ಇನಿಯನ ಜೊತೆ ತಂದೆ ಕೈಗೆ ಸಿಕ್ಕಿಬಿದ್ದ ಪುತ್ರಿ : ತಲೆ ಕಡಿದು ಠಾಣೆವರೆಗೂ ಮೆರವಣಿಗೆ ಮಾಡಿದ ಅಪ್ಪ..!
ಉತ್ತರಪ್ರದೇಶ: ಅಪರಾಧಗಳ ತವರಾಗುತ್ತಿರುವ ಉತ್ತರಪ್ರದೇಶದಲ್ಲಿ ಮತ್ತೊಮ್ಮೆ ಜನ ಬೆಚ್ಚಿ ಬೀಳುವಂತಹ ಪ್ರಕರಣ ಬೆಳಕಿಗೆ ಬಂದಿದೆ. ತಂದೆಯೊಬ್ಬ ತನ್ನ ಮಗಳ ತಲೆ ಕಡಿದು , ರುಂಡ ಹಿಡಿದು 2 ಕಿಲೋಮೀಟರ್ ನಡೆದು ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾನೆ. ಹರದೋಯಿ ಜಿಲ್ಲೆಯ ಮಾಜ್ ಹಿಲಾದಲ್ಲಿ ಇಂತಹದೊಂದು ಘಟನೆ ನಡೆದಿದೆ.
ಸರ್ವೇಶ್ ಕುಮಾರ್ ಎಂಬಾತ ತನ್ನ 17 ವರ್ಷದ ಮಗಳು ಬಾಯ್ ಫ್ರೆಂಡ್ ಜೊತೆಗಿದ್ದನ್ನ ನೋಡಿ ಕೋಪಗೊಂಡು ಈ ಕೃತ್ಯ ಎಸಗಿದ್ದಾನೆ. ಮಗಳ ರುಂಡವನ್ನು ಕತ್ತರಿಸಿ , ರುಂಡ ಹಿಡಿದು ನೇರವಾಗಿ ಠಾಣೆಗೆ ತೆರಳಿ ಪೊಲೀಸರಿಗೆ ಶರನಾಗಿದ್ದಾನೆ. ಈತನ ಕೈಲಿ ತಲೆ ಕತ್ತರಿಸಿದ ರುಂಡ ನೋಡಿ ಪೊಲೀಸರೇ ಒಂದು ಕ್ಷಣ ಶಾಕ್ ಆಗಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆತನನ್ನ ಅರೆಸ್ಟ್ ಮಾಡಿ ತನಿಖೆ ನಡೆಸುತ್ತಿದ್ದಾರೆ.