ಸೂಪರ್ 1 2ನಲ್ಲಿ ವೀಕ್ ಡೇ ಡಬಲ್ ಧಮಾಕಾ, ಪಾಕ್ VS ನ್ಯೂಜಿಲೆಂಡ್ ಮ್ಯಾಚ್ ಮೇಲೆ ಟೀಮ್ ಇಂಡಿಯಾ ಕಣ್ಣು
ಟಿ20 ವಿಶ್ವಕಪ್ ನ ಸೂಪರ್ 12 ಪಂದ್ಯಗಳು ದಿನದಿಂದ ದಿನಕ್ಕೆ ಕುತೂಹಲ ಹೆಚ್ಚಿಸುತ್ತಿವೆ. ವೀಕ್ ಡೇ ನಲ್ಲೂ ಐಸಿಸಿ ಎರಡೆರಡು ಮ್ಯಾಚ್ ಗಳನ್ನು ನಡೆಸುತ್ತಿದೆ. ಶಾರ್ಜಾ ಮತ್ತು ದುಬೈನಲ್ಲಿ ಎರಡು ಪಂದ್ಯಗಳು ನಡೆಯಲಿವೆ.ಮಂಗಳವಾರದ ಮೊದಲ ಪಂದ್ಯ
ದಕ್ಷಿಣ ಆಫ್ರಿಕಾ VS ವೆಸ್ಟ್ ಇಂಡೀಸ್
ದುಬೈ ಇಂಟರ್ ನ್ಯಾಷನಲ್ ಸ್ಟೇಡಿಯಂ
ಸಮಯ: ಸಂಜೆ 3.30
ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್ ತಂಡಗಳು ಮೊದಲ ಪಂದ್ಯವನ್ನು ಸೋತಿದೆ. ದಕ್ಷಿಣ ಆಫ್ರಿಕಾ ಆಸ್ಟ್ರೇಲಿಯಾ ವಿರುದ್ಧ ಪಂದ್ಯವನ್ನು ಸೋತಿದ್ದರೆ ಹಾಲಿ ಚಾಂಪಿಯನ್ ವೆಸ್ಟ್ ಇಂಡೀಸ್ ಇಂಗ್ಲೆಂಡ್ ವಿರುದ್ಧ ಹೀನಾಯವಾಗಿ ಸೋತಿತ್ತು. ಈ ಎರಡು ತಂಡಗಳ ಪೈಕಿ ಯಾವ ತಂಡ ಸೋಲುತ್ತದೆಯೋ ಆ ತಂಡ ಟೂರ್ನಿಗೆ ಗುಡ್ ಬೈ ಹೇಳುವುದು ಬಹುತೇಕ ಖಚಿತವಾಗಿದೆ. ದಕ್ಷಿಣ ಆಫ್ರಿಕಾ ತಂಡ ಆಸ್ಟ್ರೇಲಿಯಾ ವಿರುದ್ಧ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿತ್ತು. ಬೌಲಿಂಗ್ ನಲ್ಲಿ ಮಿಂಚಿತ್ತು. ಈಗ ಸಾಂಘೀಕವಾಗಿ ಹೋರಾಟ ಮಾಡಬೇಕಿದೆ. ವೆಸ್ಟ್ ಇಂಡೀಸ್ ಬಿಗ್ ಹಿಟ್ಟರ್ ಗಳ ಲೈನ್ ಅಪ್ ಅನ್ನೇ ಹೊಂದಿದ್ದರೂ ಇಂಗ್ಲೆಂಡ್ ವಿರುದ್ಧ 55 ರನ್ಗಳಿಗೆ ಆಲೌಟ್ ಆಗಿತ್ತು. ಹೀಗಾಗಿ ವೆಸ್ಟ್ ಇಂಡೀಸ್ ಕೂಡ ಸಾಂಘೀಕ ಹೋರಾಟ ಮಾಡಬೇಕಾಗಿದೆ,
ಮಂಗಳವಾರದ 2ನೇ ಮ್ಯಾಚ್
ಪಾಕಿಸ್ತಾನ VS ನ್ಯೂಜಿಲೆಂಡ್
ಶಾರ್ಜಾ ಕ್ರಿಕೆಟ್ ಗ್ರೌಂಡ್
ಸಮಯ: ರಾತ್ರಿ 7.30
ಎರಡನೇ ಪಂದ್ಯ ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನದ ನಡುವೆ ಶಾರ್ಜಾದಲ್ಲಿ ನಡೆಯಲಿದೆ. ಪಾಕಿಸ್ತಾನ ಭಾರತದ ವಿರುದ್ಧ ಪಂದ್ಯವನ್ನು ಭರ್ಜರಿಯಾಗಿ ಗೆದ್ದಿದೆ. ಕಿವೀಸ್ ವಿರುದ್ಧ ಗೆದ್ದರೆ ಒತ್ತಡ ಕಡಿಮೆ ಆಗಲಿದೆ. ಒಂದು ವೇಳ ನ್ಯೂಜಿಲೆಂಡ್ ಗೆದ್ದರೆ ಭಾರತಕ್ಕೆ ಖುಷಿಯಾಗಲಿದೆ. ಹೀಗಾಗಿ ಭಾರತ, ಪಾಕ್ ಮತ್ತು ನ್ಯೂಜಿಲೆಂಡ್ ನಡುವಿನ ಪಂದ್ಯವನ್ನು ಗಮನವಿಟ್ಟು ನೋಡಲಿದೆ. ಒಟ್ಟಿನಲ್ಲಿ ಮಂಗಳವಾರದ ಡಬಲ್ ಧಮಾಕಾ ಸಖತ್ ಇಂಟರೆಸ್ಟಿಂಗ್ ಆಗಿ ಇರಲಿದೆ.
