ಹಾರ್ದಿಕ್ ಪಾಂಡ್ಯಗೆ ಶಾಕ್ : ದುಬಾರಿ ಬೆಲೆ ವಾಚ್ ಕೊಟ್ಟಿದ್ಯಾರು..?
ಮುಂಬೈ : ವಿಶ್ವಕಪ್ ಮುಗಿಸಿಕೊಂಡು ತವರಿಗೆ ಕಾಲಿಟ್ಟ ಟೀಂ ಇಂಡಿಯಾದ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯಗೆ ಶಾಕ್ ಎದುರಾಗಿದೆ.
ಪಾಂಡ್ಯ ಮುಂಬೈ ವಿಮಾನ ನಿಲ್ದಾಣಕ್ಕೆ ಬರುತ್ತಿದ್ದಂತೆ ಅವರ ದುಬಾರಿ ವಾಚ್ ಗಳನ್ನು ವಶಕ್ಕೆ ಪಡೆಯಲಾಗಿದೆ.
ಹೌದು..! ವಿಶ್ವಕಪ್ ಮುಗಿಸಿಕೊಂಡು ಟೀಂ ಇಂಡಿಯಾದ ಆಟಗಾರರು ಭಾನುವಾರ ಭಾರತಕ್ಕೆ ವಾಪಸ್ ಆದರು.
ಅದರಂತೆ ಹಾರ್ದಿಕ್ ಪಾಂಡ್ಯ ಮುಂಬೈನ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದ್ದಾರೆ.
ಈ ವೇಳೆ ಕಸ್ಟಮ್ ಅಧಿಕಾರಿಗಳು ತಪಾಸಣೆ ಮಾಡಿದ್ದು, ಪಾಂಡ್ಯರ 2 ವಾಜ್ ಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಮಾಹಿತಿ ಪ್ರಕಾರ.. ಹಾರ್ದಿಕ್ ಆ ವಾಚ್ ಗಳನ್ನು ತಮ್ಮ ಲಗೇಜ್ ಬ್ಯಾಗ್ ನಲ್ಲಿ ಇಟ್ಟುಕೊಂಡಿದ್ದರಂತೆ.
ಅಲ್ಲದೇ ಈ ಬಗ್ಗೆ ಯಾವುದೇ ಮಾಹಿತಿ ನೀಡರಲಿಲ್ಲವಂತೆ. ಹಾಗೇ ವಾಚ್ ಗಳಿಗೆ ಸಂಬಂಧಿಸಿದ ಯಾವುದೇ ದಾಖಲೆಗಳು ಇರಲಿಲ್ಲ ಎಂದು ತಿಳಿದುಬಂದಿದೆ.
ವಾಚ್ ಗಳಿಗೆ ಸಂಬಂಧಪಟ್ಟ ದಾಖಲೆಗಳು ಇಲ್ಲದೇ ಇರುವ ಕಾರಣ ಅವುಗಳನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.
ಇನ್ನು ಅಧಿಕಾರಿಗಳು ವಶಕ್ಕೆ ಪಡೆದಿರುವ ಒಂದು ವಾಚ್ ನ ಬೆಲೆ ಐದು ಕೋಟಿ ರುಪಾಯಿ ಎಂದು ಹೇಳಲಾಗುತ್ತಿದೆ.
ಆದ್ರೆ ಈ ಬಗ್ಗೆ ಸ್ವತಃ ಹಾರ್ದಿಕ್ ಸ್ಪಷ್ಟನೆ ನೀಡಿದ್ದು, ಆ ವಾಚ್ ಗಳ ಬೆಲೆ 1.5 ಕೋಟಿ ಎಂದಿದ್ದಾರೆ.
ಆದ್ರೆ ಇದೀಗ ಆ ವಾಚ್ ಗಳು ಹಾರ್ದಿಕ್ ಬಳಿಗೆ ಹೇಗೆ ಬಂದ್ವು..? ಹಾಗೇ ಅಷ್ಟು ದುಬಾರಿ ವಾಚ್ ಗಳನ್ನ ಹಾರ್ದಿಕ್ ಕೊಂಡುಕೊಂಡಿದ್ದಾರಾ.. ಅಥವಾ ಯಾರಾದ್ರೂ ಕೊಟ್ಟಿದ್ದಾರಾ ಅನ್ನೋ ಬಗ್ಗೆ ಪ್ರಶ್ನೆಗಳು ಎದ್ದಿವೆ.