ಕೋವಿಡ್ ವಿರುದ್ಧ ಹೋರಾಡಲು ವಿಟಮಿನ್ ಡಿ ಪರಿಣಾಮಕಾರಿ ಗೊತ್ತಾ?

ಕೋವಿಡ್ ವಿರುದ್ಧ ಹೋರಾಡಲು ವಿಟಮಿನ್ ಡಿ ಪರಿಣಾಮಕಾರಿ ಗೊತ್ತಾ?

ವಿಟಮಿನ್ ಡಿ ಅನ್ನು ಇಲ್ಲಿಯವರೆಗೆ ಮೂಳೆಗಳು, ಹಲ್ಲುಗಳು ಮತ್ತು ಸ್ನಾಯುಗಳನ್ನು ಬಲಪಡಿಸಲು ಮತ್ತು ಆರೋಗ್ಯಕರವಾಗಿಡಲು ನೆರವಾಗುತ್ತದೆ ಎಂದು ಹೇಳಲಾಗಿತ್ತು. ಆದರೆ ಕೊರೋನಾ ಸಾಂಕ್ರಾಮಿಕ ಸಮಯದಲ್ಲಿ ನಡೆಸಿದ ಸಂಶೋಧನೆಯಲ್ಲಿ, ಇದು ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ಕೋವಿಡ್ -19 ನಂತಹ ವೈರಸ್‌ಗಳ ವಿರುದ್ಧ ಹೋರಾಡಲು ಸಹ ಬಹಳ ಪರಿಣಾಮಕಾರಿ ಎಂದು ಕಂಡುಬಂದಿದೆ. ಚಿಕಾಗೊ ಮೆಡಿಸಿನ್ ವಿಶ್ವವಿದ್ಯಾನಿಲಯದ ನೇತೃತ್ವದ ಸಂಶೋಧಕರ ತಂಡ ಡಾ. ಡೇವಿಡ್ ಮೆಲ್ಟ್ಜರ್ ಈ ಕುರಿತು ಅಧ್ಯಯನ ಮಾಡಿದ್ದಾರೆ.

ಸಾಮಾನ್ಯ ಮಟ್ಟದ ವಿಟಮಿನ್ ಡಿ ಇರುವವರಿಗಿಂತ ವಿಟಮಿನ್ ಡಿ ಕೊರತೆಯಿರುವ ಜನರು ವೈರಸ್‌ಗೆ ತುತ್ತಾಗುವ ಸಾಧ್ಯತೆ ಎರಡು ಪಟ್ಟು ಹೆಚ್ಚಿದೆ ಎಂದು ಸಂಶೋಧನೆಯು ಕಂಡುಹಿಡಿದಿದೆ. ವಿಟಮಿನ್ ಡಿ ಕೊರತೆಯಿರುವ ಜನರು 1.77 ಪಟ್ಟು ಹೆಚ್ಚು ಕೋವಿಡ್ -19 ಸೋಂಕಿಗೆ ತುತ್ತಾಗುತ್ತಾರೆ ಎಂದು ಸಂಶೋಧನೆಯು ಕಂಡುಹಿಡಿದಿದೆ.

ಉತ್ತರ ಪ್ರದೇಶದಲ್ಲಿ ಮೂರನೇ ಬಾರಿ ಅಧಿಕಾರಕ್ಕೆ ಬಿಜೆಪಿ ತಂತ್ರ: ‘ಮಿಷನ್ ಯುಪಿ 2027’

March 12, 2026

ಯುದ್ಧದ ಹಿನ್ನೆಲೆ: IPL ಪಂದ್ಯಗಳು ಮುಂದೂಡಿಕೆ ಸಾಧ್ಯತೆ?

