ಮಂಗಳೂರು : ಕೊರೊನಾದಿಂದ ವಿದೇಶದಲ್ಲಿ ಸಿಲುಕಿಕೊಂಡಿರುವ ಭಾರತೀಯರನ್ನು ಸ್ವದೇಶಕ್ಕೆ ಕರೆತರುವ ಐತಿಹಾಸಿಕ ಏರ್ ಲಿಫ್ಟ್ ಕಾರ್ಯ ನಿನ್ನೆಯಿಂದ ಆರಂಭವಾಗಿದೆ. ಭಾರತದ ಈ ಏರ್ ಲಿಫ್ಟ್ ಕಾರ್ಯದಲ್ಲಿ ಮಂಗಳೂರು ಮೂಲದ ಪೈಲೆಟ್ ಒಬ್ಬರು ಭಾಗಿಯಾಗಿದ್ದಾರೆ.
ಜಗತ್ತಿನ ಅತಿದೊಡ್ಡ ಏರ್ ಲಿಫ್ಟ್ ನ ಮೊದಲ ಭಾಗವಾಗಿ ಅಬುದಾಬಿಯಿಂದ ಹೊರಟ ಮೊದಲ ವಿಮಾನದಲ್ಲಿ 177 ಭಾರತೀಯ ಪ್ರಜೆಗಳು ಕೊಚ್ಚಿ ತಲುಪಿದ್ದಾರೆ. ಏರ್ ಇಂಡಿಯಾ ವಿಮಾನ 6.45 ಕ್ಕೆ ಅಬುಧಾಬಿಯಿಂದ ಹೊರಟಿದ್ದು, ಕೊಚ್ಚಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು 10.17 ಕ್ಕೆ ತಲುಪಿದೆ. 177 ಪ್ರಯಾಣಿಕರಲ್ಲಿ ನಾಲ್ಕು ಮಕ್ಕಳ ಸಹಿತ , ಬಹುತೇಕರು ಗರ್ಭಿಣಿಯರು, ವೃದ್ದರು ಇದ್ದು ಭಾರತ ಸರಕಾರದ ಉಪಕಾರವನ್ನು ಹರ್ಷದಿಂದ ಕೊಂಡಾಡಿದ್ದಾರೆ. ಅಬುಧಾಬಿಯಿಂದ ಹೊತ್ತು ತಂದ ಮೊದಲ ಏರ್ ಇಂಡಿಯಾ ವಿಮಾನದ ಪೈಲಟ್ ಆಗಿ ಮಂಗಳೂರಿನ ಕ್ಯಾ. ಮೈಕಲ್ ಸಲ್ಡನಾ ಕಾರ್ಯನಿರ್ವಹಿಸಿದ್ದರು.
