ಸೋಲಿನಿಂದ ಕಂಗೆಟ್ಟಿರುವ ಆರ್ಸಿಬಿ ಇಂದು ಐಪಿಎಲ್ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವನ್ನು ಎದುರಿಸಲಿದೆ.
ಮೊಹಾಲಿ ಬಿಂದ್ರಾ ಮೈದಾನದಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಆರ್ಸಿಬಿ ತಂಡ ಗೆಲುವಿನ ಲಯಕ್ಕೆ ಮರಳಲು ಹೋರಾಡಲಿದೆ. ಇತ್ತ ಪಂಜಾಬ್ ತಂಡ ತವರಿನಲ್ಲಿ ಗೆದ್ದು ಅಂಕ ಹೆಚ್ಚಿಸಿಕೊಳ್ಳಲು ಪ್ಲ್ಯಾನ್ ಮಾಡಿದೆ. ಆರ್ಸಿಬಿ ತಂಡ ದುರಾದೃಷ್ಟದಿಂದ ಸೋಲುತ್ತಿದೆ. ನಾಯಕ ಫಾಫ್ ಡುಪ್ಲೆಸಿಸ್ ಮತ್ತು ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ಆರಂಭಿಸುತ್ತಿದ್ದಾರೆ. ಟೂರ್ನಿಯಲ್ಲಿ ರಾಜಸ್ಥಾನ ತಂಡದ ಜೋಸ್ ಬಟ್ಲರ್ ಹಾಗು ಜೈಸ್ವಾಲ್ ಹೊರತಾಗಿ ಇವರು ಅತ್ಯುತ್ತಮ ಆರಂಭಿಕರಾಗಿದ್ದಾರೆ.
ನಾಲ್ಕನೆ ಕ್ರಮಾಂಕದಲ್ಲಿ ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್ ಮತ್ತು ಸುಯೇಶ್ ಪ್ರಭುದೇಸಾಯಿ ಬಲಿಷ್ಠ ಬ್ಯಾಟಿಂಗ್ ಪಡೆಯನ್ನು ಹೊಂದಿದೆ. ಆದರೆ ಪಂಜಾಬ್ ತಂಡದಂತೆ ಆರ್ಸಿಬಿ ಬ್ಯಾಟಿಂಗ್ನಲ್ಲಿ ಅಸ್ಥಿರತೆ ಹೊಂದಿದೆ. ಚೆನ್ನೈ ವಿರುದ್ಧ 226 ರನ್ ಚೇಸ್ ಮಾಡುವಾಗ ಕೊಹ್ಲಿ (6), ಲೊಮ್ರೊರ್ (0) ಸುಲಭವಾಗಿ ವಿಕೆಟ್ ಒಪ್ಪಿಸಿದ್ದರು.ನಂತರ ನಾಯಕ ಫಾಫ್ ಡುಪ್ಲೆಸಿಸ್ ಮತ್ತು ಗ್ಲೆನ್ ಮ್ಯಾಕ್ಸ್ವೆಲ್ ತಂಡದ ಜವಾಬ್ದಾರಿ ಹೊತ್ತರು. ತಂಡವನ್ನು ಗೆಲುವಿನೆಡೆಗೆ ಕೊಂಡೊಯ್ಯುವಲ್ಲಿ ಯಶಸ್ವಿಯಾದರು. ಆದರೆ ಕೊನೆಯಲ್ಲಿ 8 ರನ್ ನಿಂದ ಸೋಲಬೇಕಾಯಿತು.
ಈ ಸೋಲಿನಿಂದಾಗಿ ಆರ್ಸಿಬಿ ಅಂಕಪಟ್ಟಿಯಲ್ಲಿ ಕೆಳ ಸ್ಥಾನವನ್ನು ಪಡೆಯಬೇಕಾಗಿದೆ. ಆರ್ಸಿಬಿ 5 ಪಂದ್ಯಗಳಿಂದ 4 ಅಂಕಗಳೊಂದಿಗೆ ಎಂಟನೆ ಸ್ಥಾನ ಪಡೆದಿದೆ. ಅಂಕಪಟ್ಟಿಯಲ್ಲಿ ಮೇಲೆರಲು ಅವಕಾಶವಿದ್ದು ಪ್ಲೇಆಫ್ಗೆ ಹೋಗಲು ಅವಕಾಶವಿದೆ. ಐಪಿಎಲ್ನಂತ ಟೂರ್ನಿಗಳಲ್ಲಿ ಫಲಿತಾಂಶಗಳು ಏನುಬೇಕಾದರೂ ಆಗಬಹುದಾಗಿದೆ. ಇನ್ನು ಬೌಲಿಂಗ್ನಲ್ಲಿ ಪಂಜಾಬ್ನಂತೆ ಆರ್ಸಿಬಿ ಬಲಿಷ್ಠವಾಗಿಲ್ಲ. ಆದರೆ ಮೊಹ್ಮದ್ ಸಿರಾಜ್, ಹರ್ಷಲ್ ಪಟೇಲ್ ಮತ್ತು ವಾಯ್ನೆ ಪಾರ್ನೆಲ್ ಪಂದ್ಯದ ಫಲಿತಾಂಶವನ್ನು ಬದಲಿಸುವ ತಾಕತ್ತು ಹೊಂದಿದ್ದಾರೆ.
