ಮಂಗೋಲಿಯಾ -ಬುಬೊನಿಕ್ ಪ್ಲೇಗ್ ಗೆ15 ವರ್ಷದ ಬಾಲಕ ಸಾವು
ಮಂಗೋಲಿಯಾ, ಜುಲೈ 16: ಮಂಗೋಲಿಯಾದಲ್ಲಿ ಬುಬೊನಿಕ್ ಪ್ಲೇಗ್ನಿಂದ 15 ವರ್ಷದ ಬಾಲಕ ಮೃತಪಟ್ಟಿದ್ದಾನೆ ಎಂದು ಆರೋಗ್ಯ ಅಧಿಕಾರಿಗಳು ಮಂಗಳವಾರ ಹೇಳಿದ್ದಾರೆ.
ದೂರದ ನೈರುತ್ಯ ಪ್ರಾಂತ್ಯದ ಗೋಬಿ-ಅಲ್ಟೈನಲ್ಲಿ ವಾಸಿಸುತ್ತಿದ್ದ ಬಾಲಕ, ಮಾರ್ಮೊಟ್ ಅನ್ನು ಬೇಟೆಯಾಡಿ ತಿಂದ ನಂತರ ಅಪರೂಪದ ಬ್ಯಾಕ್ಟೀರಿಯಾದ ಕಾಯಿಲೆಯಿಂದ ಬಳಲುತ್ತಿದ್ದ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಮೃತಪಟ್ಟ ಬಾಲಕನ ಸಂಪರ್ಕಕ್ಕೆ ಬಂದ ಮೊದಲ 15 ಜನರನ್ನು ನಾವು ನಿರ್ಬಂಧಿಸಿದ್ದೇವೆ ಮತ್ತು ಆ 15 ಜನರು ಪ್ರತಿಜೀವಕ ಚಿಕಿತ್ಸೆಯನ್ನು ಪಡೆಯುತ್ತಿದ್ದಾರೆ ಎಂದು ಆರೋಗ್ಯ ಸಚಿವಾಲಯದ ಸಾರ್ವಜನಿಕ ಸಂಪರ್ಕ ವಿಭಾಗದ ಮುಖ್ಯಸ್ಥ ನರೇಂಜ್ರೆಲ್ ಡೋರ್ಜ್ ಸುದ್ದಿಗಾರರಿಗೆ ತಿಳಿಸಿದರು.
ಪ್ರಾಂತ್ಯದ ಐದು ಜಿಲ್ಲೆಗಳನ್ನು ಆರು ದಿನಗಳ ಸಂಪರ್ಕತಡೆಗೆ ಒಳಪಡಿಸಲಾಗಿದೆ. ಈ ತಿಂಗಳ ಆರಂಭದಲ್ಲಿ ಖೋವ್ಡ್ ಪ್ರಾಂತ್ಯದಲ್ಲಿ ಬುಬೊನಿಕ್ ಪ್ಲೇಗ್ನ ಇತರ ಎರಡು ಪ್ರಕರಣಗಳು ದಾಖಲಾಗಿವೆ. 140 ಕ್ಕೂ ಹೆಚ್ಚು ಜನರನ್ನು ಪರೀಕ್ಷಿಸಲಾಗಿದ್ದು, ಇತರ ಯಾವುದೇ ಪ್ರಕರಣಗಳು ಕಂಡುಬಂದಿಲ್ಲ ಎಂದು ಹೇಳಿದರು.
ದನಗಾಹಿಯೊಬ್ಬರು ಚೀನಾದ ಉತ್ತರ ಇನ್ನರ್ ಮಂಗೋಲಿಯಾ ಪ್ರದೇಶದಲ್ಲಿ ಪ್ಲೇಗ್ಗೆ ತುತ್ತಾದರು, ಸ್ಥಳೀಯ ಅಧಿಕಾರಿಗಳು ವರ್ಷದ ಅಂತ್ಯದವರೆಗೆ ಪ್ಲೇಗ್ ಗೆ ತುತ್ತಾಗಬಲ್ಲ ಪ್ರಾಣಿಗಳನ್ನು ಬೇಟೆಯಾಡುವುದು ಮತ್ತು ತಿನ್ನುವುದನ್ನು ನಿಷೇಧಿಸಿದ್ದಾರೆ.
ಸರ್ಕಾರ ಮಾರ್ಮೊಟ್ ತಿನ್ನುವುದನ್ನು ಅಥವಾ ಪ್ರಾಣಿಗಳನ್ನು ಸಮೀಪಿಸುವುದನ್ನು ನಿಷೇಧಿಸಿದ್ದರೂ ಮರ್ಮೋಲಿಯಾದಲ್ಲಿ ಪ್ರತಿವರ್ಷ ಕನಿಷ್ಠ ಒಬ್ಬ ವ್ಯಕ್ತಿಯು ಪ್ಲೇಗ್ನಿಂದ ಸಾವನ್ನಪ್ಪುತ್ತಾನೆ.
ಆದರೆ ಗ್ರಾಮೀಣ ಪ್ರದೇಶಗಳಲ್ಲಿ ಹಲವರು ಮಾರ್ಮೊಟ್ ಅನ್ನು ಬೇಟೆಯಾಡಲು ಮತ್ತು ತಿನ್ನಲು ಬಯಸುತ್ತಾರೆ. ಕೆಲವರು ಅದರ ಒಳಭಾಗವನ್ನು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ನಂಬುತ್ತಾರೆ.
ಕಝಾಕ್ ನ ಜನಾಂಗೀಯ ದಂಪತಿಗಳು ಕಳೆದ ವರ್ಷ ಕಚ್ಚಾ ಮಾರ್ಮೊಟ್ ಮೂತ್ರಪಿಂಡವನ್ನು ಸೇವಿಸಿ ಪ್ಲೇಗ್ನಿಂದ ಮೃತಪಟ್ಟರು.
