಿಗೂ ಹಣದುಬ್ಬರದ ತಾಪ ತಟ್ಟಿದೆ. ಮ್ಯಾಗಿ ತಯಾರಕರಾದ ನೆಸ್ಲೆ ಇಂಡಿಯಾ ಸಣ್ಣ ಪ್ಯಾಕ್‌ಗಳ ಬೆಲೆಯನ್ನು 12 ರಿಂದ 14 ರೂ.ಗೆ ಹೆಚ್ಚಿಸಿದೆ. ಮಾಧ್ಯಮ ವರದಿಗಳ ಪ್ರಕಾರ, ಹಿಂದೂಸ್ತಾನ್ ಯೂನಿಲಿವರ್ (HUL) ಮತ್ತು ನೆಸ್ಲೆ ಕಂಪನಿಗಳು ಮಾರ್ಚ್ 14 ರಿಂದ ಚಹಾ, ಕಾಫಿ ಮತ್ತು ಹಾಲಿನ ಬೆಲೆಯನ್ನು ಸಹಾ ಹೆಚ್ಚಿಸಿವೆ. ಬೆಲೆ ಏರಿಕೆಯಿಂದಾಗಿ ಈ ವಸ್ತುಗಳ ಬೆಲೆಯನ್ನು ಹೆಚ್ಚಿಸಲಾಗಿದೆ ಎಂದು ಹಿಂದೂಸ್ತಾನ್ ಯೂನಿಲಿವರ್ ಹೇಳಿದೆ.
ನೆಸ್ಲೆ ಇಂಡಿಯಾ ಮ್ಯಾಗಿ ಬೆಲೆಯನ್ನು 9 ರಿಂದ 16% ರಷ್ಟು ಹೆಚ್ಚಿಸಿದ್ದೇವೆ ಎಂದು ತಿಳಿಸಿದೆ. ನೆಸ್ಲೆ ಇಂಡಿಯಾ ಕೂಡ ಹಾಲು ಮತ್ತು ಕಾಫಿ ಪುಡಿಯ ಬೆಲೆಯನ್ನು ಹೆಚ್ಚಿಸಿದೆ. ಬೆಲೆ ಹೆಚ್ಚಿಸಿದ ನಂತರ ಈಗ 70 ಗ್ರಾಂ ಮ್ಯಾಗಿ ಪ್ಯಾಕೆಟ್‌ಗೆ 12 ರೂ. ಬದಲಿಗೆ 14 ರೂ. ಅದೇ ಸಮಯದಲ್ಲಿ, 140 ಗ್ರಾಂನ ಮ್ಯಾಗಿ ಮಸಾಲಾ ನೂಡಲ್ಸ್ ಬೆಲೆ 3 ರೂ. ಅಂದರೆ 12.5% ಹೆಚ್ಚಾಗಿದೆ. ಆದರೆ ಈಗ 560 ಗ್ರಾಂ ಮ್ಯಾಗಿ ಪ್ಯಾಕ್‌ಗೆ 96 ರೂಪಾಯಿ ಬದಲಿಗೆ 105 ರೂಪಾಯಿ ಪಾವತಿಸಬೇಕಾಗುತ್ತದೆ.
ಚಹಾ ಮತ್ತು ಕಾಫಿ ಬೆಲೆ ಎಷ್ಟು?
ಹಿಂದೂಸ್ತಾನ್ ಯೂನಿಲಿವರ್ ಕಂಪನಿ ಬ್ರೂ ಕಾಫಿ ಬೆಲೆಯನ್ನು 3-7% ರಷ್ಟು ಹೆಚ್ಚಿಸಿದೆ.
ಬ್ರೂ ಗೋಲ್ಡ್ ಕಾಫಿ ಜಾರ್ ಗಳ ಬೆಲೆಯೂ ಶೇ.3-4ರಷ್ಟು ಏರಿಕೆಯಾಗಿದೆ.
ಇನ್ಸ್ಟಾಂಟ್ ಕಾಫಿ ಪೌಚ್‌ಗಳ ಬೆಲೆಗಳು 3% ರಿಂದ 6.66% ಕ್ಕೆ ಏರಿದೆ.
ತಾಜ್‌ಮಹಲ್ ಟೀ ದರ ಶೇ.3.7ರಿಂದ ಶೇ.5.8ಕ್ಕೆ ಏರಿಕೆಯಾಗಿದೆ.
ಬ್ರೂಕ್ ಬಾಂಡ್ ರೂಪಾಂತರದ ಪ್ರತ್ಯೇಕ ಚಹಾಗಳ ಬೆಲೆಗಳು 1.5% ರಿಂದ 14% ರಷ್ಟು ಹೆಚ್ಚಾಗಿದೆ.
ನೆಸ್ಲೆ ಒಂದು ಲೀಟರ್ ಎ+ ಹಾಲಿನ ಬೆಲೆಯನ್ನ ಹೆಚ್ಚಿಸಿದೆ. ಈ ಮೊದಲು 75 ರೂ. ಇದ್ದದ್ದು ಈಗ 78 ರೂ. ಆಗಿದೆ. ನೆಸ್ಕೆಫೆ ಕ್ಲಾಸಿಕ್ ಕಾಫಿ ಪೌಡರ್ ಬೆಲೆ 3-7% ರಷ್ಟು ಹೆಚ್ಚಾಗಿದೆ.
25 ಗ್ರಾಂನ Nescafe ಪ್ಯಾಕ್ ಈಗ 2.5% ದುಬಾರಿಯಾಗಿದೆ. ಇದಕ್ಕೆ 78 ರೂಪಾಯಿ ಬದಲು ಈಗ 80 ರೂಪಾಯಿ ಪಾವತಿಸಬೇಕಾಗುತ್ತದೆ. ಇದರೊಂದಿಗೆ 50 ಗ್ರಾಂ ನೆಸ್ಕೆಫೆ ಕ್ಲಾಸಿಕ್‌ಗೆ 145 ರೂಪಾಯಿ ಬದಲಿಗೆ 150 ರೂಪಾಯಿ ಪಾವತಿಸಬೇಕಾಗುತ್ತದೆ.
