ತಿಂಗಳಿಡೀ ಕತ್ತೆ ಥರ ದುಡಿಯೋದೆ ಒಂದನೇ ತಾರೀಖು ಬರೋ ಆ ಸಂಬಳದ ಮೆಸೇಜ್ ನೋಡೋಕೆ ಅಲ್ವಾ? ಆದ್ರೆ ಏಪ್ರಿಲ್ ಒಂದರಿಂದ ನಮ್ಮ ನಿಮ್ಮೆಲ್ಲರ ಸಂಬಳದ ರೂಲ್ಸ್ ಕಂಪ್ಲೀಟ್ ಆಗಿ ಬದಲಾಗೋಕೆ ಹೋಗ್ತಿದೆ. ಕೇಂದ್ರ ಸರ್ಕಾರ ಹೊಸ ವೇತನ ನಿಯಮಗಳನ್ನ ತರ್ತಿದೆ. ಇದು ಕೇಳಿದ ತಕ್ಷಣ ನಮಗೆಲ್ಲಾ ಬರೋ ಒಂದೇ ಡೌಟ್ ಅಂದ್ರೆ, ನನ್ನ ಸಂಬಳ ಜಾಸ್ತಿ ಆಗುತ್ತಾ ಇಲ್ಲ ಕಟ್ ಆಗುತ್ತಾ ಅನ್ನೋದು. ಬನ್ನಿ, ಇದೇನ್ ಕಥೆ ಅಂತ ಹೇಳ್ತೀನಿ ಕೇಳಿ.
1. ಬೇಸಿಕ್ ಸ್ಯಾಲರಿ ಇನ್ಮೇಲೆ ಅರ್ಧಕ್ಕರ್ಧ ಇರಲೇಬೇಕು
ಈಗ ಕಂಪನಿಗಳು ಏನ್ ಮಾಡ್ತಿವೆ ಅಂದ್ರೆ ಟ್ಯಾಕ್ಸ್ ಉಳಿಸೋಕೆ ಅಥವಾ ತಾವೇನ್ ಪಿಎಫ್ ಕಟ್ಟಬೇಕು ಅದನ್ನ ಕಮ್ಮಿ ಮಾಡೋಕೆ ಅಂತ, ಬೇಸಿಕ್ ಸ್ಯಾಲರಿನ ಬರೀ ಮೂವತ್ತೋ ನಲವತ್ತೋ ಪರ್ಸೆಂಟ್ ಇಡ್ತಾರೆ. ಉಳಿದಿದ್ದೆಲ್ಲಾ ಎಚ್ ಆರ್ ಎ, ಟ್ರಾವೆಲ್ ಅಲೋವೆನ್ಸ್ ಅಂತ ಕೊಡ್ತಾರೆ. ಆದ್ರೆ ಏಪ್ರಿಲ್ ಒಂದರ ನಂತ್ರ ಈ ಆಟ ನಡೆಯಲ್ಲ. ನಿಮ್ಮ ಒಟ್ಟು ಸಂಬಳದಲ್ಲಿ ಕನಿಷ್ಠ ಐವತ್ತು ಪರ್ಸೆಂಟ್ ಬೇಸಿಕ್ ಸ್ಯಾಲರಿ ಆಗಿರಲೇಬೇಕು ಅಂತ ಸರ್ಕಾರ ಕಡ್ಡಿ ಮುರಿದ ಹಾಗೆ ಹೇಳ್ತಿದೆ.
2. ಹಾಗಾದ್ರೆ ಕೈಗೆ ಬರೋ ಸಂಬಳ ಕಮ್ಮಿ ಆಗುತ್ತಾ
ಇಲ್ಲೇ ಇರೋದು ನೋಡಿ ಅಸಲಿ ಟ್ವಿಸ್ಟ್. ಬೇಸಿಕ್ ಸ್ಯಾಲರಿ ಜಾಸ್ತಿ ಆದ ತಕ್ಷಣ ಆಟೋಮ್ಯಾಟಿಕ್ ಆಗಿ ನಿಮ್ಮ ಸಂಬಳದಿಂದ ಕಟ್ ಆಗೋ ಪಿಎಫ್ ದುಡ್ಡು ಕೂಡ ಜಾಸ್ತಿ ಆಗುತ್ತೆ. ಯಾಕಂದ್ರೆ ಪಿಎಫ್ ಕಟ್ ಮಾಡೋದು ಬೇಸಿಕ್ ಸ್ಯಾಲರಿ ಮೇಲೇನೆ. ಹಾಗಾಗಿ ತಿಂಗಳ ಕೊನೆಗೆ ನಿಮ್ಮ ಅಕೌಂಟಿಗೆ ಬೀಳೋ ನಗದು ಸ್ವಲ್ಪ ಕಮ್ಮಿ ಆಗಬಹುದು. ಆದ್ರೆ ಟೆನ್ಷನ್ ಬೇಡ, ನೀವು ಎಷ್ಟು ಪಿಎಫ್ ಕಟ್ ಮಾಡಿಸ್ತೀರೋ ಅಷ್ಟೇ ದುಡ್ಡನ್ನ ನಿಮ್ಮ ಕಂಪನಿಯವರೂ ಹಾಕಲೇಬೇಕು. ಅಂದ್ರೆ ಲಾಂಗ್ ಟರ್ಮ್ ಅಲ್ಲಿ ನಿಮ್ಮ ಸೇವಿಂಗ್ಸ್ ಡಬಲ್ ಆಗುತ್ತೆ.
