ರೋಹಿತ್ ಅವರನ್ನು ಹೊರಗಿಡುತ್ತೀರಾ? ಅಚ್ಚರಿ ವ್ಯಕ್ತಪಡಿಸಿದ ವಿರಾಟ್
ಮಳೆ ನಿಂತರು ಮರದ ಹನಿ ನಿಲ್ಲದು ಎನ್ನುವ ಹಾಗೆ ಭಾರತ ಮತ್ತು ಪಾಕಿಸ್ತಾನದ ಪಂದ್ಯ ಮುಗಿದರೂ ಅದರ ವಿಷಯಗಳನ್ನ ಮೆಲುಕು ಹಾಕುವುದು ಇನ್ನೂ ಮುಗಿದಿಲ್ಲ. ನಿನ್ನೆಯ ಪಂದ್ಯ ಮುಗಿದ ನಂತರ ನಡೆದ ಸುದ್ದಿಗೋಷ್ಟಿಯಲ್ಲಿ ಪತ್ರಕರ್ತರು ಕೇಳಿದ ಪ್ರಶ್ನೆಗೆ ವಿರಾಟ್ ಉತ್ತಿರಿಸಿದ ರೀತಿ ಸಖತ್ ವೈರಲ್ ಆಗಿದೆ.
ಮುಂದಿನ ಪಂದ್ಯದಲ್ಲಿ ಇಶಾನ್ ಕಿಶನ್ ಅವರು ರೋಹಿತ್ ಶರ್ಮಾ ಅವರ ಬದಲಿಗೆ ಆಡಲಿದ್ದಾರೆಯೇ? ಎಂದು ಪತ್ರಕರ್ತರೊಬ್ಬರು ಕೇಳಿದರು. ಈ ಪ್ರಶ್ನೆಯಿಂದ ಅಚ್ಚರಿಗೊಂಡ ಕೊಹ್ಲಿ ಪತ್ರಕರ್ತರನ್ನು ಕೇಳಿದರು, “ಇದು ತುಂಬಾ ಧೈರ್ಯಶಾಲಿ ಪ್ರಶ್ನೆ. ನೀವು ಏನು ಯೋಚಿಸುತ್ತೀರಿ ಸರ್?” ಎಂದರು.
"Will you drop Rohit Sharma from T20Is?" 🤔@imVkohli had no time for this question following #India's loss to #Pakistan.#INDvPAK #T20WorldCup pic.twitter.com/sLbrq7z2PW
— ICC (@ICC) October 25, 2021
“ನೀವು ಟ್ವೆಂಟಿ- 20 ಅಂತಾರಾಷ್ಟ್ರೀಯ ಪಂದ್ಯಗಳಿಂದ ರೋಹಿತ್ ಶರ್ಮಾ ಅವರನ್ನು ಹೊರಗಿಡುತ್ತೀರಾ? ನೀವು ರೋಹಿತ್ ಶರ್ಮಾ ಅವರನ್ನು ಕೈಬಿಡುತ್ತೀರಾ? ನಾವು ಆಡಿದ ಕೊನೆಯ ಪಂದ್ಯದಲ್ಲಿ ಅವರು ಏನು ಮಾಡಿದರು ಗೊತ್ತಾ? ಹೌದು? ನಂಬಲು ಸಾಧ್ಯವಿಲ್ಲ. ನಿಮಗೆ ವಿವಾದದ ವಿಷಯ ಬೇಕಾದರೆ ದಯವಿಟ್ಟು ಮೊದಲು ನನಗೆ ತಿಳಿಸಿ. ನಾನು ಅದಕ್ಕೆ ತಕ್ಕಂತೆ ಉತ್ತರಿಸುತ್ತೇನೆ “ಎಂದು ಕೊಹ್ಲಿ ಹೇಳಿದರು. ನಿನ್ನೆಯ ಪಂಧ್ಯದಲ್ಲಿ ರೋಹಿತ್ ಗೋಲ್ಢನ್ ಡಕ್ ಗೆ ಔಟ್ ಆಗಿದ್ದು ಅಭಿಮಾನಿಗಳಿಗೆ ಬೇಸರ ತರಿಸಿತ್ತು.
