ಅಂತಿಮ್ ಟ್ರೇಲರ್ ಬಿಡುಗಡೆ – ಸಲ್ಮಾನ್ ಕಟ್ಟುಮಸ್ತು ದೇಹಕ್ಕೆ ಫ್ಯಾನ್ಸ ಫಿದಾ..
ಸಲ್ಮಾನ್ ಅಭಿನಯದ ಬಹು ನಿರಿಕ್ಷಿತ ಚಿತ್ರ ಅಂತಿಮ್ – ದ ಫೈನಲ್ ಟ್ರೂಥ್ ಟ್ರೇಲರ್ ನಿನ್ನೆ ಸಂಜೆ ಬಿಡುಗಡೆಯಾಗಿದ್ದು ಯೂಟ್ಯೂಬ್ ನಲ್ಲಿ ಭರ್ಜರಿಯಾಗಿ ಮುನ್ನುಗ್ಗುತ್ತಿದೆ. ಖಡಕ್ ಪೊಲೀಸ್ ಪಾತ್ರದಲ್ಲಿ ಸಲ್ಲು ಮಿಂಚುತ್ತಿದ್ದು ದೇಹ ಹುರಿಗೊಳಿಸಿರುವ ರೀತಿ ನೋಡಿ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ಆಯುಷ್ ಶರ್ಮಾ ಎಂಬ ಯುವ ನಟ ವಿಲನ್ ಪಾತ್ರದಲ್ಲಿ ನಟಿಸಿದ್ದು, ಸರ್ದಾರ್ ಆಗಿರುವ ಸಲ್ಮಾನ್ ಖಾನ್ ರಾಜಕೀಯ ಒತ್ತಡದ ನಡುವೆ ವಿಲನ್ ಅನ್ನು ನಿರ್ನಾಮ ಮಾಡುವ ಕತೆಯನ್ನು ‘ಅಂತಿಮ್’ ಸಿನಿಮಾ ಹೊಂದಿದೆ. ಸಿನಿಮಾದಲ್ಲಿ ಭೂಕಬಳಿಕೆ, ರಿಯಲ್‌ ಎಸ್ಟೇಟ್ ರೌಡಿಸಂ ವಿಷಯಗಳ ಮೇಲೂ ಬೆಳಕು ಚೆಲ್ಲಲಾಗಿದೆ.
3 ನಿಮಿಷಕ್ಕೂ ಹೆಚ್ಚಿನ ಅವಧಿಯ ಟ್ರೇಲರ್ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿದ್ದು, ಟ್ರೇಲರ್‌ನಲ್ಲಿ ಸಲ್ಮಾನ್ ಖಾನ್ ಅಷ್ಟೆ ವಿಲನ್ ಆಯುಷ್ ಶರ್ಮಾ ಸಹ ಗಮನ ಸೆಳೆಯುತ್ತಿದ್ದಾರೆ. ಸಲ್ಮಾನ್ ಖಾನ್‌ರಷ್ಟೆ ಫವರ್‌ ಫುಲ್ ಸಂಭಾಷಣೆಗಳು ವಿಲನ್‌ಗೂ ಇರುವುದು ಟ್ರೇಲರ್‌ನಲ್ಲಿ ಗೊತ್ತಾಗುತ್ತಿದೆ.
ಈ ಚಿತ್ರಕ್ಕೆ ನಮ್ಮಕನ್ನಡಿಗ ಕೆಜಿಎಫ್ ಖ್ಯಾತಿಯ ರವಿ ಬಸ್ರೂರ್ ಸಂಗೀತ ನಿರ್ದೇಶನ ಮಾಡಿದ್ದು, ಹಿನ್ನಲೆ ಸಂಗೀತಕ್ಕೆ ಸಾಕಷ್ಟು ಮೆಚ್ಚುಗೆಯನ್ನ ಗಳಸಿಕೊಳ್ಳುತ್ತಿದ್ದಾರೆ.