3. ವಯಸ್ಸಾದ ಮೇಲೆ ರಾಜನ ತರ ಇರಬಹುದು
ಈಗ ಕೈಗೆ ಸ್ವಲ್ಪ ಕಾಸು ಕಮ್ಮಿ ಸಿಕ್ರೂ ಫ್ಯೂಚರ್ ಅಲ್ಲಿ ಸಕ್ಕತ್ ಲಾಭ ಇದೆ ಬಾಸ್. ನೀವು ಐದು ವರ್ಷ ಒಂದೇ ಕಂಪನಿಯಲ್ಲಿ ಕೆಲಸ ಮಾಡಿ ಬಿಡುವಾಗ ಗ್ರಾಚ್ಯುಟಿ ಅಂತ ದೊಡ್ಡ ಅಮೌಂಟ್ ಸಿಗುತ್ತೆ ಗೊತ್ತಾ? ಅದು ಕೂಡ ಲೆಕ್ಕ ಹಾಕೋದು ಬೇಸಿಕ್ ಸ್ಯಾಲರಿ ಮೇಲೇನೆ. ಈಗ ಬೇಸಿಕ್ ಸ್ಯಾಲರಿ ಜಾಸ್ತಿ ಆಗೋದ್ರಿಂದ ನೀವು ಕೆಲಸ ಬಿಡುವಾಗ ಅಥವಾ ರಿಟೈರ್ ಆಗುವಾಗ ಕೈಗೆ ಭಾರಿ ಮೊತ್ತದ ದುಡ್ಡು ಸಿಗುತ್ತೆ. ಅಷ್ಟೊತ್ತಿಗೆ ಪಿಎಫ್ ನಲ್ಲೂ ಲಕ್ಷಾಂತರ ರೂಪಾಯಿ ಸೇರಿರುತ್ತೆ.
4. ವಾರಕ್ಕೆ ನಾಲ್ಕೇ ದಿನ ಕೆಲಸ ಮೂರು ದಿನ ರಜೆ ಮಜಾ
ಸಂಬಳದ ಜೊತೆಗೆ ಕೆಲಸದ ಟೈಮಿಂಗ್ಸ್ ಬಗ್ಗೆನೂ ಹೊಸ ರೂಲ್ಸ್ ಬರ್ತಿದೆ. ಕಂಪನಿಗಳು ಬೇಕಿದ್ರೆ ವಾರಕ್ಕೆ ನಾಲ್ಕು ದಿನ ಮಾತ್ರ ಕೆಲಸ ಮಾಡಿಸಿ, ಮೂರು ದಿನ ರಜೆ ಕೊಡಬಹುದು. ಆದ್ರೆ ಇಲ್ಲೊಂದು ಕಂಡೀಷನ್ ಇದೆ. ವಾರಕ್ಕೆ ನಾಲ್ಕೇ ದಿನ ಕೆಲಸ ಅಂದ್ರೆ, ದಿನಕ್ಕೆ ಹನ್ನೆರಡು ಗಂಟೆ ಆಫೀಸಲ್ಲಿ ಕೂತು ಒದ್ದಾಡಬೇಕು. ವಾರಕ್ಕೆ ಒಟ್ಟು ನಲವತ್ತೆಂಟು ಗಂಟೆ ಕೆಲಸ ಮಾಡಲೇಬೇಕು ಅನ್ನೋ ಲೆಕ್ಕಾಚಾರ ಇದು. ಐದು ದಿನ ಕೆಲಸ ಅಂದ್ರೆ ದಿನಕ್ಕೆ ಒಂಬತ್ತರಿಂದ ಹತ್ತು ಗಂಟೆ ಆಫೀಸಲ್ಲಿ ಇರಬೇಕಾಗುತ್ತೆ. ಇದು ಎಷ್ಟರ ಮಟ್ಟಿಗೆ ಜನಕ್ಕೆ ಇಷ್ಟ ಆಗುತ್ತೆ ಅಂತ ಕಾದು ನೋಡಬೇಕು.
