ಮಂಗಳನ ಅಂಗಳದಲ್ಲಿ ಮತ್ತೊಂದು ಸಾಧನೆ ಮಾಡಿದ ನಾಸಾ..!
ಪ್ರಬಲ ಬಾಹ್ಯಾಕಾಶ ಸಂಸ್ಥೆಯಾಗಿರುವ ಅಮೆರಿಕಾ ಮೂಲದ ನಾಸಾ ಇದೀಗ ಮಂಗಳನ ಅಂಗಳದಲ್ಲಿ ಮತ್ತೊಂದು ಸಾಧನೆ ಮಾಡಿದೆ. ನಾಸಾದ ಪರ್ಸೀವರೆನ್ಸ್ ರೋವರ್ ಮಂಗಳ ಗ್ರಹದಲ್ಲಿರುವ ಇಂಗಾಲದ ಡೈ ಆಕ್ಸೈಡ್ ಬಳಸಿ ಯಶಸ್ವಿಯಾಗಿ ಆಮ್ಲಜನಕ ತಯಾರಿಸಿದೆ.
ಈ ಪ್ರಯೋಗವನ್ನು ಎಪ್ರಿಲ್ 20ರಂದು ಮಾರ್ಸ್ ಆಕ್ಸಿಜನ್ ಇನ್-ಸಿಟು ರಿಸೋರ್ಸ್ ಯುಟಿಲೈಝೇಶನ್ ಇಕ್ವಿಪ್ಮೆಂಟ್ ನಡೆಸಿತ್ತು. ಟೋಸ್ಟರ್ ಗಾತ್ರದ ಈ ಉಪಕರಣದ ಯಶಸ್ಸು ದೊಡ್ಡ ಸಾಧನೆಯೆಂದೇ ಬಿಂಬಿಸಲಾಗಿದೆ.
ಈ ಯಶಸ್ವೀ ಪ್ರಯೋಗ ಮುಂದೆ ಮಂಗಳನ ಅಂಗಳದಲ್ಲಿ ದೊಡ್ಡ ಮಟ್ಟದಲ್ಲಿ ಆಕ್ಸಿಜನ್ ಉತ್ಪಾದನೆಗೆ ನಾಂದಿಯಾಗುವ ಸಾಧ್ಯತೆಯಿದೆಯೆನ್ನಲಾಗಿದೆ. ಸುಮಾರು 800 ಡಿಗ್ರಿ ಸೆಲ್ಸಿಯಸ್ ತಾಪಮಾನದಲ್ಲಿ ಈ ಪ್ರಕ್ರಿಯೆ ನಡೆಯುತ್ತದೆ.
ಈ ಚಿನ್ನ ಲೇಪಿತ ಇನ್ಸುಲೇಟೆಡ್ ಉಪಕರಣ ಅಂತಿಮವಾಗಿ 5.4 ಗ್ರಾಂ ಆಕ್ಸಿಜನ್ ಅನ್ನು ಒಂದು ಗಂಟೆಯಲ್ಲಿ ಉತ್ಪತ್ತಿ ಮಾಡಿದೆ. ಮುಂದಿನ ಹಂತಗಳಲ್ಲಿ ಈ ಉಪಕರಣ ಪ್ರತಿ ಗಂಟೆಗೆ 10ರಿಂದ 12 ಗ್ರಾಂ ಆಕ್ಸಿಜನ್ ಉತ್ಪತ್ತಿ ಮಾಡುವ ಸಾಮರ್ಥ್ಯ ಹೊಂದಿದೆ.
ಆಕ್ಸಿಜನ್ ಇನ್-ಸಿಟು ರಿಸೋರ್ಸ್ ಯುಟಿಲೈಝೇಶನ್ ಇಕ್ವಿಪ್ಮೆಂಟ್ ವಾತಾವರಣದಲ್ಲಿರುವ ಇಂಗಾಲದ ಡೈಆಕ್ಸೈಡ್ ಅನ್ನು ಹೀರಿ ಅದನ್ನು ಕಂಪ್ರೆಸ್ ಮಾಡಿ ಫಿಲ್ಟರ್ ಮಾಡಿ ಅನಿಲದಿಂದ ಎಲ್ಲಾ ಮಾಲಿನ್ಯಕಾರಕಗಳನ್ನು ಹೊರಹಾಕುತ್ತಿದೆ.
ಈ ಅನಿಲಕ್ಕೆ ನಂತರ ಶಾಖ ನೀಡಿ ಆಕ್ಸಿಜನ್ ಅಣುಗಳನ್ನು ಕಾರ್ಬನ್ ಡೈಆಕ್ಸೈಡ್ ಕಣಗಳಿಂದ ಪ್ರತ್ಯೇಕಿಸಿದಾಗ ಕಾರ್ಬನ್ ಮೊನೋಕ್ಸೈಡ್ ಆಗುತ್ತದೆ.
ಭಾರತದ ವಿಮಾನಗಳಿಗೆ ನಿರ್ಬಂಧ ಹೇರಿದ ಈ ದೇಶಗಳು..!