ಮಹಿಳೆ ಮೂಗಿಗೆ ಪಂಚಿಂಗ್ ಕೇಸ್ : ‘ಕಾನೂನಿನ’ ರಿವರ್ಸ್ ಪಂಚ್ ಕೊಟ್ಟ ZOMATO ಡೆಲಿವರಿ ಬಾಯ್..!
ಬೆಂಗಳೂರು : ಮೇಕಪ್ ಆರ್ಟಿಸ್ಟ್ ಮಹಿಳೆಯೊಬ್ಬರ ಮುಖಕ್ಕೆ ಜೋಮ್ಯಾಟೋ ಡಿಲೆವರಿ ಬಾಯ್ ಪಂಚ್ ಮಾಡಿರೋದಾಗಿ, ಇತ್ತೀಚೆಗೆ ಬೆಂಗಳೂರಿನ ಮಹಿಳೆ ವಿಡಿಯೋ ಮಾಡಿ ಆರೋಪಿಸಿ ಕಣ್ಣೀರಿಟ್ಟಿದ್ದರು. ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿ ZOMATO ಡಿಲೆವರಿ ಬಾಯ್ ವಿರುದ್ಧ ಆಕ್ರೋಶ ಭುಗಿಲೆದ್ದಿತ್ತು. ಆತನನ್ನ ಅರೆಸ್ಟ್ ಮಾಡುವಂತೆ ನೆಟ್ಟಿಗರು ಆಗ್ರಹಿಸಿದ್ದರು. ಇದರ ಬೆನ್ನಲ್ಲೇ ಆರೋಪಿ ಕಾಮರಾಜ್ ನನ್ನ ಅರೆಸ್ಟ್ ಮಾಡಲಾಗಿತ್ತು. ಆದ್ರೆ ಆತ ಅರೆಸ್ಟ್ ಆದ ಬೆನ್ನಲ್ಲೇ ಮಹಿಳೆಯ ಮೇಲೆ ಹಲ್ಲೆ ಮಾಡುವ ಮಟ್ಟಕ್ಕೆ ಹೋಗಿದ್ದಾನೆಂದ್ರೆ ಆ ಮಹಿಳೆಯೂ ಕೂಡ ಏನೋ ತಪ್ಪು ಮಾಡಿರಬೇಕು. ಇಲ್ಲ ಆ ಮಹಿಳೆ ಸುಳ್ಳು ಹೇಳುತ್ತಿರಬಹುದೆಂದು ನೆಟ್ಟಿಗರು ಚರ್ಚೆಗಳನ್ನ ಶುರು ಮಾಡಿದ್ದರು.
ಈ ನಡುವೆ ಜೊಮ್ಯಾಟೊ ಕಂಪನಿಯ ಡೆಲಿವರಿ ಬಾಯ್ ಹಲ್ಲೆ ಮಾಡಿದ್ದಾನೆ ಎಂದು ಆರೋಪಿಸಿ ದೂರು ನೀಡಿದ್ದ ಮಹಿಳೆ ವಿರುದ್ಧವೇ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸ್ ಠಾಣೆಯಲ್ಲಿ ಕಾಮರಾಜ್ ದೂರು ದಾಖಲಿಸಿದ್ದಾರೆ. ಹೌದು ಕಾಮರಾಜ್ ನೀಡಿದ ದೂರಿನ ಮೇರೆಗೆ ಹಿತೇಸಾ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ದೂರಿನಲ್ಲಿ ಮಾ.9 ರಂದು ಹಿತೇಶ್ ಚಂದ್ರಾಣಿ ಜೊಮ್ಯಾಟೊ ಪುಡ್ ಆರ್ಡರ್ ಮಾಡಿದ್ದರು.
