Virat ಕೊಹ್ಲಿ RCB ತಂಡದ ಬ್ರ್ಯಾಂಡ್ ಅಂಬಾಸಿಟರ್
2016 ರ ಐಪಿಎಲ್ ಫೈನಲ್ ಪಂದ್ಯ ಯಾರಿಗೆ ನೆನಪಿರುತ್ತೋ ಯಾರಿಗೆ ಇರೋದಿಲ್ವೋ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಅಭಿಮಾನಿಗಳಿಗೆ ಮಾತ್ರ ಕೆಟ್ಟ ಕನಸಾಗಿ ಕಾಡುತ್ತಿದೆ.
ಆ ಫೈನಲ್ ಪಂದ್ಯ ಆರ್ ಸಿಬಿ ಅಭಿಮಾನಿಗಳ ಕನಸನ್ನ ನುಚ್ಚು ನೂರು ಮಾಡಿತ್ತು. ಆ ಪಂದ್ಯ ವಿಶ್ವದಾದ್ಯಂತ ಇದ್ದ ಕೋಟ್ಯಂತರ ಆರ್ ಸಿಬಿ ಅಭಿಮಾನಿಗಳ ಹೃದಯವನ್ನ ಬ್ರೇಕ್ ಮಾಡಿತ್ತು..
ಹೌದು..!! 2016ರ ಇಂಡಿಯನ್ ಪ್ರಿಮಿಯರ್ ಲೀಗ್, ಆರ್ ಸಿಬಿ ಅಭಿಮಾನಿಗಳಿಗೆ ಸಾಕಷ್ಟು ಖುಷಿಯನ್ನ ಕೊಟ್ಟ ಹಾಗೇ ನೋವನ್ನ ನೀಡಿದ ಟೂರ್ನಿಯಾಗಿದೆ.
ಯಾಕಂದರೇ ಆ ಸೀಸನ್ ನಲ್ಲಿ ಆರ್ ಸಿಬಿ ತಂಡ ಸಾಕಷ್ಟು ಬಲಿಷ್ಠವಾಗಿತ್ತು. ಆರಂಭಿಕರಿಂದ ಹಿಡಿದು ಆಲ್ ರೌಂಡರ್, ಬೌಲರ್ ಗಳು ಸೆಟ್ಟಾಗಿದ್ದರು.
ಟೂರ್ನಿಯಲ್ಲಿ ಪಂದ್ಯಗಳ ಮೇಲೆ ಪಂದ್ಯಗಳನ್ನ ಗೆಲ್ಲುತ್ತಾ ಆರ್ ಸಿಬಿ ಫೈನಲ್ ಪ್ರವೇಶಿಸಿತ್ತು.
ಚಾಂಪಿಯನ್ ಆಗೋದಕ್ಕೂ ಮೊದಲೇ ಆ ಸೀಸನ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಚಾಂಪಿಯನ್ ಆಗಿತ್ತು. ಇದಕ್ಕೆ ಪ್ರಮುಖ ಕಾರಣ ವಿರಾಟ್ ಕೊಹ್ಲಿಯ ರೌದ್ರಾವತಾರ..!!
ನಿಜ..!! ವಿರಾಟ್ ಕೊಹ್ಲಿ 2016ರ ಸೀಸನ್ ನಲ್ಲಿ ಅಕ್ಷರಶಃ ವಿಶ್ವರೂಪವನ್ನ ಪ್ರದರ್ಶಿಸಿದ್ದರು. ಬರೋಬ್ಬರಿ ನಾಲ್ಕು ಸೆಂಚೂರಿಗಳೊಂದಿಗೆ 960 ಕ್ಕೂ ಹೆಚ್ಚು ರನ್ ಗಳಿಗೆ ಅಬ್ಬರಿಸಿ ಬೊಬ್ಬರಿದ್ರು.
ಜೊತೆಗೆ ಎ ವಿ ಡಿ ವಿಲಿಯರ್ಸ್ ಮತ್ತು ಕೆ.ಎಲ್.ರಾಹುಲ್ ಬ್ಯಾಟಿಂಗ್ ಪರಾಕ್ರಮ ತೋರಿದ್ರು. ಆದ್ರೆ ಫೈನಲ್ ನಲ್ಲಿ ಎಲ್ಲವೂ ಉಲ್ಟಾ ಪಲ್ಪಾ ಆಗೋಯ್ತು..
