ಕೊತ್ತಂಬರಿಯ ಸೂಪರ್ ಪವರ್ಫುಲ್ ಸೌಂದರ್ಯ ಪ್ರಯೋಜನಗಳು
ಕೊತ್ತಂಬರಿ ಭಾರತೀಯ ಪಾಕಪದ್ಧತಿಯಲ್ಲಿ ಶಾಶ್ವತ ಸ್ಥಾನವನ್ನು ಪಡೆದುಕೊಂಡಿದೆ. ಅದರ ಅದ್ಭುತ ಪರಿಮಳ ಮತ್ತು ಸುವಾಸನೆಗಾಗಿ ವ್ಯಾಪಕವಾಗಿ ಬಳಸಲಾಗುತ್ತದೆ. ಕೊತ್ತಂಬರಿ ಅದರ ಬೀಜ, ರಸ ಮತ್ತು ಗಿಡಮೂಲಿಕೆಗಳ ರೂಪದಲ್ಲಿ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದ್ದು, ಇದು ಅದ್ಭುತವಾದ ಸೌಂದರ್ಯ ಪ್ರಯೋಜನಗಳನ್ನು ಸಹ ನೀಡುತ್ತದೆ.
ಕೊತ್ತಂಬರಿಯ ಸೌಂದರ್ಯ ಪ್ರಯೋಜನಗಳು
ಚರ್ಮವನ್ನು ನಿರ್ವಿಷಗೊಳಿಸುತ್ತದೆ: ಜೀವಿರೋಧಿ ಮತ್ತು ನಂಜುನಿರೋಧಕ ಗುಣಲಕ್ಷಣಗಳ ಉಪಸ್ಥಿತಿಯು ನಿಮ್ಮ ಚರ್ಮದಿಂದ ವಿಷ ಮತ್ತು ಬ್ಯಾಕ್ಟೀರಿಯಾವನ್ನು ತೆಗೆದುಹಾಕುವ ಮೂಲಕ ಚರ್ಮವನ್ನು ನಿರ್ವಿಷಗೊಳಿಸಲು ಸಹಾಯ ಮಾಡುತ್ತದೆ.
ಟೊಮೆಟೊ ಜೊತೆಗೆ ಕೊತ್ತಂಬರಿ ಸೊಪ್ಪು, ನಿಂಬೆ ರಸದ ಕೆಲವು ಹನಿಗಳು ಮತ್ತು ಒಂದು ಟೀಚಮಚ ಮುಲ್ತಾನಿ ಮಿಟ್ಟಿಯ ಸಹಾಯದಿಂದ ಪೇಸ್ಟ್ ತಯಾರಿಸಿ. ಈಗ, ಇದನ್ನು ನಿಮ್ಮ ಚರ್ಮಕ್ಕೆ ಹಚ್ಚಿ. ಸುಮಾರು 10 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ತೊಳೆಯಿರಿ. ಇದು ನಿಮಗೆ ಆಕರ್ಷಣೀಯ ಫಲಿತಾಂಶ ನೀಡುತ್ತದೆ.
ತುರಿಕೆಯನ್ನು ಶಮನಗೊಳಿಸುತ್ತದೆ: ಕೊತ್ತಂಬರಿ ಚರ್ಮದ ತುರಿಕೆಯನ್ನು ಶಮನಗೊಳಿಸಲು ಸಹಾಯ ಮಾಡುತ್ತದೆ. ಕೊತ್ತಂಬರಿ ಬೀಜಗಳ ಜೊತೆಗೆ ಕೆಲವು ಹನಿ ನೀರು ಮತ್ತು ಒಂದು ಟೀಚಮಚ ಜೇನುತುಪ್ಪವನ್ನು ಬಳಸಿ ಪೇಸ್ಟ್ ತಯಾರಿಸಿ. ತ್ವರಿತ ಪರಿಹಾರಕ್ಕಾಗಿ ಈ ಪೇಸ್ಟ್ ಅನ್ನು ತುರಿಕೆ ಚರ್ಮದ ಮೇಲೆ ಹಚ್ಚಿ.
