ಮಿಂಟೋ ಆಂಜನೇಯಸ್ವಾಮಿ ದೇವಸ್ಥಾನವು ಬೆಂಗಳೂರಿನ ಮಿಂಟೋ ಕಣ್ಣಿನ ಆಸ್ಪತ್ರೆಯ ಬಳಿ ಇದೆ. ಇದು ಬೆಂಗಳೂರಿನ ಪ್ರಸಿದ್ಧ ಆಂಜನೇಯಸ್ವಾಮಿ ದೇವಾಲಯಗಳಲ್ಲಿ ಒಂದಾಗಿದೆ.
ಈ ದೇವಾಲಯವು 17ನೇ ಶತಮಾವನಕ್ಕೆ ಸೇರಿದ್ದು, ಸುಮಾರು 400 ವರ್ಷಗಳಾಷ್ಟು ಪುರಾತನವಾಗಿರುತ್ತದೆ ಎಂದು ತಿಳಿದುಬರುತ್ತದೆ. ಈ ವಿಗ್ರಹವು ಸ್ವಾತಂತ್ರ್ಯ ಪೂರ್ವದಲ್ಲಿ ವಿಕ್ಟೋರಿಯಾ ಆಸ್ಪತ್ರೆಯನ್ನು ಕಟ್ಟಲು ಸುತ್ತಮುತ್ತಿನ ಕೋಟಡಯನ್ನು ಉರುಳಿಸುತ್ತಿದ್ದಾಗ, ನಿರ್ಮಾಣಕಾರ ಸೊಣ್ಣಪ್ಪನವರಿಗೆ ಈ ವಿಗ್ರಹವು ದೊರೆಯಿತು. ಸದರಿ ವಿಗ್ರಹಕ್ಕೆ ಮಿಂಟೋ ಕಣ್ಣಿನ ಆಸ್ಪತ್ರೆಯ ಮುಂಭಾಗದಲ್ಲಿ ಮಣ್ಣಿನಿಂದ ಪುಟ್ಟ ಗೂಡೊಂದನ್ನು ನಿರ್ಮಿಸಲಾಗಿತ್ತು, ಉಡುಪಿ ನಿವಾಸಿ ಆದಮಾರು ಮಠದ ಶಿಷ್ಯರಾದ ವಿದ್ವಾನ್ ವಿಠ್ಠಲದಾಸಾಚಾರ್ಯರು 1922ರಲ್ಲಿ ಪೂಜೆ ಪುರಸ್ಕಾರಗಳನ್ನು ನಡೆಸುತ್ತಿದ್ದರು. ಶಿಥಿಲಗೊಂಡಿದ್ದ ಈ ದೇವಾಲಯವನ್ನು ಆಗಿನ ಮೈಸೂರು ದಿವಾನರಾಗಿದ್ದ ಸರ್ ಮಿರ್ಜಾ ಇಸ್ಮಾಯಿಲ್ ಜೀರ್ಣೋದ್ಧಾರ ಮಾಡಿದರು. ನಂತರದಲ್ಲಿ ತರಗುಪೇಟೆಯ ವರ್ತಕರು ಗೋಪುರವನ್ನು ನಿರ್ಮಿಸಿದ್ದು, ದಿವಾನ್ ಎನ್ ಮಾಧವರಾಯರು ದೇವಾಲಯಕ್ಕೆ ಕಟಾಂಜನವನ್ನು ಹಾಕಿಸಿದರು. ಹೀಗೆ ಹಲವಾರು ಅಂತರಂಗ ಭಕ್ತರು ಶ್ರೀ ಸ್ವಾಮಿಯವರ ದೇವಾಲಯದ ಅಭಿವೃದ್ಧಿ ಕಾರ್ಯದಲ್ಲಿ ಸಹಾಯ ಮಾಡಿರುತ್ತಾರೆ. ಬೆಂಗಳೂರಿನ ಅಂದಿನ ಶ್ರೀ ಕೆಂಪೇಗೌಡರ ಆಳ್ವಿಕೆಯಲ್ಲಿ ಈ ದೇವಾಲಯವು ಜೀರ್ಣೋದ್ಧಾರ ಹೊಂದಿದ್ದು, ಆನಂತರ ಇತ್ತೀಚಿಗೆ ಸರ್ಕಾರದಿಂದಲೂ ಹಂತ-ಹಂತವಾಗಿ ಜೀರ್ಣೋದ್ಧಾರಗೊಂಡಿರುತ್ತದೆ. ಈ ಬಗ್ಗೆ ಯಾವುದೇ ಶಾಸನದಲ್ಲಿ ಕಂಡು ಬರುವುದಿಲ್ಲ.
