RCB | ಕೊಹ್ಲಿ ಹಾರ್ಟ್ ಬ್ರೇಕ್ ಮಾಡಿತ್ತು ಆ ಪಂದ್ಯ..
ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಬ್ರ್ಯಾಂಡ್ ಅಂಬಾಸಿಟರ್.. ಕಳೆದ 15 ಸೀಸನ್ ಗಳಿಂದ ಆರ್ ಸಿಬಿ ತಂಡದ ಪರ ಆಡುತ್ತಿರುವ ವಿರಾಟ್ ಕೊಹ್ಲಿ, ಈಗ ಬೆಂಗಳೂರಿಗರೇ ಆಗಿದ್ದಾರೆ. ಬೆಂಗಳೂರು, ಆರ್ ಸಿಬಿ, ಆರ್ ಸಿಬಿ ಅಭಿಮಾನಿಗಳು ಮತ್ತು ವಿರಾಟ್ ಕೊಹ್ಲಿ ನಡುವೆ ವರ್ಣಿಸಲಾಗದ ಅನುಬಂಧವಿದೆ.
ವಿರಾಟ್ ಕೊಹ್ಲಿ ಮತ್ತು ಆರ್ ಸಿಬಿ, ಆರ್ ಸಿಬಿ ಅಭಿಮಾನಿಗಳಿಗೆ ಕ್ರಿಕೆಟ್ ಗೂ ಮೀರಿದ ಸಂಬಂಧವಿದೆ. ವಿರಾಟ್ ಕೊಹ್ಲಿ ಆರ್ ಸಿಬಿಗೆ ಭಾವನಾತ್ಮಕವಾಗಿ ಕನೆಕ್ಟ್ ಆಗಿದ್ದಾರೆ. ಹೀಗಾಗಿಯೇ ವಿರಾಟ್ ಕೊಹ್ಲಿ ಅಂದ್ರೆ ಆರ್ ಸಿಬಿ, ಆರ್ ಸಿಬಿ ಅಂದ್ರೆ ವಿರಾಟ್ ಕೊಹ್ಲಿ ಅನ್ನೋದು.
ಈ ಬಾರಿ ವಿರಾಟ್ ಕೊಹ್ಲಿ ಆರ್ ಸಿಬಿ ತಂಡದ ನಾಯಕರಲ್ಲ, ಆದ್ರೂ ಅವರೇ ತಂಡದ ಲೀಡರ್ ಎಂದು ಸ್ವತಃ ನಾಯಕ ಫಾಫ್ ಡುಪ್ಲಸಿ ಹೇಳಿದ್ದಾರೆ.
ಇದು ಏನೇ ಇದ್ರೂ.. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇತ್ತೀಚೆಗೆ ವಿಡಿಯೋವೊಂದನ್ನ ಬಿಡುಗಡೆ ಮಾಡಿದೆ. ಈ ವಿಡಿಯೋದಲ್ಲಿ ಫಾಫ್ ಡುಪ್ಲಸಿ, ವಿರಾಟ್ ಕೊಹ್ಲಿ, ಮೊಹ್ಮದ್ ಸಿರಾಜ್ ಕಾಣಿಸಿಕೊಂಡಿದ್ದಾರೆ.
ವಿಶೇಷ ಏನಂದರೇ ಈ ವಿಡಿಯೋದಲ್ಲಿ ವಿರಾಟ್ ಕೊಹ್ಲಿಗೆ ನಿಮ್ಮ ಹಾರ್ಟ್ ಬ್ರೇಕ್ ಮಾಡಿದ ಪಂದ್ಯ ಯಾವುದು ಅಂತಾ ಪ್ರಶ್ನೆ ಕೇಳಲಾಗಿದೆ. ಇದಕ್ಕೆ ವಿರಾಟ್ ಕೊಹ್ಲಿ ಉತ್ತರಿಸುತ್ತಾ 2016ರ ಐಪಿಎಲ್ ಫೈನಲ್ ನಲ್ಲಿ ಸೋತಿದ್ದು, ನನ್ನ ಹಾರ್ಟ್ ಬ್ರೇಕ್ ಮಾಡಿತ್ತು ಅಂತಾ ಹೇಳಿದ್ದಾರೆ.
Behind the Scenes with Virat Kohli