ಆರ್ಸಿಬಿ ತಂಡಕ್ಕೆ ನೈತಿಕ ಸ್ಥೈರ್ಯ ತುಂಬಬೇಕಿದ್ದು ಮತ್ತೆ ಗೆಲುವಿನ ಲಯಕ್ಕೆ ಮರಳಬೇಕಿದೆ. ಪಂಜಾಬ್ ವಿರುದ್ಧ ಗೆಲ್ಲುವ ನೆಚ್ಚಿನ ತಂಡವಾಗಿದೆ.
ಪಂಜಾಬ್ ತಂಡಕ್ಕೆ ನಾಯಕ ಶಿಖರ್ ಧವನ್ ಗಾಯದಿಂದ ಬಳಲುತ್ತಿರುವುದು ದೊಡ್ಡ ಹಿನ್ನಡೆಯಗಿದೆ. ಭುಜದ ನೋವಿನಿಂದ ಬಳಲುತ್ತಿರುವ ಧವನ್ ಮೊನ್ನೆ ಲಕ್ನೊ ವಿರುದ್ಧದ ಪಂದ್ಯದಲ್ಲಿ ಆಡಿರಲಿಲ್ಲ . ಇಂಗ್ಲೆಂಡ್ ಆಲ್ರೌಂಡರ್ ಸ್ಯಾಮ್ ಕರ್ರನ್ ತಂಡವನ್ನು ಮುನ್ನಡೆಸಿ ತಂಡಕ್ಕೆ 2 ವಿಕೆಟ್ಗಳ ರೋಚಕ ಗೆಲುವು ಕೊಡಿಸುವಲ್ಲಿ ಯಶಸ್ವಿಯಾದರು.ತಂಡದ ಮತ್ತೋರ್ವ ಆಲ್ರವಂಡರ್ ಸಿಕಂದರ್ ರಾಜಾ ತಂಡದ ಪರ ಅತಿ ಹೆಚ್ಚು ರನ್ ಹೊಡೆದ ಆಟಗಾರ ಎನಿಸಿದ್ದಾರೆ. ಮ್ಯಾಥೀವ್ ಶಾರ್ಟ್, ಹರಪ್ರೀತ್ ಸಿಂಗ್ ಮತ್ತು ತಮಿಳುನಾಡಿನ ಶಾರುಖ್ ಖಾನ್ ಫಿನೀಶರ್ಗಳಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಪಂಜಾಬ್ ತಂಡ ಆರ್ಸಿಬಿಯನ್ನು ಬ್ಯಾಟಿಂಗ್ ಮೂಲಕವೇ ಸೋಲಿಸಬೇಕಿದೆ. ನಾಯಕ ಕರ್ರನ್ ಬ್ಯಾಟಿಂಗ್ನಲ್ಲಿ ರನ್ ಗಳಿಸುತ್ತಿಲ್ಲ.ಧವನ್ ಉಪಸ್ಥಿತಿಯಲ್ಲಿ ಪಂಜಾಬ್ ತಂಡದ ಬ್ಯಾಟಿಂಗ್ ಬಲಿಷ್ಠವಾಗಿ ಕಾಣುತ್ತದೆ. ಓಪನರ್ ಪ್ರವಾಸಿ ಸಿಮ್ರಾನ್ ಜವಾಬ್ದಾರಿಯುತವಾಗಿ ಆಡಬೇಕಿದೆ.
ಇನ್ನು ಬೌಲಿಂಗ್ ವಿಭಾಗದಲ್ಲಿ ವೇಗಿ ಆರ್ಷದೀಪ್ ಮತ್ತು ನಾಯಕ ಸ್ಯಾಮ್ ಕರ್ರನ್ ಮತ್ತು ರಬಾಡ ತಂಡದ ಬೌಲಿಂಗ್ ಅಸವಾಗಿದ್ದಾರೆ.
ಪಂಜಾಬ್ 5 ಪಂದ್ಯಗಳಿಂದ 6 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದೆ. ಐಪಿಎಲ್ ನಾಲ್ಕನೆ ವಾರಕ್ಕೆ ಕಾಲಿಟ್ಟಿದ್ದು ಪಂಜಾಬ್ ಅತ್ಯುತ್ತಮ ಆಟವನ್ನು ಆಡುತ್ತಿದೆ.ಬ್ಯಾಟಿಂಗ್ನಲ್ಲಿ ಸುಧಾರಣೆ ಕಾಣಬೇಕಿದೆ.