ಮಾಧ್ವ ಸಂಪ್ರದಾಯದ ಪ್ರಮುಖ ಯತಿಗಳಲ್ಲಿ ಒಬ್ಬರಾದ ಕರ್ಣಾಟ ಸಿಂಹಾಸನಾಧೀಶ್ವರ ಬಿರುದಾಂಕಿತ ಶ್ರೀ ವ್ಯಾಸರಾಜರು ಲೋಕಕಲ್ಯಾಣಾರ್ಥ ಭಾರತದಾದ್ಯಂತ 734 ಸ್ಥಳಗಳಲ್ಲಿ ಮುಖ್ಯ ಪ್ರಾಣದೇವರ ಪ್ರತಿಷ್ಠೆ ಮಾಡಿರುತ್ತಾರೆ. ಅವುಗಳಲ್ಲಿ ಒಂದು ಶ್ರೀ ಪ್ರಸನ್ನ ಆಂಜನೇಯ ಸ್ವಾಮಿ ವಿಗ್ರಹ. ಶ್ರೀಸ್ವಾಮಿಯ ವಿಗ್ರಹವು ಅತ್ಯಂತ ಅಪೂರ್ವವಾಗಿದ್ದು
ಬಲ ಹಸ್ತದಲ್ಲಿ ಅಭಯ ನೀಡುತ್ತಿರುವ ಸ್ವಾಮಿಯ ವಿಗ್ರಹವು ಎಡ ಹಸ್ತದಲ್ಲಿ ಗದೆಯನ್ನು ಹೊಂದಿದ್ದು, ವ್ಯಾಸರಾಜರು ಪ್ರತಿಷ್ಠಾಪಿಸಿರುವುದರ ಸಂಕೇತವಾಗಿ ಬಾಲದಲ್ಲಿ ಘಂಟೆ, ಹೃದಯ ಮತ್ತು ಬಾಹುಗಳಲ್ಲಿ ದ್ವಾದಶ ನಾಮಗಳನ್ನು ಹೊಂದಿರುತ್ತದೆ. ಶ್ರೀಸ್ವಾಮಿಯ ಪಾದದ ಕೆಳಗೆ ಅಕ್ಷಕುಮಾರನ ಸಂಕೇತವಿರುತ್ತದೆ.
* ಮಹಿಮೆ:
* ಭಕ್ತರು ಈ ದೇವಸ್ಥಾನದಲ್ಲಿ ಆಂಜನೇಯಸ್ವಾಮಿಗೆ ಪೂಜೆ ಸಲ್ಲಿಸಿದರೆ ತಮ್ಮ ಕಷ್ಟಗಳು ದೂರವಾಗುತ್ತವೆ ಎಂದು ನಂಬುತ್ತಾರೆ.
* ಈ ದೇವಾಲಯವು ವಿಶೇಷವಾಗಿ ಶನಿವಾರ ಮತ್ತು ಮಂಗಳವಾರದಂದು ಭಕ್ತರಿಂದ ತುಂಬಿರುತ್ತದೆ.
* ಈ ದೇವಾಲಯವು ಭಕ್ತರಿಗೆ ವಿಶೇಷ ಮಹತ್ವವನ್ನು ಹೊಂದಿದೆ.
ಬಾಗಿಲು ತೆರೆಯುವ ಸಮಯ:
06:30 AM IST – 12:30 PM IST
05:30 PM IST – 08:30 PM IST
ಬಾಗಿಲು ಮುಚ್ಚುವ ಸಮಯ:
12:30 PM IST – 08:30 PM IST
ಸಾಮಾನ್ಯ ದರ್ಶನ
ಮಿಂಟೋ ಆಂಜನೇಯಸ್ವಾಮಿ ದೇವಸ್ಥಾನವು ಬೆಂಗಳೂರಿನ ಪ್ರಮುಖ ಧಾರ್ಮಿಕ ಸ್ಥಳಗಳಲ್ಲಿ ಒಂದಾಗಿದೆ. ಇದು ಭಕ್ತರಿಗೆ ಶಾಂತಿ ಮತ್ತು ನೆಮ್ಮದಿಯನ್ನು ನೀಡುತ್ತದೆ.
