ಆರ್ ಸಿಬಿ | ಕೊಹ್ಲಿ.. ಮ್ಯಾಕ್ಸಿ.. ಓಕೆ.. ಸಿರಾಜ್ ಯಾಕೆ..? RCB saaksha tv
ಐಪಿಎಲ್-2022 ಮೆಗಾ ಹರಾಜಿನ ಹಿನ್ನೆಲೆಯಲ್ಲಿ ಫ್ರಾಂಚೈಸಿಗಳು ತಾವು ಉಳಿಸಿಕೊಳ್ಳುವ ಆಟಗಾರರ ಪಟ್ಟಿಯನ್ನು ಮಂಗಳವಾರ ಪ್ರಕಟಿಸಿವೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಈ ಕ್ರಮಾಂಕದಲ್ಲಿ ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಮೊಹಮ್ಮದ್ ಸಿರಾಜ್ ಅವರನ್ನು ಉಳಿಸಿಕೊಂಡಿದೆ.
ಹೀಗೆ ತಂಡದಲ್ಲಿ ಉಳಿಸಿಕೊಂಡ ಆಟಗಾರರ ಪೈಕಿ ವಿರಾಟ್ ಕೊಹ್ಲಿಗೆ ಹೆಚ್ಚು ಹಣ ನೀಡಲಾಗಿದೆ.
ಕೊಹ್ಲಿಗೆ 15 ಕೋಟಿ ರುಪಾಯಿ ವೆಚ್ಚ ಮಾಡಲಾಗಿದೆ.
ಆಸ್ಟ್ರೇಲಿಯಾದ ಆಲ್ ರೌಂಡರ್ ಗ್ಲೆನ್ ಮ್ಯಾಕ್ಸ್ ವೆಲ್ 11 ಕೋಟಿ ಹಾಗೂ ಮೊಹಮ್ಮದ್ ಸಿರಾಜ್ 7 ಕೋಟಿ ಸಂಭಾವನೆ ಪಡೆದಿದ್ದಾರೆ.
ಇನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ರಿಟೈನ್ಡ್ ಆಟಗಾರರ ವಿಷಯದಲ್ಲಿ ಈ ಬಾರಿ ಕೊಂಚ ಎಚ್ಚರಿಕೆಯ ಹೆಜ್ಜೆಯನ್ನಿಟಿದೆ.
ಸಾಮಾನ್ಯವಾಗಿ ಆರ್ ಸಿಬಿ ರಿಟೈನ್ಡ್ ಆಟಗಾರರೆಂದರೇ ವಿರಾಟ್, ಎಬಿ ಡಿ ವಿಲಿಯರ್ಸ್, ಚಾಹಲ್ ಇದ್ದೇ ಇರುತ್ತಿದ್ದರು.
ಆದ್ರೆ ಎಬಿಡಿ ವಿಲಿಯರ್ಸ್ ವಿದಾಯ ಘೋಷಿಸಿರುವ ಕಾರಣ ಅವರನ್ನ ಕೈಬಿಡಲಾಗಿದೆ.
ಅವರ ಸ್ಥಾನದಲ್ಲಿ ಮ್ಯಾಕ್ಸ್ ವೆಲ್ ಅವರನ್ನ ಉಳಿಸಿಕೊಳ್ಳಲಾಗಿದೆ.
ಇನ್ನು ಯಜುವೆಂದ್ರ ಚಹಾಲ್ ಅವರನ್ನ ಕಳೆದ ಬಾರಿ ಆರ್ ಸಿಬಿ ರಿಟೇನ್ಡ್ ಮಾಡಿಕೊಂಡಿತ್ತು.
ಆದ್ರೆ ಈ ಬಾರಿ ಅವರ ಕೈ ಬಿಟ್ಟು ಸಿರಾಜ್ ಅವರನ್ನ ತಂಡದಲ್ಲಿ ಉಳಿಸಿಕೊಳ್ಳಲಾಗಿದೆ. ಇದು ಚರ್ಚೆಗೆ ಗ್ರಾಸವಾಗಿದೆ.
ನಾಯಕ ಯಾರು..?
ವಿರಾಟ್ ಕೊಹ್ಲಿ ಆರ್ ಸಿಬಿ ನಾಯಕತ್ವದಿಂದ ಕೆಳಗಿಳಿದಿದ್ದಾರೆ. ಹೀಗಾಗಿ ತಂಡಕ್ಕೆ ನಾಯಕನ ಅವಶ್ಯಕತೆ ಇದೆ.
ಮೆಗಾ ಹರಾಜಿನಲ್ಲಿ ಆರ್ ಸಿಬಿ ಫ್ರಾಂಚೈಸಿ ಯಾವ ಆಟಗಾರನಿಗೆ ಮಣೆ ಹಾಕಲಿದೆ ಅನ್ನೊ ಕುತೂಹಲ ಇದೆ.
