26/11 attack : US – ಜಪಾನ್ ನಲ್ಲಿ ಭಾರತೀಯರ ಪ್ರತಿಭಟನೆ – ಪಾಕ್ ರಾಯಭಾರಿ ಕಚೇರಿ ಎದುರು ಘೋಷಣೆ…
26/11 ಮುಂಬೈ ದಾಳಿಯ 14 ವರ್ಷದ ತುಂಬಿರುವ ಹಿನ್ನಲೆಯಲ್ಲಿ ಭಾರತ ಮತ್ತು ವಿದೇಶಗಳಲ್ಲಿರುವ ಭಾರತೀಯರು ದಾಳಿಯಲ್ಲಿ ಪ್ರಾಣ ಕಳೆದುಕೊಂಡವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದರು. ವಿದೇಶದಲ್ಲಿರುವ ಪಾಕಿಸ್ತಾನಿ ರಾಯಭಾರ ಕಚೇರಿಗಳ ಹೊರಗೆ ಸಹ ಪೋಸ್ಟರ್ ಗಳನ್ನ ಪ್ರದರ್ಶಿಸಿದ್ದಾರೆ.
26 ನವೆಂಬರ್ 2008 ರ ರಾತ್ರಿ, ಲಷ್ಕರ್-ಎ-ತೈಬಾದ 10 ಪಾಕಿಸ್ತಾನಿ ಭಯೋತ್ಪಾದಕರು ಭಾರತದ ಮುಂಬೈನಲ್ಲಿರುವ ತಾಜ್ ಹೋಟೆಲ್ ಸೇರಿದಂತೆ 4 ಸ್ಥಳಗಳ ಮೇಲೆ ದಾಳಿ ಮಾಡಿದರು. ಈ ದಾಳಿಯಲ್ಲಿ 160 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದರು, ಇದರಲ್ಲಿ 26 ವಿದೇಶಿಯರು. 300ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.
ಅಮೆರಿಕ ಮತ್ತು ಜಪಾನ್‌ನಲ್ಲಿ ಪ್ರತಿಭಟನೆ
ಯುಎಸ್ ರಾಜಧಾನಿ ವಾಷಿಂಗ್ಟನ್ ಡಿಸಿಯಲ್ಲಿ, ಜನರು ಪಾಕಿಸ್ತಾನಿ ರಾಯಭಾರ ಕಚೇರಿಯ ಹೊರಗೆ ಪ್ರತಿಭಟನೆ ನಡೆಸಿದರು. ಈ ವೇಳೆ ಅಲ್ಲಿದ್ದ ಜನರು ಪಾಕಿಸ್ತಾನದ ವಿರುದ್ಧ ಘೋಷಣೆಗಳನ್ನು ಕೂಗಿದರು. ನ್ಯೂಜೆರ್ಸಿಯಲ್ಲಿರುವ ಪಾಕಿಸ್ತಾನ್ ಸಮುದಾಯ ಕೇಂದ್ರದಲ್ಲಿ, ಹೂಸ್ಟನ್‌ನಲ್ಲಿ ಮತ್ತು ಚಿಕಾಗೋದಲ್ಲಿರುವ ಪಾಕಿಸ್ತಾನ್ ಕಾನ್ಸುಲೇಟ್‌ನ ಮುಂದೆಯೂ ಸಹ ಪ್ರತಿಭಟನೆಗಳು ನಡೆದವು. ಅಂತೆಯೇ, ಜಪಾನ್ ರಾಜಧಾನಿ ಟೋಕಿಯೊದಲ್ಲಿರುವ ಪಾಕಿಸ್ತಾನ ರಾಯಭಾರ ಕಚೇರಿಯ ಹೊರಗೆ ಜನರು ಪ್ರತಿಭಟನೆ ನಡೆಸಿದರು. ಇಲ್ಲಿಯೂ ಜನರು ಪಾಕಿಸ್ತಾನ ಮತ್ತು ಭಯೋತ್ಪಾದನೆಯ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಾರೆ.
ಪಾಕಿಸ್ತಾನದ ವಿರುದ್ಧ ಅಂತಾರಾಷ್ಟ್ರೀಯ ಸಮುದಾಯ ಧ್ವನಿ ಎತ್ತುವಂತೆ ಪ್ರತಿಭಟನಾಕಾರರೊಬ್ಬರು ಒತ್ತಾಯಿಸಿದರು. ಭಯೋತ್ಪಾದನೆಯನ್ನು ಕ್ಯಾನ್ಸರ್ ಎಂದು ಬಣ್ಣಿಸಿದ ಅವರು – ಜಗತ್ತಿನಲ್ಲಿ ಇಲ್ಲಿಯವರೆಗೆ ನಡೆದ ಎಲ್ಲಾ ಭಯೋತ್ಪಾದಕ ದಾಳಿಗಳು ಒಂದಲ್ಲ ಒಂದು ರೀತಿಯಲ್ಲಿ ಪಾಕಿಸ್ತಾನದೊಂದಿಗೆ ಸಂಪರ್ಕ ಹೊಂದಿವೆ. ಇದನ್ನೆಲ್ಲ ನಿಲ್ಲಿಸಬೇಕು. 9/11 ರಂದು ನ್ಯೂಯಾರ್ಕ್‌ನಲ್ಲಿ ಇದೇ ರೀತಿಯ ದಾಳಿ ಸಂಭವಿಸಿದೆ ಎಂದು ಹೇಳಿದ್ದಾರೆ.
26/11 attack : US – Protest by Indians in Japan – Declaration in front of Pakistan Embassy…