ಆರ್ಡರ್ ತಡವಾಗಿದ್ದಕ್ಕೆ ಡೆಲಿವರಿ ಬಾಯ್ ಜೊತೆ ಜಗಳವಾಗಿತ್ತು. ಈ ವೇಳೆ ನನ್ನ ಮೇಲೆ ಹಲ್ಲೆ ಮಾಡಿದ್ದಾನೆ ಎಂದು ಈ ಆರೋಪಿಯು ತನ್ನ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ಹರಿಬಿಟ್ಟಿದ್ದರು. ಆದ್ರೆ ನಾನು ಹಲ್ಲೆ ನಡೆಸಿಯೇ ಇಲ್ಲ ಬದಲಾಗಿ ಇಲ್ಲಿ ಸಂತ್ರಸ್ತ ನಾನು ಆಕೆಯೆ ನನ್ನ ಮೇಲೆ ಹಲ್ಲೆ ನಡೆಸೋ ಭರದಲ್ಲಿ ನನ್ನ ಮೇಲೆ ಚಪ್ಪಳಿ ಎಸೆದಿದ್ದಲ್ಲದೆ ತಮ್ಮ ಉಂಗುರದಿಂದ ತಾವೇ ಮೂಗಿಗಿ ಹೊಡೆದುಕೊಂಡಿದ್ದಾರೆ ಎಂದು ಕಾಮರಾಜ್ ಆರೋಪಿಸಿ ದೂರು ನೀಡಿದ್ದಾರೆ. ಇದೀಗ ಮಹಿಳೆಯ ವಿರುದ್ಧ ಐಪಿಸಿ ಸೆಕ್ಷನ್ 341, 355, 504 ಹಾಗೂ 506ನಡಿ ಪ್ರಕರಣ ದಾಖಲಾಗಿದೆ.
ಪ್ರಕರಣದ ವಿವರಣೆ
ಆರೋಪಿ ಎಂದು ಹೇಳಲಾಗಿರುವ ಕಾಮರಾಜ್ ಹೇಳಿಕೆಯಿಂದ ಪ್ರಕರಣಕ್ಕೆ ಟ್ವಿಸ್ಟ್ ಸಿಕ್ಕಿದ್ದು, ಮಹಿಳೆಯೇ ನಾಟಕವಾಡ್ತಿದ್ದಾಲೆ ಎಂದು ಹೇಳಲಾಗ್ತಿದೆ. ಹೌದು ಮಹಿಳೆ ನನ್ನ ಮೇಲೆ ಹಲ್ಲೆ ನಡೆಸಲು ಶುರು ಮಾಡಿದರು ಆ ವೇಳೆ ನನ್ನ ಅವರೇ ತಮ್ಮ ಕೈನಲ್ಲಿದ್ದ ಉಂಗುರದಿಂದ ಏಟು ಮಾಡಿಕೊಂಡ್ರು ಎಂದಿದ್ದಾರೆ. ಇದರಿಂದಾಗಿ ಇದೀಗ ಮಹಿಳೆಯೇ ಸುಖಾ ಸುಮ್ಮನೆ ಆರೋಪ ಮಾಡ್ತಿದ್ದಾರಾ ಎಂಬ ಅನುಮಾನಗಳು ಮೂಡಿವೆ.
ಡಿಲೆವರಿ ಬಾಯ್ ಹೇಳಿದ್ದೇನು..?
ಮಹಿಳೆಯ ಮನೆಗೆ ನುಗ್ಗಿ ಆಕೆಯ ಮುಖಕ್ಕೆ ಪಂಚ್ ಮಾಡಿದ್ದು ಎಲ್ಲಾ ಶುದ್ಧ ಸುಳ್ಳು ಎಂದು ಕಾಮರಾಜ್ ಹೇಳಿಕೊಂಡಿದ್ದಾರೆ. ಹಿತೇಶಾ ನನ್ನ ಮೇಲೆ ಮೊದಲು ಹಲ್ಲೆ ಮಾಡಿದ್ದು, ಹಿಂದಿಯೊಲ್ಲಿ ಕೆಟ್ಟ ಪದಗಳಲ್ಲಿ ನನ್ನನ್ನ ಬೈದದ್ದೂ ಅಲ್ದೇ ಚಪ್ಪಳಿಯಲ್ಲಿ ನನಗೆ ಹೊಡೆದ್ರು. ನಾನು ಮಹಿಳೆ ಮನೆಗೆ ಊಟ ತೆಗೆದುಕೊಂಡು ಹೋಗಿ ಊಟ ಕೊಟ್ಟೆ. ಅವರು ದುಡ್ಡು ಕೊಡುವದಕ್ಕೆ ನಾನು ಕಾಯುತ್ತಿದ್ದೆ. ಹಾಗೆ ಟ್ರಾಫಿಕ್ ಕಾರಣದಿಂದಾಗಿ ಡಿಲೆವರಿ ತಡವಾಗಿದ್ದಕ್ಕೆ ನಾನು ಮಹಿಳೆಯ ಬಳಿ ಕ್ಷಮೆಯಾಚಿಸಿದೆ. ಆದ್ರೆ ಮಹಿಳೆಯು ನನ್ನ ಬಳಿ ದುರಹಂಕಾರದಿಂದ ರ್ಯಾಶ್ ಆಗಿ ಮಾತನಾಡಿದ್ರು. ಯಾಕೆ ತಡವಾಗಿ ಬಂದಿದ್ಯಾ ಎಂದು ಕೇಳಿದ್ರು. ಅದಕ್ಕೆ ನಾನು ಕಾರಣವನ್ನೂ ತಿಳಿಸಿದೆ. ಆದ್ರೂ ಮಹಿಳೆ ಕಾಂಪ್ರಮೈಸ್ ಆಗದೇ 45-50 ನಿಮಿಗಳ ಒಳಗೆ ಫುಡ್ ಡಿಲೆವರ್ ಆಗಬೇಕಿತ್ತು ಎಂದು ಸಿಕ್ಕಾಪಟ್ಟೆ ಕೋಪದಿಂದ ಮಾತನಾಡಿದ್ರು. ನಾನು 2 ವರ್ಷಗಳಿಂದ ಈ ಕೆಲಸದಲ್ಲಿದ್ದು, ಈ ರೀತಿಯಾಗಿ ಯಾವತ್ತು ಆಗಿರಲಿಲ್ಲ ಎಂದು ಬೇಸರ ಹೊರಹಾಕಿದ್ದಾರೆ. ಅಲ್ಲದೇ ಮಹಿಳೆ ಆಹಾರವನ್ನ ತೆಗೆದುಕೊಂಡು ದುಡ್ಡು ಕೊಡಲು ನಿರಾಕರಿಸಿದ್ರು.
ಈ ವೇಳೆ ತಡವಾಗಿದ್ದಕ್ಕೆ ಫ್ರೀ ಆಗಿ ಆಹಾರ ನೀಡುವುದಕ್ಕೆ ಆಕೆ #ZOMATO @ZOMATO ಚಾರ್ಟ್ ಸಪೋರ್ಟ್ ಮೂಲಕ ಮಾತುಕತೆ ನಡೆಸುತ್ತಿದ್ದರು. ಇದರಿಂದಾಗಿ ನನ್ನ ಕೆಲ ಹೋಗಬಹುದೆಂಬ ಆತಂಕದಲ್ಲಿ ನಾನು ಆಕೆಯ ಬಳಿ ದುಡ್ಡು ನೀಡುವಂತೆ ಬೇಡಿಕೊಂಡೆ. ಆದ್ರೆ ಆಗ ಆಕೆ ನನ್ನ ಗುಲಾಮ ಎಂದು ಕರೆದರು. ಅಲ್ದೇ ನನ್ನ ಮೇಲೆ ಕಿರುಚಾಡಿದರು. ನಂತರ ಆಕೆಯೇ ಫುಡ್ ಕ್ಯಾನ್ಸಲ್ ಮಾಡಿದ್ದಾಗಿ ಕಂಪನಿ ಕಡೆಯಿಂದ ನನಗೆ ಮೆಸೇಜ್ ಬಂತು. ಹೀಗಾಗಿ ನಾನು ಡಿಲೆವರ್ ಮಾಡಿದ್ದ ಆಹಾರವನ್ನ ವಾಪಸ್ ಮಾಡುವಂತೆ ಹೇಳಿದೆ. ಆದ್ರೆ ಆಕೆ ವಾಪಸ್ ಕೊಡಲು ನಿರಾಕರಿಸಿದಳು. ನಂತರ ಮಹಿಳೆಯ ವರ್ತನೆ ನೋಡಿ ದುಡ್ಡು ಬೇಡ ಊಟವೂ ಬೇಡ ಅಂತ ವಾಪಸ್ ಆಗಲು ನಿರ್ಧರಿಸಿ ನಾನು ಹೊರೆಟಿದ್ದೆ. ಆದ್ರೆ ನಾನು ಲಿಫ್ಟ್ ಕಡೆಗೆ ಹೊರಟಾಗ ಮಹಿಳೆಗೆ ನನ್ನಗೆ ತುಂಬಾನೆ ಅವಾಚ್ಯ ಶಬ್ಧಗಳಿಂದ ನಿಂದಿಸಲು ಆರಂಭಿಸಿದರು. ಸಡನ್ ಆಗಿ ನನ್ನ ಮೇಲೆ ಚಪ್ಪಲಿಗಳನ್ನ ಎಸೆದರು.
