Ross Taylor | ಐಪಿಎಲ್ ಬಗ್ಗೆ ಸ್ಪೋಟಕ ಹೇಳಿಕೆ ನೀಡಿದ ರಾಸ್!
ರಾಜಸ್ಥಾನ್ ರಾಯಲ್ಸ್ ಮಾಲೀಕರಿಂದ ಕಪಾಳಮೋಕ್ಷ
ನ್ಯೂಜಿಲೆಂಡ್ ತಂಡದ ಕ್ರಿಕೆಟಿಗ ರಾಸ್ ಟೇಲರ್ ಹೇಳಿಕೆ
ತಮಗೆ ಮೂರ್ನಾಲ್ಕು ಬಾರಿ ಕಪಾಳ ಮೋಕ್ಷ
ಡಕ್ ಔಟ್ ಆದ ಬೆನ್ನಲ್ಲೆ ಕಪಾಳ ಮೋಕ್ಷ
ಇತ್ತೀಚೆಗಷ್ಟೇ ನ್ಯೂಜಿಲೆಂಡ್ ಕ್ರಿಕೆಟ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದ ಕಿವೀಸ್ ತಂಡದ ಮಾಜಿ ಆಟಗಾರ ರಾಸ್ ಟೇಲರ್ ತಮ್ಮ ಆತ್ಮಕಥೆಯ ಮೂಲಕ ಮತ್ತೊಂದು ಆಘಾತಕಾರಿ ಘಟನೆಯನ್ನು ಬಹಿರಂಗಪಡಿಸಿದ್ದಾರೆ.
ಐಪಿಎಲ್ 2011ರ ಋತುವಿನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಮಾಲೀಕರು ನನಗೆ ಕಪಾಳಮೋಕ್ಷ ಮಾಡಿದ್ದಾರೆ ಎಂದು ಟೇಲರ್ ಹೇಳಿದ್ದಾರೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಮೂರು ವರ್ಷಗಳ ಸೇವೆ ಸಲ್ಲಿಸಿದ ನಂತರ 2011 ರ ಹರಾಜಿನಲ್ಲಿ ಟೇಲರ್ ಅವರನ್ನು ರಾಯಲ್ಸ್ 4.6 ಕೋಟಿಗೆ ಖರೀದಿಸಿತ್ತು.
ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಡಕ್ ಆದ ನಂತರ ರಾಜಸ್ಥಾನ್ ರಾಯಲ್ಸ್ ತಂಡದ ಮಾಲೀಕರೊಬ್ಬರು ತಮ್ಮ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಟೇಲರ್ ಹೇಳಿದ್ದಾರೆ.
“ರಾಜಸ್ಥಾನ್ ರಾಯಲ್ಸ್-ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಗಳು ಮೆಹಾಲಿ ಮೈದಾನದಲ್ಲಿ ಮುಖಾಮುಖಿಯಾಗಿದ್ದವು.
195 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ವೇಳೆ ನಾನು ಡಕ್ ಆಗಿದ್ದೆ. ಈ ಪಂದ್ಯದಲ್ಲಿ ನಾವು ಭಾರೀ ಸೋಲನ್ನು ಅನುಭವಿಸಿದ್ದೇವು. ನಾವು ಗುರಿಯ ಸಮೀಪಕ್ಕೆ ಬರಲು ಸಹ ಸಾಧ್ಯವಾಗಲಿಲ್ಲ.
ಅದಾದ ನಂತರ ನಾವೆಲ್ಲ ಹೋಟೆಲ್ ಮೇಲಿನ ಮಹಡಿಯಲ್ಲಿದ್ದ ಬಾರ್ ಗೆ ಹೋದೆವು.
ಈ ವೇಳೆ ರಾಜಸ್ಥಾನ್ ರಾಯಲ್ಸ್ ತಂಡದ ಮಾಲೀಕರೊಬ್ಬರು ನನ್ನ ಬಳಿ ಬಂದರು.
ನಾವು ನಿಮಗೆ ಮಿಲಿಯನ್ ಡಾಲರ್‌ಗಳನ್ನು ಪಾವತಿಸಿದ್ದು ನೀವು ಡಕ್ ಔಟ್ ಆಗಲು ಅಲ್ಲ.
ಈ ಅನುಕ್ರಮದಲ್ಲಿ ಅವರು ನಗುತ್ತಾ ನನ್ನ ಕೆನ್ನೆಗೆ ಮೂರ್ನಾಲ್ಕು ಬಾರಿ ಬಾರಿಸಿದರು.
ಆದರೆ ಅವರು ನನ್ನನ್ನು ಬಲವಾಗಿ ಹೊಡೆಯಲಿಲ್ಲ. ಆದರೆ ಸಜ್ಜನರ ಆಟ ಎಂದು ಕರೆಯಲ್ಪಡುವ ಕ್ರಿಕೆಟ್‌ನಲ್ಲಿ ಹೀಗಾಗುತ್ತದೆ ಎಂದು ನಾನು ನಿರೀಕ್ಷಿಸಿರಲಿಲ್ಲ ಎಂದು ಹೇಳಿದರು.
