ಎಚ್ಚರ! ಮೇಡ್ ಇನ್ ಚೈನಾ ಸೈಬರ್ ಹ್ಯಾಕರ್ಸ್, ಕೊರೊನ ಸೋಗಿನಲ್ಲಿ ದಾಳಿಗೆ ಸಂಚು -ಮಹಾರಾಷ್ಟ್ರ ಸೈಬರ್ ಇಲಾಖೆ
ಮುಂಬೈ :ಚೀನಾದ ಸೈಬರ್ ಹ್ಯಾಕರ್‌ಗಳು ದೊಡ್ಡ ಮಟ್ಟದಲ್ಲಿ ಫಿಶಿಂಗ್ ದಾಳಿಯನ್ನು ಯೋಜಿಸುವ ಬಗ್ಗೆ ಮಹಾರಾಷ್ಟ್ರ ಸೈಬರ್ ಇಲಾಖೆ ಮಂಗಳವಾರ ಎಚ್ಚರಿಕೆ ನೀಡಿದೆ ಮತ್ತು ಕಳೆದ 4-5 ದಿನಗಳಲ್ಲಿ ಮಾಹಿತಿ, ಮೂಲಸೌಕರ್ಯ ಮತ್ತು ಬ್ಯಾಂಕಿಂಗ್‌ಗೆ ಸಂಬಂಧಿಸಿದ ಸೈಟ್‌ಗಳ ಮೇಲೆ 40,000 ಕ್ಕೂ ಹೆಚ್ಚು ಬಾರಿ ದಾಳಿ ಪ್ರಯತ್ನ ನಡೆದಿವೆ ಎಂದು ಹೇಳಿದ್ದಾರೆ. ಇತ್ತೀಚಿನ ಭಾರತ-ಚೀನಾ ಗಡಿ ಘರ್ಷಣೆಗಳ ಹಿನ್ನೆಲೆಯಲ್ಲಿ ಭಾರತದ ಅಧಿಕೃತ ಸೈಬರ್ ಸೆಕ್ಯುರಿಟಿ ಏಜೆನ್ಸಿ ಈ ಮಾಹಿತಿ ಹೊರಹಾಕಿದೆ.
“ಕಳೆದ 4-5 ದಿನಗಳಲ್ಲಿ, ಭಾರತದ ಸೈಬರ್‌ಪೇಸ್‌ನಲ್ಲಿನ ಸಂಪನ್ಮೂಲಗಳು ವಿಶೇಷವಾಗಿ ಮಾಹಿತಿ, ಮೂಲಸೌಕರ್ಯ ಮತ್ತು ಬ್ಯಾಂಕಿಂಗ್‌ಗೆ ಸಂಬಂಧ ಪಟ್ಟ ಕ್ಷೇತ್ರಗಳ ಮೇಲೆ ಚೀನಾದ ಹ್ಯಾಕರ್‌ಗಳ ಆಕ್ರಮಣಕ್ಕೆ ಒಳಗಾಗುತ್ತಿವೆ. ಕನಿಷ್ಠ 40,300 ಇಂತಹ ಸೈಬರ್ ದಾಳಿಗಳನ್ನು ಪ್ರಯತ್ನಿಸಲಾಗಿದೆ, ಅವುಗಳಲ್ಲಿ ಹೆಚ್ಚಿನವು ಚೀನಾದ ಚೆಂಗ್ಡು ಪ್ರದೇಶ ದಿಂದ ”ಎಂದು ಮಹಾರಾಷ್ಟ್ರ ಸೈಬರ್ ವಿಭಾಗದ ವಿಶೇಷ ಐಜಿ, ವೈ ಯಾದವ್ ಅವರನ್ನು ಸುದ್ದಿ ಸಂಸ್ಥೆ ಎಎನ್‌ಐ ಹೇಳಿದೆ.