ಒಡೆದ ತುಟಿಗಳಿಗೆ ಪರಿಣಾಮಕಾರಿ: ಸತ್ತ ಚರ್ಮದ ಕೋಶಗಳ ಪರಿಣಾಮವಾಗಿ ಸಂಭವಿಸುವ ಒಡೆದ ತುಟಿಗಳನ್ನು ನಿವಾರಿಸಲು, ಒಂದು ಟೀಚಮಚ ನಿಂಬೆ ರಸ ಮತ್ತು ಎರಡು ಟೀ ಚಮಚ ಕೊತ್ತಂಬರಿ ಪೇಸ್ಟ್ ಬಳಸಿ ಮಿಶ್ರಣವನ್ನು ತಯಾರಿಸಿ. ಈ ಮಿಶ್ರಣವನ್ನು ತುಟಿಗಳಿಗೆ ಅನ್ವಯಿಸಿ ಮತ್ತು ರಾತ್ರಿಯಿಡೀ ಹಾಗೆಯೇ ಬಿಡಿ. ಮರುದಿನ ಬೆಳಿಗ್ಗೆ ಒಡೆದ ತುಟಿಗಳು ಕಡಿಮೆಯಾಗಿರುವುದನ್ನು ಕಾಣಬಹುದು. ಕೊತ್ತಂಬರಿಯ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ-ವಿರೋಧಿ ಗುಣಲಕ್ಷಣಗಳಿಂದಾಗಿ ಇದು ತುಟಿಗಳಲ್ಲಿನ ಕಪ್ಪು ಕಲೆಯನ್ನು ಅಳಿಸುತ್ತದೆ.
ಬ್ಲ್ಯಾಕ್ಹೆಡ್ಗಳಿಗೆ ಚಿಕಿತ್ಸೆ: ಪ್ರಮುಖ ಪೋಷಕಾಂಶಗಳ ಶಕ್ತಿ ಕೇಂದ್ರವಾಗಿರುವುದರಿಂದ, ಕೊತ್ತಂಬರಿ ರಸವು ಬ್ಲ್ಯಾಕ್ಹೆಡ್ಗಳಿಗೆ ಚಿಕಿತ್ಸೆ ನೀಡಲು ಪ್ರಯೋಜನಕಾರಿಯಾಗಿದೆ. ಇದಕ್ಕೆ ನೀವು ಮಾಡಬೇಕಾಗಿರುವುದು ಒಂದು ಟೀಚಮಚ ಕೊತ್ತಂಬರಿ ರಸ ಮತ್ತು ನಿಂಬೆ ರಸವನ್ನು ಬೆರೆಸುವುದು. ಬ್ಲ್ಯಾಕ್ಹೆಡ್ಗಳಿಗೆ ಈ ಮಿಶ್ರಣವನ್ನು ಅನ್ವಯಿಸಿ ಸುಮಾರು ಒಂದು ಗಂಟೆ ಕಾಲ ಹಾಗೆಯೇ ಬಿಡಿ ಮತ್ತು ನಂತರ ಅದನ್ನು ಬೆಚ್ಚಗಿನ ನೀರಿನಿಂದ ತೊಳೆಯಿರಿ, ಉತ್ತಮ ಫಲಿತಾಂಶವನ್ನು ಪಡೆಯಿರಿ.
ಎಕ್ಸ್ಫೋಲಿಯೇಟರ್ನಂತೆ ಕಾರ್ಯಚರಣೆ: ಕೊತ್ತಂಬರಿ ನಿಮ್ಮ ಚರ್ಮಕ್ಕೆ ಎಕ್ಸ್ಫೋಲಿಯೇಟರ್ ಆಗಿ ಉತ್ತಮವಾಗಿ ಕಾರ್ಯನಿರ್ವಹಿಸಬಲ್ಲದು. ಇದು ನಿಮ್ಮ ಚರ್ಮದ ಆರೋಗ್ಯವನ್ನು ಸುಧಾರಿಸುವ ಅಗತ್ಯ ಹಂತಗಳಲ್ಲಿ ಒಂದಾಗಿದೆ. ನಿಮ್ಮ ಚರ್ಮದಿಂದ ಕೊಳಕು ಮತ್ತು ಡೆಡ್ ಸ್ಕಿನ್ ತೊಡೆದುಹಾಕಲು ಎಫ್ಫೋಲಿಯೇಶನ್ ಸಹಾಯ ಮಾಡುತ್ತದೆ. ಕೊತ್ತಂಬರಿ ಸೊಪ್ಪು, ಗ್ರೌಂಡ್-ಅಪ್ ಓಟ್ಸ್ ಮತ್ತು ಮೊಟ್ಟೆಯ ಬಿಳಿಭಾಗದೊಂದಿಗೆ ಪೇಸ್ಟ್ ತಯಾರಿಸಿ ಮತ್ತು ವಾರಕ್ಕೊಮ್ಮೆ ನಿಮ್ಮ ಚರ್ಮವನ್ನು ಸ್ಕ್ರಬ್ ಮಾಡಲು ಪ್ರಾರಂಭಿಸಿ. ಅಂತಿಮವಾಗಿ ನಿಮ್ಮ ಚರ್ಮದ ಮೇಲಿನ ಬದಲಾವಣೆಯನ್ನು ಗಮನಿಸಬಹುದು.
