ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದಿರುವ ಡೆಲ್ಲಿ ಕ್ಯಾಪಿಟಲ್ಸ್ ಇಂದು ಪಂಜಾಬ್ ಕಿಂಗ್ಸ್ ತಂಡವನ್ನು ಎದುರಿಸಲಿದೆ.
11 ಪಂದ್ಯಗಳಿಂದ 4 ಪಂದ್ಯಗಳನ್ನು ಗೆದ್ದಿರುವ ಡೆಲ್ಲಿ ಕ್ಯಾಪಿಟಲ್ಸ್ ಟೂರ್ನಿಯಿಂದ ಹೊರಬಿದಿದೆ. ಉಳಿದ 3 ಪಂದ್ಯಗಳನ್ನೂ ಗೆದ್ದರೂ 14 ಅಂಕಗಳನ್ನು ಪಡೆಯಲಿದ್ದು ಅಗ್ರ ನಾಲ್ಕರಲ್ಲಿ ಸ್ಥಾನ ಪಡೆಯಲು ಆಗುವುದಿಲ್ಲ. ನಾಯಕ ಡೇವಿಡ್ ವಾರ್ನರ್,ಫಿಲ್ ಸಾಲ್ಟ್ ಮತ್ತು ಆಲ್ರೌಂಡರ್ ಮಿಚೆಲ್ ಮಾರ್ಷ್ ತಂಡವನ್ನು ಸಂಕಷ್ಟದಿಂದ ಪಾರು ಮಾಡಿದ್ದಾರೆ. ತಂಡದಲ್ಲಿರುವ ಭಾರತೀಯ ಬ್ಯಾಟರ್ಗಳು ಮನೀಶ್ ಪಾಂಡೆ, ರಿಪಾಲ್ ಪಟೇಲ್, ಅಮಾನ್ ಹಕಿಮ್ ಹೇಳಿಕೊಳ್ಳುವಂತಹ ಬ್ಯಾಟಿಂಗ್ ಪ್ರದರ್ಶನ ನೀಡಿಲ್ಲ. ಮಧ್ಯಮ ಕ್ರಮಾಂಕದಲ್ಲಿ ಸಾಮರ್ಥ್ಯ ತೋರಿಸದಿರುವುದು ತಂಡದ ವೈಫಲ್ಯಕ್ಕೆ ಕಾರಣವಾಯಿತು.
ನಾಯಕ ವಾರ್ನರ್ ಮೊದಲಾರ್ಧದ ಆವೃತ್ತಿಯಲ್ಲಿ ಚೆನ್ನಾಗಿ ಕಂಡರು. ಕಳೆದ ಐದು ಇನ್ನಿಂಗ್ಸ್ಗಳಿಂದ ರನ್ ಗಳಿಸಲು ಪರದಾಡಿ 3 ಇನ್ನಿಂಗ್ಸ್ಗಳಲ್ಲಿ ಒಂದಂಕಿ ರನ್ ಗಳಿಸಿದ್ದಾರೆ. ಸಾಲ್ಟ್ ಎರಡು ಇನ್ನಿಂಗ್ಸ್ಗಳಲ್ಲಿ ಚೆನ್ನಾಗಿ ಆಡಿದರು.ಮೂರು ಪಂದ್ಯಗಳಲ್ಲಿ ಎರಡು ಬಾರಿ ಡಕ್ ಆಗಿ ಸುಲಭವಾಗಿ ವಿಕೆಟ್ ಒಪ್ಪಿಸಿದರು. ಮಾರ್ಷ್ ಸನ್ರೈಸರಸ್ಸ್ ವಿರುದ್ಧ ಅಬ್ಬರಿಸಿದ್ದು ಬಿಟ್ಟರೆ ನಂತರ ಯಾವ ಪಂದ್ಯಗಳಲ್ಲೂ ರನ್ ಗಳಿಸಲಿಲ್ಲ. ಇನ್ನು ಬೌಲಿಂಗ್ ವಿಭಾಗದಲ್ಲಿ ಅಕ್ಸರ್ ಪಟೇಲ್ ಮತ್ತು ಕುಲ್ದೀಪ್ ಯಾದವ್ ಅದ್ಭುತ ಸ್ಪಿನ್ ಮಾಡಿದರು. ಇಶಾಂತ್ ಶರ್ಮಾ ಮತ್ತು ಖಲೀಲ್ ಅಹ್ಮದ್ ಹೆಚ್ಚಿನ ಸಂದರ್ಭದಲ್ಲಿ ಯಶಸ್ಸು ಕಂಡರು. ವೇಗಿ ಆ್ಯನಿರಿಟ್ಜ್ ನೋಟ್ರ್ಜೆ ತವರಿಗೆ ಮರಳಿದ್ದು ಡೆಲ್ಲಿ ತಂಡಕ್ಕೆ ಹಿನ್ನಡೆಯಾಗಿದೆ. ಇನ್ನು ಪಂಜಾಬ್ ತಂಡ 11 ಪಂದ್ಯಗಳಿಂದ 10 ಅಂಕ ಸಂಪಾದಿಸಿದೆ. ಮುಂಬೈ ಮತ್ತು ಕೊಲ್ಕತ್ತಾ ವಿರುದ್ಧ ಸೋತಿದ್ದರಿಂದ ಇಂದಿನ ಪಂದ್ಯವನ್ನು ಗೆಲ್ಲಲೇಬೇಕಾದ ಅನಿವಾರ್ಯತೆಯನ್ನು ಎದುರಿಸುತ್ತಿದೆ.