ಗುಪ್ತಚರ ಅಧಿಕಾರಿಗಳನ್ನು ಉಲ್ಲೇಖಿಸಿ ಜೂನ್ 18 ರಂದು ಪ್ರಕಟವಾದ ವರದಿಯು, ಭಾರತೀಯ ಮಾಹಿತಿ ವೆಬ್‌ಸೈಟ್‌ಗಳು ಮತ್ತು ದೇಶದ ಹಣಕಾಸು ಪಾವತಿ ವ್ಯವಸ್ಥೆಯ ಮೇಲೆ ನಿರಂತರ ಡಿಡಿಓಎಸ್ (ವಿತರಣಾ ಸೇವೆಯ ನಿರಾಕರಣೆ) ದಾಳಿಯೊಂದಿಗೆ ಚೀನಾ ಭಾರತದ ವಿರುದ್ಧ ಪರೋಕ್ಷ ಯುದ್ಧಕ್ಕೆ ತಯಾರಾಗಿದೆ.
ಚೆಂಗ್ಡೂನಲ್ಲಿ ಹಲವಾರು ಹ್ಯಾಕರ್‌ಗಳು ಸರ್ಕಾರಿ ಸಂಸ್ಥೆಗಳ ಆಶ್ರಯದಲ್ಲಿ ಕೆಲಸ ಮಾಡುತ್ತಾರೆ ಎಂದು ಹೇಳಲಾಗುತಿದೆ. ಉಚಿತ ಕೋವಿಡ್ -19 ಪರೀಕ್ಷೆಯ ಸೋಗಿನಲ್ಲಿ ಚೀನಾದ ಸೈಬರ್ ದಾಳಿಕೋರರು ಭಾರಿ ಫಿಶಿಂಗ್ ದಾಳಿ ನಡೆಸಬಹುದು ಎಂದು ಭಾರತೀಯ ಏಜೆನ್ಸಿಗಳು ಎಚ್ಚರಿಸಿದ್ದವು.
ನಿನ್ನೆಯಷ್ಟೇ ಮೋದಿ ಸರಕಾರ ಚೀನಾ ನಿರ್ಮಿತ 59 ಮೊಬೈಲ್ ಅಪ್ ಗಳನ್ನೂ ರಾಷ್ಟ್ರೀಯ ಹಿತದೃಷ್ಟಿಯಡಿ ನಿಷೇದ ಮಾಡಲು ಆದೇಶ ಹೊರಡಿಸಿತ್ತು. ಇದು ಚೀನಾವನ್ನು ಇನ್ನಷ್ಟು ಕೆರಳಿಸಿದೆ.
ಆಸ್ಟ್ರೇಲಿಯಾ ಇತ್ತೀಚಿಗೆ ತನ್ನ ಆಡಳಿತ, ಕೈಗಾರಿಕೆಗಳು, ಅಗತ್ಯ ಸೇವೆಗಳು, ನಿರ್ಣಾಯಕ ಮೂಲಸೌಕರ್ಯಗಳು ಮತ್ತು ರಾಜಕೀಯ ಸಂಸ್ಥೆಗಳನ್ನು ಗುರಿಯಾಗಿಸಿಕೊಂಡು ನಡೆದ ಸೈಬರ್ ದಾಳಿಯಲ್ಲಿ ಚೀನಾದ ಕೈವಾಡವಿದೆ ಎಂದು ಅನುಮಾನ ವ್ಯಕ್ತಪಡಿಸಿತ್ತು.
ಕೋವಿಡ್ -19 ಸಾಂಕ್ರಾಮಿಕದ ಮೂಲದ ಬಗ್ಗೆ ಅಂತರರಾಷ್ಟ್ರೀಯ ತನಿಖೆಯ ನಡೆಸಲು ಆಸ್ಟ್ರೇಲಿಯಾ ಕರೆನೀಡಿದ್ದು, ವಿಶ್ವ ಅರೋಗ್ಯ ಸಂಸ್ಥೆಯ ಸುಧಾರಣೆಗೆ ಭಾರತವನ್ನು ಬೆಂಬಲಿಸಿದ್ದು ಚೀನಾ ಸೈಬರ್ ದಾಳಿಗೆ ಕಾರಣವಾಗಿತ್ತು ಎಂದು ಅಭಿಪ್ರಾಯ ವ್ಯಕ್ತವಾಗಿದೆ . ಈಗಾಗಲೇ ಚೀನಾ ಆಸ್ಟ್ರೇಲಿಯಾ ರಫ್ತು ವಸ್ತುಗಳ ಮೇಲೆ ಅಧಿಕ ಸುಂಕ ವಿಧಿಸಿದೆ.
