ದುಬೈನಲ್ಲಿ ಸ್ಕಾಟ್ಲೆಂಡ್- ನಮಿಬಿಯಾ ಮ್ಯಾಚ್, ಮತ್ತೊಂದು ಶಾಕಿಂಗ್ ರಿಸಲ್ಟ್ ಕೊಡುತ್ತಾ ಕ್ರಿಕೆಟ್ ಶಿಶು ನಮಿಬಿಯಾ..?
ಅರ್ಹತಾ ಸುತ್ತಿನಲ್ಲಿ ನೆದರ್ಲೆಂಡ್ ಮತ್ತು ಐರ್ಲೆಂಡ್ಗೆ ಶಾಕ್ ನೀಡಿದ್ದ ನಮೀಬಿಯ ಮತ್ತೊಂದು ಅಪ್ಸೆಟ್ ರಿಸಲ್ಟ್ ನೀಡುವ ಗುರಿ ಇಟ್ಟುಕೊಂಡಿದೆ. ಕ್ರಿಕೆಟ್ ಶಿಶು ಎಂದೇ ಕರೆಸಿಕೊಳ್ಳುವ ನಮಿಬಿಯಾ ಟಿ20 ವಿಶ್ವಕಪ್ ನಲ್ಲಿ ಜೈಂಟ್ ಕಿಲ್ಲರ್ ಆಗಿ ಮಿಂಚುತ್ತಿದೆ. ಅರ್ಹತಾ ಸುತ್ತಿನಲ್ಲಿ ಭರ್ಜರಿ ಪ್ರದರ್ಶನ ನೀಡುವ ಮೂಲಕ ಸೂಪರ್ 12 ಪ್ರವೇಶಿಸಿರುವ ನಮಿಬಿಯಾ ಈಗ ಸ್ಕಾಟ್ಲೆಂಡ್ ವಿರುದ್ಧದ ಪಂದ್ಯಕ್ಕೆ ಸಜ್ಜಾಗಿದೆ.
ದುಬೈನಲ್ಲಿ ನಡೆಯುವ ಈ ಮ್ಯಾಚ್ ಬಿ ಗ್ರೂಪ್ನ ಲೊ ಪ್ರೊಫೈಲ್ ಮ್ಯಾಚ್. ಆದರೆ ಎಲ್ಲಾ ತಂಡಗಳ ಕಣ್ಣು ನಮಿಬಿಯಾದ ತಾಕತ್ ಮೇಲಿರಲಿದೆ. ಮೊದಲ ಪಂದ್ಯವನ್ನು ಅಫ್ಘಾನಿಸ್ತಾನದ ವಿರುದ್ಧ ಹೀನಾಯವಾಗಿ ಸೋತಿರುವ ಸ್ಕಾಟ್ಲೆಂಡ್ ನಮಿಬಿಯಾ ವಿರುದ್ಧ ಮಿಂಚಿನ ಆಟ ಆಡುವ ನಿರೀಕ್ಷೆ ಇಟ್ಟುಕೊಂಡಿದೆ. ನಮಿಬಿಯಾ ಟಿ20 ವಿಶ್ವಕಪ್ನಲ್ಲಿ ಈಗಾಗಲೇ ದೊಡ್ಡ ಸಾಧನೆ ಮಾಡಿಯಾಗಿದೆ. ಇನ್ನೇನಿದ್ದರೂ ನಮಿಬಿಯಾ ಅನುಭವಕ್ಕಾಗಿ ಆಡಲಿದೆ. ಒಟ್ಟಿನಲ್ಲಿ ಸ್ಕಾಟ್ ಲೆಂಡ್ ಮತ್ತು ನಮಿಬಿಯಾ ವಿರುದ್ಧದ ಪಂದ್ಯ ಅಂಕಪಟ್ಟಿಯಲ್ಲಿ ಹೆಚ್ಚು ವ್ಯತ್ಯಾಸ ಮಾಡಲಾರದು.