ನನ್ನ ಮೇಲೆ ಹಲ್ಲೆ ಮಾಡಲು ಶುರುಮಾಡಿದ್ರು. ಈ ವೇಳೆ ನಾನು ನನ್ನ ರಕ್ಷಣೆಗಾಗಿ ನನ್ನ ಕೈಗಳನ್ನ ಅಡ್ಡ ಇಟ್ಟೆ. ಆಗ ಮಹಿಳೆ ನನ್ನನ್ನ ತಳ್ಳಲು ಪ್ರಯತ್ನಿಸಿದಾಗ ಆಕಸ್ಮಿಕವಾಗಿ ಆಕೆಯ ಉಂಗುರ ಆಕೆಯ ಮೂಗಿಗೆ ತಾಕಿತು ಇದರಿಂದಲೇ ಆಕೆಯ ಮೂಗಿನಿಂದ ರಕ್ತ ಬರೋದಕ್ಕೆ ಶುರುವಾಯ್ತು. ಇನ್ನೂ ಆಕೆಯ ಮೂಗಿನ ಮೇಲೆ ಆಗಿರುವ ಗಾಯ ಪಂಚ್ ಮಾಡಿರೋದರಿಂದ ಆಗಿದ್ದಲ್ಲ ಅನ್ನೋದನ್ನ ಯಾರು ಬೇಕಾದ್ರು ನೋಡಿದ ತಕ್ಷಣವೇ ಹೇಳಬಹುದು. ಅಲ್ಲದೇ ನಾನು ಉಂಗುರವನ್ನ ಧರಿಸುವುದೂ ಇಲ್ಲ ಎಂದಿದ್ದಾರೆ. ಇಷ್ಟಾದ ಮೇಲೆ ಮಹಿಳೆ ನನಗೆ ಲಿಫ್ಟ್ ನಿಂದಲೂ ಹೋಗೋಕೆ ಬಿಟ್ಟಿಲ್ಲ. ನಾನು ನಡೆದುಕೊಂಡೇ ಕೆಳಗೆ ಓಡಿಕೊಂಡು ಹೋದೆ. ಈ ಬಗ್ಗೆ ನಾನು ZOMATO ಮೇಲಾಧಿಕಾರಿಗಳ ಜೊತೆಗೆ ಮಾತನಾಡಿದೆ. ಅವರ ಬಳಿ ನಡೆದಿದ್ದೆಲ್ಲವನ್ನೂ ನಾನು ತಿಳಿಸಿದೆ. ಅವರು ಕೂಡ ಈ ಬಗ್ಗೆ ಸರಿಯಾಗಿ ತನಿಖೆ ನಡೆಸುವುದಾಗಿ ಭರವಸೆ ನೀಡಿದ್ರು ಎಂದಿದ್ದಾರೆ. ಅಲ್ಲದೇ ಅಲ್ಲಿ ಸಿಸಿ ಕ್ಯಾಮೆರಾಗಳು ಇರಲಿಲ್ಲ. ಇದರಿಂದ ಆಕೆ ಮಾಡಿರುವ ಆರೋಪ ಸುಳ್ಳು ಎಂಬುದನ್ನ ಸಾಬೀತು ಮಾಡಲು ಸ್ವಲ್ಪ ಕಷ್ಟವಾಗ್ತಿದೆ ಎಂದಿದ್ಧಾರೆ.
ಒಳುಡುಪುಗಳನ್ನ ಕದಿಯುತ್ತಿದ್ದ ವ್ಯಕ್ತಿಯ ವಿಡಿಯೋ ವೈರಲ್..!
ಮಹಿಳೆ ಹೇಳಿದ್ದೇನು..?
