ಕೇಂದ್ರ ಸರ್ಕಾರವು ಟೊಮೆಟೋ ರಿಯಾಯಿತಿ ದರವನ್ನು ಕೆಜಿಗೆ 80 ರೂ.ಗೆ ಬದಲಾಗಿ 70 ರೂ.ಗೆ ತಗ್ಗಿಸಲಾಗಿದೆ. ಈ ದರ ಇಂದಿನಿಂದ ಜಾರಿಗೆ ಬರಲಿದೆ.
ದೇಶದಾದ್ಯಂತ ಟೊಮೆಟೋ ದರವು ಗಗನಕ್ಕೆ ಏರಿಕೆ ಕಂಡಿತ್ತು. ಹೀಗಾಗಿ ಕಳೆದ ಶುಕ್ರವಾರದಿಂದ ಕೇಂದ್ರ ಸರ್ಕಾರವು ರಿಯಾಯಿತಿ ದರದಲ್ಲಿ ಟೊಮೆಟೋ ಮಾರಾಟ ಆರಂಭಿಸಿದೆ. ನಾಫೆಡ್ ಮತ್ತು ಎನ್ ಸಿಸಿಎಫ್ ಸಂಸ್ಥೆಗಳು ಸರ್ಕಾರದ ಪರವಾಗಿ ಟೊಮೆಟೋ ಮಾರಾಟ ಮಾಡುತ್ತಿವೆ. ಟೆಮೆಟೋ ದರವು ಇಳಿಕೆ ಕಾಣುತ್ತಿರುವುದರಿಂದ ಜುಲೈ 20ರಿಂದ ಕೆಜಿಗೆ 70 ರೂ.ನಂತೆ ಮಾರಾಟ ಮಾಡಲು ನಾಫೆಡ್ ಮತ್ತು ಎನ್ ಸಿಸಿಎಫ್ ಗೆ ಗ್ರಾಹಕ ವ್ಯವಹಾರಗಳ ಇಲಾಖೆ ಸೂಚನೆ ನೀಡಿದೆ.
ಜುಲೈ 16ರಂದು ಟೊಮೆಟೋ ದರವನ್ನು 90 ರೂ. ನಿಂದ 80 ರೂ.ಗೆ ತಗ್ಗಿಸಲಾಗಿತ್ತು. ಇಲಾಖೆಯ ಸೂಚನೆಯಂತೆ ನಾಫೆಡ್ ಹಾಗೂ ಎನ್ ಸಿಸಿಎಫ್ ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ಮಹಾರಾಷ್ಟ್ರದಿಂದ ಟೊಮೆಟೋ ಖರೀದಿಸಲಾಗುತ್ತಿದೆ.
