25ನೇ ಭಾರಿ ವಿಶ್ವ ಬಿಲಿಯರ್ಡ್ಸ್ ಪ್ರಶಸ್ತಿ ಗೆದ್ದ ಪಂಕಜ್ ಅಡ್ವಾಣಿ…
ಭಾರತದ ದಂತಕಥೆ ಪಂಕಜ್ ಅಡ್ವಾಣಿ 25ನೇ ಬಾರಿಗೆ ವಿಶ್ವ ಬಿಲಿಯರ್ಡ್ಸ್ ಪ್ರಶಸ್ತಿ ಗೆದ್ದಿದ್ದಾರೆ. ಶನಿವಾರ ನಡೆದ ಏಕಪಕ್ಷೀಯ ಫೈನಲ್ ನಲ್ಲಿ ಪಂಕಜ್ 4-0 ಅಂತರದಲ್ಲಿ ಭಾರತದ ಸೌರವ್ ಕೊಠಾರಿ ಅವರನ್ನು ಸೋಲಿಸಿ ಚಾಂಪಿಯನ್ ಪಟ್ಟಕ್ಕೇರಿದ್ದಾರೆ.
ಈ ಟೂರ್ನಿಯಲ್ಲಿ 600ಕ್ಕೂ ಹೆಚ್ಚು ಅಂಕ ಗಳಿಸಿದ ಅಡ್ವಾಣಿ ಸತತ ಐದನೇ ವರ್ಷವೂ ಪ್ರಶಸ್ತಿ ಉಳಿಸಿಕೊಂಡಿರುವುದು ಗಮನಾರ್ಹ.
‘‘ಸತತ ಐದನೇ ವರ್ಷ ವಿಶ್ವ ಚಾಂಪಿಯನ್ ಶಿಪ್ ಉಳಿಸಿಕೊಂಡಿರುವುದು ನನ್ನ ಕನಸನ್ನು ನನಸಾಗಿಸಿದೆ. ಈ ವರ್ಷ ನಾನು ಭಾಗವಹಿಸಿದ ಪ್ರತಿ ಬಿಲಿಯರ್ಡ್ಸ್ ಪಂದ್ಯಾವಳಿಯಲ್ಲಿ ಪ್ರಶಸ್ತಿ ಗೆದ್ದಿರುವುದು ಅದ್ಭುತವಾಗಿದೆ. ವಿಶ್ವ ಮಟ್ಟದಲ್ಲಿ ದೇಶಕ್ಕೆ ಮತ್ತೊಂದು ಚಿನ್ನದ ಪದಕ ನೀಡಿದ ಹೆಮ್ಮೆ ನಮ್ಮದು,’’ ಎಂದು ಪಂಕಜ್ ಸಂತಸ ವ್ಯಕ್ತಪಡಿಸಿದರು.
Pankaj Advani pockets world title number 25 in Kuala Lumpur