ಹೈದರಾಬಾದ್ ವಿರುದ್ಧ ಆರ್ ಸಿಬಿ ತಂಡ ಇನ್ನೇನು ಗೆದ್ದೇ ಬಿಡ್ತು. ಈ ಸಲ ಕಪ್ ನಮ್ದೆ ಅನ್ನುವಷ್ಟರಲ್ಲಿ ಅದೃಷ್ಠ ಲಕ್ಷ್ಮಿ ಹೈದರಾಬಾದ್ ತಂಡದ ಪರ ಜಿಗಿದಿತ್ತು.
ಅಂದು ಆರ್ ಸಿಬಿ ಪಂದ್ಯ ಸೋಲುತ್ತಿದ್ದಂತೆ ಕೆ.ಎಲ್ ರಾಹುಲ್ ಸೇರಿದಂತೆ ಸಾಕಷ್ಟು ಆಟಗಾರರು ಮೈದಾನದಲ್ಲಿ ಕಣ್ಣೀರಾಕಿದ್ದರು.
ಇದಕ್ಕೆ ಅಭಿಮಾನಿಗಳು ಹೊರತಾಗಿಲ್ಲ. ಈ ಪಂದ್ಯ ಆರ್ ಸಿಬಿ ಅಭಿಮಾನಿಗಳ ಹಾರ್ಟ್ ಬ್ರೇಕ್ ಮಾಡಿತ್ತು.
ಇದೀಗ ವಿಷಯ ಏನಂದರೇ ಸ್ವತಃ ವಿರಾಟ್ ಕೊಹ್ಲಿಗೂ ಕೂಡ ಈ ಪಂದ್ಯ ಹಾರ್ಟ್ ಬ್ರೇಕ್ ಮಾಡಿತ್ತಂತೆ. ಇದನ್ನ ಸ್ವತಃ ಅವರೇ ಹೇಳಿಕೊಂಡಿದ್ದಾರೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇತ್ತೀಚೆಗೆ ವಿಡಿಯೋವೊಂದನ್ನ ಬಿಡುಗಡೆ ಮಾಡಿದೆ.
ವಿಶೇಷ ಏನಂದರೇ ಈ ವಿಡಿಯೋದಲ್ಲಿ ವಿರಾಟ್ ಕೊಹ್ಲಿಗೆ ನಿಮ್ಮ ಹಾರ್ಟ್ ಬ್ರೇಕ್ ಮಾಡಿದ ಪಂದ್ಯ ಯಾವುದು ಅಂತಾ ಪ್ರಶ್ನೆ ಕೇಳಲಾಗಿದೆ.
ಇದಕ್ಕೆ ವಿರಾಟ್ ಕೊಹ್ಲಿ ಉತ್ತರಿಸುತ್ತಾ 2016ರ ಐಪಿಎಲ್ ಫೈನಲ್ ನಲ್ಲಿ ಸೋತಿದ್ದು, ನನ್ನ ಹಾರ್ಟ್ ಬ್ರೇಕ್ ಮಾಡಿತ್ತು ಅಂತಾ ಹೇಳಿದ್ದಾರೆ.
ಜೊತೆಗೆ ಇದೇ ವರ್ಷ ನಡೆದ ಟಿ 20 ವಿಶ್ವಕಪ್ ಸೆಮಿ ಫೈನಲ್ ಕೂಡ ವಿರಾಟ್ ಕೊಹ್ಲಿ ಹಾರ್ಟ್ ಬ್ರೇಕ್ ಮಾಡಿತ್ತಂತೆ.
ಮುಂಬೈನಲ್ಲಿ ನಡೆದ ಸೆಮೀಸ್ ನಲ್ಲಿ ಟೀಂ ಇಂಡಿಯಾ ವೆಸ್ಟ್ ಇಂಡಿಸ್ ವಿರುದ್ಧ ಸೋಲನುಭವಿಸಿತ್ತು.
ಈ ಟೂರ್ನಿಯಲ್ಲೂ ವಿರಾಟ್ ಕೊಹ್ಲಿ ವಿಶ್ವರೂಪ ಪ್ರದರ್ಶಿಸಿದ್ದರು. ಆದ್ರೆ ಸೆಮೀಸ್ ನಲ್ಲಿ ಭಾರತ ತಂಡ ಸೋಲು ಕಂಡಿತ್ತು.
ಈ ಎರಡೂ ಪಂದ್ಯಗಳು ವಿರಾಟ್ ಕೊಹ್ಲಿ ವೃತ್ತಿಜೀವನದಲ್ಲಿ ಹಾರ್ಟ್ ಬ್ರೇಕ್ ಮಾಡಿದ ಪಂದ್ಯಗಳಾಗಿವೆ ಎಂದು ಅವರೇ ಹೇಳಿಕೊಂಡಿದ್ದಾರೆ. Virat Kohli is the brand ambassador for the RCB team