ಬೆಂಗಳೂರಿನ ಹಿತೇಶಾ ತನ್ನ ಇನ್ಸ್ಟಾಗ್ರಾಂನ ಖಾತೆಯಲ್ಲಿ ವಿಡಿಯೋ ಶೇರ್ ಮಾಡಿ, ಹಲ್ಲೆ ನಡೆದ ನಂತರ ರಸ್ತ ಸ್ರಾವವಾಗುತ್ತಿರುವುದನ್ನ ಮೊದಲಿಗೆ ವಿಡಿಯೋದಲ್ಲಿ ತೋರಿಸಿದ್ದಾರೆ. ಇದರ ಬಗ್ಗೆ ಹಿತೇಶಾ ವಿವರಣೆ ನೀಡುತ್ತಾ ಹೇಗೆ ನನ್ನ ಮೇಲೆ ಹಲ್ಲೆ ನಡೆದಿದೆ ನೋಡಿ ಎಂದು ಕಣ್ಣೀರಿಟ್ಟಿದ್ದಾರೆ. ನಂತರ ಫಸ್ಟ್ ಎಡ್ ಮಾಡಿಕೊಂಡು ವಿಡಿಯೋದಲ್ಲಿ ಘಟನೆ ಬಗ್ಗೆ ವಿವರಣೆ ನೀಡಿರುವ ಮಹಿಳೆ ಫುಡ್ ಆರ್ಡರ್ ಮಾಡಿದ ನಂತರ ಅದನ್ನ ಡಿಲೆವರಿ ಮಾಡಲು ತಡವಾಗಿದೆ. ಹೀಗಾಗಿ ಈ ಬಗ್ಗೆ ಕಂಪನಿಯ ಕಸ್ಟಮರ್ ಕೇರ್ ಜೊತೆಗೆ ನಾನು ಮಾತನಾಡಿದೆ. ತಡವಾಗಿ ಆರ್ಡರ್ ತಲುಪಿಸುತ್ತಿದ್ದೀರಾ ಹಾಗಾದ್ರೆ ಕಂಪನಿಯೇ ಹೇಳಿರೋ ಹಾಗೆ ಫುಡ್ ಅನ್ನ ಫ್ರೀ ಆಗಿ ಡಿಲೆವರ್ ಮಾಡಿ ಎಂದು ಕೇಳಿಕೊಂಡೆ. ಆದ್ರೆ ಅಷ್ಟರಲ್ಲೇ ಮನೆ ಬಾಗಲಿಗೆ ಬಂದ ಡಿಲೆವರ್ ಬಾಯ್ ಸಿಟ್ಟಿನಿಂದ ಮಾತನಾಡಲು ಆರಂಭಿಸಿದ. ಆದ್ರೆ ನನಗೆ ಆರ್ಡರ್ ಬೇಡ. ತಡವಾಗಿದೆ ಎಂದು ವಾದಿಸಿದೆ. ನನಗೆ ಆರ್ಡರ್ ಬೇಡ ಕ್ಯಾನ್ಸಲ್ ಮಾಡುವುದಾಗಿ ಹೇಳಿದೆ. ಅಷ್ಟಕ್ಕೇ ಸಿಟ್ಟಿಗೆದ್ದ ಆತ ಏಕಾಏಕಿ ನನ್ನ ಮುಖದ ಮೇಲೆ ಗುದ್ದಿ ದಾಳಿ ನಡೆಸಿದ ಎಂದು ಹೇಳುತ್ತಾ ಕಣ್ಣಿರಿಟ್ಟಿದ್ದಾರೆ.
ಆದ್ರೆ ಯಾರು ಸುಳ್ಳು ಹೇಳ್ತಿದ್ದಾರೆ. ಯಾರು ನಿಜ ಹೇಳ್ತಿದ್ದಾರೆ ಎಂಬ ಅನುಮಾನಗಳು ಮೂಡಿವೆ. ಈ ಬಗ್ಗೆ ತನಿಖೆ ನಡೆಯುತ್ತಿದ್ದು, ತನಿಖೆ ಪೂರ್ಣಗೊಳ್ಳುವವರೆಗೂ ಕಾಮರಾಜ್ ನನ್ನ ತಾತ್ಮಾಲಿಕವಾಗಿ ಕೆಲಸದಿಂದ ತೆಗೆದುಹಾಕಲಾಗಿದೆ.
ಅಂದ್ಹಾಗೆ ಬಹುತೇಕ ಮಂದಿ ಕಾಮರಾಜ್ ಪರ ನಿಂತಿದ್ದು, ಮಹಿಳೆಯೇ ಸುಳ್ಳು ಹೇಳ್ತಿದ್ದಾರೆ ಎಂದು ವಾದಿಸುತ್ತಿದ್ದಾರೆ. ಅಲ್ಲದೇ ಬಾಲಿವುಡ್ ನಟಿ ಪರಿಣಿತಾ ಚೋಪ್ರಾ, ಸ್ಯಾಂಡಲ್ ವುಡ್ ನಟಿ ಪ್ರಣಿತಾ ಕೂಡ ಕಾಮರಾಜ್ ಪರ ನಿಂತಿದ್ದಾರೆ. ಇತ್ತ ಟ್ವಿಟ್ಟರ್ ನಲ್ಲಿ ಕಾಮರಾಜ್ ಗಾಗಿ #mentoo ಟ್ರೆಂಡ್ ಆಗ್ತಿದೆ.