ಹೊಳಪುಳ್ಳ ಸುಂದರ ಚರ್ಮವನ್ನು ನೀಡುತ್ತದೆ: ಕೊತ್ತಂಬರಿಯಲ್ಲಿ ಉತ್ತಮವಾದ ವಿಟಮಿನ್ ಎ ಇರುವುದರಿಂದ ನಿಮ್ಮ ಚರ್ಮದಲ್ಲಿನ ಗೆರೆಗಳು, ಸುಕ್ಕುಗಳು ಮತ್ತು ಪಿಗ್ಮೆಂಟೇಶನ್ ಇತ್ಯಾದಿ ಅಕಾಲಿಕ ವಯಸ್ಸಾದ ಚಿಹ್ನೆಗಳನ್ನು ನಿವಾರಿಸಲು ಇದು ಅತ್ಯಂತ ಸಹಾಯಕವಾಗಿರುತ್ತದೆ. ಆದ್ದರಿಂದ, ಕೊತ್ತಂಬರಿ ಸೊಪ್ಪು ಮತ್ತು ಅಲೋವೆರಾ ಜೆಲ್ ಸಹಾಯದಿಂದ ಮಾಸ್ಕ್ ತಯಾರಿಸಿ ಮತ್ತು ಅದನ್ನು ನಿಮ್ಮ ಮುಖಕ್ಕೆ ಹಚ್ಚಿ ಸುಮಾರು 15 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ನಂತರ ತೊಳೆಯಿರಿ. ಮಂದ ಮತ್ತು ಶುಷ್ಕ ಚರ್ಮವನ್ನು ಹೋಗಲಾಡಿಸಲು ಸಹ ಕೊತ್ತಂಬರಿ ರಸವನ್ನು ಸಹ ಬಳಸಬಹುದು.
ಹೇರ್ ಫಾಲ್ ತಡೆಗಟ್ಟುವಿಕೆ : ಕೂದಲು ಉದುರುವುದನ್ನು ತಡೆಯಲು ಇದು ನಿಮ್ಮ ಕೂದಲಿನ ಮೇಲೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ನಿಮ್ಮ ಕೂದಲಿನ ಎಣ್ಣೆಗೆ ಒಂದು ಚಮಚ ಕೊತ್ತಂಬರಿ ಬೀಜದ ಪುಡಿಯನ್ನು ಸೇರಿಸಿ ಮತ್ತು ಅವುಗಳನ್ನು ಒಂದು ವಾರದವರೆಗೆ ಹಾಗೆಯೇ ಬಿಡಿ. ನಂತರ, ಈ ಎಣ್ಣೆಯನ್ನು ಬಳಸಿ ನಿಮ್ಮ ನೆತ್ತಿಯನ್ನು ವಾರಕ್ಕೆ ಎರಡು ಬಾರಿಯಾದರೂ ಮಸಾಜ್ ಮಾಡಿ. ಅದು ಕೂದಲು ಉದುರುವುದನ್ನು ತಡೆಯುತ್ತದೆ ಮತ್ತು ನಿಯಂತ್ರಿಸುತ್ತದೆ. ಜೊತೆಗೆ ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ.
ಮಸ್ಕ್ ಮೆಲನ್ ಜ್ಯೂಸ್ ( ಕರಬೂಜ ಹಣ್ಣಿನ ಜ್ಯೂಸ್) https://t.co/YpaaM8RGBH
— Saaksha TV (@SaakshaTv) April 2, 2021
ಕಸೂರಿ ಮೇಥಿಯ ಆರೋಗ್ಯ ಪ್ರಯೋಜನಗಳು https://t.co/nPgU2tHyrz
— Saaksha TV (@SaakshaTv) April 2, 2021
ದಿನಕ್ಕೆ ಹಲವು ಬಾರಿ ತನ್ನ ಬಣ್ಣವನ್ನು ಬದಲಾಯಿಸುವ ಶಿವಲಿಂಗ#shivalinga https://t.co/oB5QJTgSMp
— Saaksha TV (@SaakshaTv) April 3, 2021
ಇನ್ನು ಮುಂದೆ ಈ ಪ್ರಮುಖ ಕೆಲಸಗಳಿಗೆ ಆಧಾರ್ ಕಾರ್ಡ್ನ ಅಗತ್ಯವಿಲ್ಲ ! https://t.co/CkNGTXImwd
— Saaksha TV (@SaakshaTv) April 2, 2021
ಕಬ್ಬಿನ ರಸವನ್ನು ಮನೆಮದ್ದಾಗಿ ಯಾವ ಕಾಯಿಲೆಗಳಿಗೆ ಬಳಸಬಹುದು ? ಮಾಹಿತಿ ಇಲ್ಲಿದೆhttps://t.co/lt5t3XcfTE
— Saaksha TV (@SaakshaTv) April 1, 2021
#Saakshatv #healthtips #Coriander