ಪಂಜಾಬ್ ಈ ಋತುವಿನಲ್ಲಿ ಸಿಹಿ ಕಹಿ ಎರಡನ್ನೂ ಕಂಡಿದೆ. ಕಳೆದ ಎರಡೂ ಪಂದ್ಯಗಳಲ್ಲಿ ಮುಂಬೈ ವಿರುದ್ಧ ಬೃಹತ್ ಮೊತ್ತವನ್ನು ರಕ್ಷಿಸುವಲ್ಲಿ ಎಡವಿದರು. ಕೋಲ್ಕತ್ತಾ ವಿರುದ್ಧವೂ ಇದೇ ಎಡವಟ್ಟನ್ನು ಮಾಡಿಕೊಂಡಿತು. ಕಳೆದ ಪಂದ್ಯದಲ್ಲಿ ಅಗ್ರ ಮೂರಕ್ಕೇರಲು ಅವಕಾಶವಿತ್ತು. ಆದರೆ ರಿಂಕು ಸಿಂಗ್ ಕೊನೆಯ ಎಸೆತದಲ್ಲಿ ಬೌಂಡರಿ ಹೊಡೆದು ಪಂಜಾಬ್ ಹಿನ್ನಡೆಯನ್ನುಂಟು ಮಾಡಿದರು. ಹೀಗಾಗಿ ಪಂಜಾಬ್ ಕೊನೆಯ 3 ಪಂದ್ಯಗಳನ್ನು ಗೆಲ್ಲಬೇಕಾಗಿ ಬಂತು. ಶಿಖರ್ ಧವನ್ ಅತ್ಯುತ್ತಮ ಬ್ಯಾಟರ್ ಆಗಿದ್ದಾರೆ. ಆದರೆ ಪ್ರಭಾಸಿಮ್ರಾನ್ ಸಿಂಗ್ ಒಳ್ಳೆಯ ಪ್ರದರ್ಶನ ನೀಡಿಲ್ಲ. ಭಾನುಕಾ ರಾಜಪಕ್ಸ ಗಾಯದಿಂದ ಹೊರಬಂದಿದ್ದು ಡಕೌಟ್ ಆಗಿದ್ದಾರೆ. ಜಿತೇಶ್ ಶರ್ಮಾ ಮತ್ತು ಆಲ್ರೌಂಡರ್ ಲಿಯಾಮ್ ಲಿವಿಂಗ್ಸ್ಟೋನ್ ಅವರುಗಳಿಂದ ಸೋಟಕ ಬ್ಯಾಟಿಂಗ್ ನಿರೀಕ್ಷಿಸಲಾಗಿದೆ.
ಬೌಲಿಂಗ್ ವಿಭಾಗದಲ್ಲಿ ಅರ್ಷದೀಪ್ ಸಿಂಗ್ ತಂಡದ ಪ್ರಮುಖ ಬೌಲರ್ ಆಗಿದ್ದಾರೆ. ನಾಥನ್ ಎಲ್ಲಿಸ್ ಮತ್ತು ಸ್ಯಾಮ್ ಕರ್ರನ್ ಸಾಕಷ್ಟು ರನ್ ಬಿಟ್ಟುಕೊಟ್ಟಿದ್ದಾರೆ. ತಂಡದಲ್ಲಿ ಒಳ್ಳೆಯ ಸ್ಪಿನ್ನರ್ ಇಲ್ಲದಿರುವುದು ತಂಡಕ್ಕೆ ಹಿನ್ನಡೆಯಾಗಿದೆ. ಲೆಗ್ ಸ್ಪಿನ್ನರ್ ರಾಹುಲ್ ಚಾಹರ್ ಸ್ಥಿರತೆ ಹೊಂದಿಲ್ಲ. ಮತ್ತೋರ್ವ ಸ್ಪಿನ್ನರ್ ಲಿಯಾಮ್ ಲಿವಿಂಗ್ ಸ್ಟೋನ್ 5 ಪಂದ್ಯಗಳಿಂದ 2 ವಿಕೆಟ್ ಪಡೆದಿದ್ದಾರೆ. ಸ್ಪಿನ್ನರ್ ಹರಪ್ರೀತ್ ಬ್ರಾರ್ 10 ಪಂದ್ಯಗಳಿಂದ 5 ವಿಕೆಟ್ ಪಡೆದಿದ್ದಾರೆ.