March 12, 2026

ವಿಜ್ಞಾನಿಗಳು ಹೇಳುವಂತೆ ವಿಟಮಿನ್ ಡಿ ಅನ್ನು ನಿಯಮಿತ ಆಹಾರದಲ್ಲಿ ಸೇವಿಸಿದರೆ, ಅದು ಕೊರೋನಾದಿಂದ ರಕ್ಷಿಸುವಲ್ಲಿ ನಮಗೆ ಸಹಾಯ ಮಾಡುತ್ತದೆ. ವಿಜ್ಞಾನಿಗಳು ವಿಟಮಿನ್ ಡಿ ಕೊರತೆಯಿರುವ ಜನರು ಕೊರೋನವೈರಸ್ ಸೋಂಕಿಗೆ ಒಳಗಾಗುವ ಅಪಾಯವನ್ನು ಹೆಚ್ಚು ಹೊಂದಿದ್ದಾರೆ ಎಂದು ಹೇಳಿದ್ದಾರೆ.

ವಿಟಮಿನ್ ಡಿ ಎಂದರೇನು

ವಿಟಮಿನ್ ಡಿ ಕೊಬ್ಬಿನಲ್ಲಿ ಕರಗುವ ವಿಟಮಿನ್ ಆಗಿದ್ದು ದೇಹವು ಇದನ್ನು ಹೀರಿಕೊಳ್ಳುತ್ತದೆ ಮತ್ತು ಆರೋಗ್ಯವಾಗಿರಲು ನೆರವಾಗುತ್ತದೆ. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು, ಹಲ್ಲುಗಳು, ಸ್ನಾಯುಗಳು ಮತ್ತು ಮೂಳೆಗಳನ್ನು ಬಲಪಡಿಸುವುದು, ಹೃದಯ ವೈಫಲ್ಯ, ಮಧುಮೇಹ ಮುಂತಾದವುಗಳಿಂದ ಕಾಪಾಡುವುದು ಮತ್ತು ಇದು ಕ್ಯಾನ್ಸರ್ ನಂತಹ ಗಂಭೀರ ರೋಗಗಳಿಂದ ನಮ್ಮನ್ನು ದೂರವಿರಿಸುತ್ತದೆ.

ವಿಟಮಿನ್ ಡಿ ಪೂರೈಸುವುದು ಹೇಗೆ

ಹೆಲ್ತ್‌ಲೈನ್ ಪ್ರಕಾರ, ನಾವು ಸೂರ್ಯನ ಬೆಳಕಿಗೆ ಒಡ್ಡಿಕೊಂಡಾಗ, ದೇಹವು ತನ್ನದೇ ಆದ ವಿಟಮಿನ್ ಡಿ ತಯಾರಿಸಲು ಪ್ರಾರಂಭಿಸುತ್ತದೆ. ಈ ವಿಟಮಿನ್ ಅನ್ನು ಸನ್ಶೈನ್ ವಿಟಮಿನ್ ಎಂದು ಕರೆಯಲು ಇದೇ ಕಾರಣ. ಆದಾಗ್ಯೂ, ವಿಟಮಿನ್ ಡಿ ಇರುವ ಕೆಲವು ಆಹಾರಗಳಿವೆ. ಉದಾಹರಣೆಗೆ, ಸಾಲ್ಮನ್, ಲಿವರ್ ಆಯಿಲ್, ಮೊಟ್ಟೆಯ ಹಳದಿ, ಅಣಬೆಗಳು, ಹಸುವಿನ ಹಾಲು, ಸೋಯಾಬೀನ್ ಹಾಲು, ಕಿತ್ತಳೆ ರಸ, ಓಟ್ ಮೀಲ್ ಇತ್ಯಾದಿಗಳನ್ನು ಸೇವಿಸುವ ಮೂಲಕ ವಿಟಮಿನ್ ಡಿ ದೇಹಕ್ಕೆ ಪೂರೈಕೆಯಾಗಬಹುದು.

ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್‌ ಪಡೆಯುವುದನ್ನು ಮರೆಯದಿರಿ. ಇದು ‌ಸಾಕ್ಷಾಟಿವಿ ಕಳಕಳಿ.