ಬಾಲಿವುಡ್ ನಟಿ ನೇಹಾ ಧೂಪಿಯಾ (Neha Dhupia) ನಟನೆಗೆ ಅಭಿಮಾನಿಗಳು ಸೇರಿದಂತೆ ಸೆಲೆಬ್ರಿಟಿಗಳು ಸೈ ಎನಿಸಿಕೊಂಡಿದ್ದಾರೆ. ಕಳೆದ 22 ವರ್ಷಗಳಿಂದ ಚಿತ್ರರಂಗದಲ್ಲಿ ಇದ್ದರೂ ತನಗೆ ಸರಿಯಾಗಿ ಸಿನಿಮಾವಕಾಶ ಸಿಗುತ್ತಿಲ್ಲ ಎಂದು ಸಂದರ್ಶನವೊಂದರಲ್ಲಿ ನಟಿ ಹೇಳಿದ್ದಾರೆ.
ನಟಿ ಕಳೆದ ಮೂರ್ನಾಲ್ಕು ತಿಂಗಳುಗಳಿಂದ ನನಗೆ ದಕ್ಷಿಣದ ಚಿತ್ರರಂಗದಿಂದ ಸಿನಿಮಾ ಆಫರ್ಗಳು ಅರಸಿ ಬರುತ್ತಿವೆ. ಅಲ್ಲಿನವರ ಬಗ್ಗೆ ನನಗೆ ಗೊತ್ತಿಲ್ಲ. ಹೀಗಾಗಿ ಸಿನಿಮಾ ಅವಕಾಶ ಒಪ್ಪಿಕೊಳ್ಳುತ್ತಿಲ್ಲ. ಬಾಲಿವುಡ್ನಲ್ಲಿ ನಮ್ಮವರು, ನನ್ನ ಸಾಮರ್ಥ್ಯದ ಬಗ್ಗೆ ಗೊತ್ತಿದ್ದರೂ ಆಫರ್ ಕೊಡುತ್ತಿಲ್ಲ ಎಂದಿದ್ದಾರೆ. ನಿಮ್ಮ ನಟನೆ ಚೆನ್ನಾಗಿದೆ ಅಂತಾರೆ, ಆದರೆ ಸಿನಿಮಾ ಅವಕಾಶ ಕೊಡಲ್ಲ ಎಂದು ನಟಿ ನೇಹಾ ಧೂಪಿಯಾ ಬೇಸರಿಸಿಕೊಂಡಿದ್ದಾರೆ.
ನಟನೆಗೆ ಅವಕಾಶ ನೀಡುವುದಾಗಿ ಕೊನೆಯ ಬಾರಿ ಯಾವಾಗ ಕರೆ ಬಂದಿತ್ತು ಎಂಬುವುದು ನೆನಪಿಲ್ಲ ಎಂದು ನಟಿ ಹೇಳಿದ್ದಾರೆ. ಸಿನಿಮಾದಲ್ಲಿ ಬೇಡ ಕೊನೆ ಪಕ್ಷ ವೆಬ್ ಸರಣಿಯಲ್ಲಿ ಆದರೂ ಅವಕಾಶ ಕೊಡಬಹುದು. ಆದರೆ ಅಲ್ಲಿಯೂ ಅವಕಾಶಕ್ಕೆ ಕಲ್ಲು ಹಾಕುವವರು ಜಾಸ್ತಿ. ಇಂದಿಗೂ ಸಿನಿಮಾ ಆಫರ್ಗಾಗಿ ಕಷ್ಟಪಡುತ್ತಿದ್ದೇನೆ ಎಂದು ನಟಿ ನೇಹಾ ಹೇಳಿದ್ದಾರೆ.