5. ಕಮ್ಮಿ ಸಂಬಳಕ್ಕೆ ದುಡಿಸಿಕೊಳ್ಳೋ ಹಾಗಿಲ್ಲ
ತುಂಬಾ ಕಮ್ಮಿ ಸಂಬಳ ಕೊಟ್ಟು ಜಾಸ್ತಿ ದುಡಿಸಿಕೊಳ್ಳೋ ಕಂಪನಿಗಳಿಗೆ ಈ ಹೊಸ ರೂಲ್ಸ್ ಇಂದ ದೊಡ್ಡ ಬ್ರೇಕ್ ಬೀಳುತ್ತೆ. ಪ್ರತಿಯೊಬ್ಬರಿಗೂ ಒಂದು ಮಿನಿಮಮ್ ಗೌರವಯುತವಾದ ಸಂಬಳ ಸಿಗಲೇಬೇಕು ಅಂತ ಕನಿಷ್ಠ ವೇತನದ ಲಿಮಿಟ್ ಅನ್ನ ಸರ್ಕಾರ ಜಾಸ್ತಿ ಮಾಡ್ತಿದೆ. ಇದರಿಂದ ಸಣ್ಣ ಪುಟ್ಟ ಕಂಪನಿಗಳಲ್ಲಿ, ಫ್ಯಾಕ್ಟರಿಗಳಲ್ಲಿ, ಗಾರ್ಮೆಂಟ್ಸ್ ಗಳಲ್ಲಿ ಕೆಲಸ ಮಾಡೋ ನಮ್ಮ ಶ್ರಮಿಕ ವರ್ಗಕ್ಕೆ ನಿಜಕ್ಕೂ ಒಳ್ಳೇದಾಗುತ್ತೆ.
ಕೊನೆಯದಾಗಿ ಹೇಳೋದು ಇಷ್ಟೇ
ಏಪ್ರಿಲ್ ಒಂದರಿಂದ ಬರೋ ಈ ಬದಲಾವಣೆ ನಮ್ಮ ದಿನನಿತ್ಯದ ಲೈಫ್ ಸ್ಟೈಲ್ ಮೇಲೆ ಪಕ್ಕಾ ಎಫೆಕ್ಟ್ ಮಾಡುತ್ತೆ. ಕೈಗೆ ಬರೋ ದುಡ್ಡು ಸ್ವಲ್ಪ ಕಮ್ಮಿ ಆಗೋದ್ರಿಂದ, ನಾವೇ ನಮ್ಮ ಮನೆ ಖರ್ಚುಗಳನ್ನ ಸ್ವಲ್ಪ ಕಂಟ್ರೋಲ್ ಮಾಡ್ಕೊಂಡು ಬಜೆಟ್ ಹಾಕೋಬೇಕು. ಇಎಂಐ ಕಥೆನೂ ಸ್ವಲ್ಪ ನೋಡ್ಕೋಬೇಕು. ಆದ್ರೆ ಫ್ಯೂಚರ್ ದೃಷ್ಟಿಯಿಂದ ನೋಡಿದ್ರೆ ನಮಗೆ ವಯಸ್ಸಾದಾಗ ಯಾರ ಮುಂದೆಯೂ ಕೈ ಒಡ್ಡದೆ, ನಮ್ಮ ಪಾಡಿಗೆ ನಾವು ಆರಾಮಾಗಿ ಇರೋಕೆ ಈ ರೂಲ್ಸ್ ತುಂಬಾ ಹೆಲ್ಪ್ ಮಾಡುತ್ತೆ. ಏನೇ ಆದ್ರೂ ನಿಮ್ಮ ಆಫೀಸ್ ಎಚ್ ಆರ್ ಹತ್ರ ಈಗ್ಲೇ ಒಂದು ಮಾತು ಕೇಳಿ, ಮುಂದಿನ ತಿಂಗಳಿಂದ ನನ್ನ ಪೇ ಸ್ಲಿಪ್ ಹೆಂಗಿರತ್ತೆ ಅಂತ ತಿಳ್ಕೊಳ್ಳೋದು ಜಾಣತನ.
