ಅಬ್ಬಬ್ಬಾ ಏನ್ ಪೋಸ್ಟರ್ ಗುರೂ, ಸಖತ್ತಾಗಿದೆ.. ಅಣ್ಣಾ ಪೋಸ್ಟರ್ ಅದಿರಿಂದಿ.. ಕಬ್ಜ ಕರ್ನೆ ಗಯಾ ಹೇ ಸೌತ್ ಕಾ ಸೂಪರ್ ಸ್ಟಾರ್.. ಇದು ರಿಯಲ್ ಸ್ಟಾರ್ ಉಪೇಂದ್ರರ ಕಬ್ಜ ಸಿನಿಮಾಗೆ ಬಂದಿರುವ, ಬರುತ್ತಿರುವ ರೆಸ್ಪಾನ್ಸ್..
ಕಬ್ಜ, ಚಂದನವನದ ಪತಿಷ್ಠಾತ್ಮಕ ಸಿನಿಮಾ, ಭಾರತದ ಬಹುನಿರೀಕ್ಷಿತ ಚಿತ್ರ. ಸ್ಯಾಂಡಲ್ ವುಡ್ ನ ಬುದ್ಧಿವಂತ ಸೂಪರ್ ಸ್ಟಾರ್ ಉಪೇಂದ್ರ ಬರ್ತ್ ಡೇ ಅಂಗವಾಗಿ ಕಬ್ಜ ಚಿತ್ರತಂಡ ಥೀಮ್ ಪೋಸ್ಟರ್ ರಿಲೀಸ್ ಮಾಡಿದೆ. ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಥೀಮ್ ಪೋಸ್ಟರ್ ರಿಲೀಸ್ ಮಾಡಿದ್ದು, ‘ಕಬ್ಜ’ ಚಿತ್ರ ಹಾಗೂ ತಂಡದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಆರ್ ಚಂದ್ರು ನಿರ್ದೇಶನದ ಈ ಚಿತ್ರ ಕನ್ನಡ, ಹಿಂದಿ, ತಮಿಳು, ತೆಲುಗು, ಮಲಯಾಳಂ, ಒರಿಯಾ ಹಾಗೂ ಮರಾಠಿ ಭಾಷೆಗಳಲ್ಲಿ ತೆರೆ ಕಾಣುತ್ತಿದೆ. ಹಾಗೇ ಈ ಎಲ್ಲಾ ಭಾಷೆಗಳಲ್ಲೂ ಥೀಮ್ ಪೋಸ್ಟರ್ ಲಾಂಚ್ ಆಗಿದೆ.
ಸದ್ಯ ರಿಲೀಸ್ ಆಗಿರುವ ಪೋಸ್ಟರ್ ನಲ್ಲಿ ಉಪ್ಪಿ ಹೆಣಗಳ ರಾಶಿಯ ಮೇಲೆ ಬೈಕ್ ಮೇಲೇರಿ ಬರುತ್ತಿದ್ದರೆ ಹಿನ್ನೆಲೆಯಲ್ಲಿ ವಿಶೇಷವಾಗಿ 1947 ಎಂದು ಬರೆಯಲಾಗಿದೆ. ಕಬ್ಜ ಥೀಮ್ ಪೋಸ್ಟರ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಕಬ್ಜ 80ರ ದಶಕದ ಅಂಡರ್ವರ್ಲ್ಡ್ ಆಧಾರಿತ ಚಿತ್ರ ಕಥೆ ಹೊಂದಿದ್ದು, ಈ ಚಿತ್ರದಲ್ಲಿ ರೆಟ್ರೋ ಸ್ಟೈಲಿನಲ್ಲಿ ಉಪ್ಪಿ ಮಿಂಚಲಿದ್ದಾರೆ.
ಎಂ.ಟಿ.ಬಿ ನಾಗರಾಜ್ ಅರ್ಪಿಸುವ, ಶ್ರೀ ಸಿದ್ದೇಶ್ವರ ಎಂಟರ್ ಪ್ರೈಸಸ್ ಲಾಂಛನದಲ್ಲಿ ಆರ್ ಚಂದ್ರು ಅವರೇ ನಿರ್ಮಿಸುತ್ತಿರುವ ಕಬ್ಜ ಚಿತ್ರಕ್ಕೆ ಕೆ.ಜಿ.ಎಫ್ ಖ್ಯಾತಿಯ ರವಿ ಬಸ್ರೂರು ಸಂಗೀತ ನೀಡುತ್ತಿದ್ದಾರೆ. ಕಾರ್ಯಕಾರಿ ನಿರ್ಮಾಪಕರಾಗಿ ಮುನೀಂದ್ರ ಹಾಗೂ ಲೈನ್ ಪ್ರೊಡ್ಯೂಸರ್ ಆಗಿ ರಾಜಶೇಖರ್ ಕಾರ್ಯನಿರ್ವಹಿಸುತ್ತಿದ್ದಾರೆ.
