1055 ದಿನಗಳಾಗಿವೆ.. ಪಕ್ಕಾ ಸೆಂಚುರಿ ಹೊಡೆಯುವೆ..
ಟೀಂ ಇಂಡಿಯಾ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ಶತಕ ಸಿಡಿಸಿ ಇಂದಿಗೆ 1055 ದಿನಗಳು ಕಳೆದಿವೆ.
2019ರ ಜನವರಿಯಲ್ಲಿ ಸಿಡ್ನಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಪೂಜಾರ ಕೊನೆಯದಾಗಿ ಶತಕ ಸಿಡಿಸಿದ್ದರು.
ಅಂದಿನಿಂದ ಇಂದಿನವರೆಗೆ ಆಡಿರುವ 22 ಟೆಸ್ಟ್ ಪಂದ್ಯಗಳಲ್ಲಿ ಪೂಜಾರಾ ಒಂದೇ ಒಂದು ಶತಕ ದಾಖಲಿಸಿಲ್ಲ.
ಇದೀಗ ನವೆಂಬರ್ 25ರಿಂದ ಕಿವೀಸ್ ವಿರುದ್ಧ ಟೆಸ್ಟ್ ಸರಣಿ ಆರಂಭವಾಗಲಿದ್ದು, ಮೊದಲ ಟೆಸ್ಟ್ ಪಂದ್ಯದಲ್ಲಿ ಖಂಡಿತ ಶತಕ ಸಿಡಿಸುತ್ತೇನೆ ಎಂದು ಪೂಜಾರ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಮೊದಲ ಟೆಸ್ಟ್ ಪಂದ್ಯಕ್ಕಾಗಿ ಟೀಂ ಇಂಡಿಯಾ ಸದ್ಯ ತಾಲೀಮು ಆರಂಭಿಸಿದ್ದು, ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿರುವ ಪೂಜಾರ, ‘ನನ್ನ ಟೆಸ್ಟ್ ವೃತ್ತಿಜೀವನದಲ್ಲಿ ಶತಕಕ್ಕಾಗಿ ಇಷ್ಟು ಸಮಯ ತೆಗೆದುಕೊಂಡಿರುವುದು ಇದೇ ಮೊದಲು.
ಇತ್ತೀಚಿನ ಪಂದ್ಯಗಳಲ್ಲಿ 50-60 ರನ್ ಗಳಿಸಿದ್ದೇನೆ. ಈ ಬಾರಿ ಖಂಡಿತಾ ಶತಕ ಬಾರಿಸಲು ಪ್ರಯತ್ನಿಸುತ್ತೇನೆ. ತವರಿನಲ್ಲಿ ಕಿವೀಸ್ ವಿರುದ್ಧದ ಟೆಸ್ಟ್ ಸರಣಿ ಸಕಾರಾತ್ಮಕವಾಗಿದೆ.
ಪಿಚ್ ಪರಿಸ್ಥಿತಿಗಳು ನಮಗೆ ಅನುಕೂಲಕರವಾಗಿವೆ. ಉತ್ತಮ ಇನ್ನಿಂಗ್ಸ್ನೊಂದಿಗೆ ನಿಂತರೆ ಸಾಕು. ಬ್ಯಾಟಿಂಗ್ ತಂತ್ರದಲ್ಲಿ ಯಾವುದೇ ದೊಡ್ಡ ಬದಲಾವಣೆಗಳಿಲ್ಲ.
ಇನ್ನು ರಹಾನೆ ವಿಷಯದಲ್ಲೂ ಇದೇ ಪರಿಸ್ಥಿತಿ. ಪ್ರತಿ ಆಟಗಾರ ಕೆರಿಯರ್ ನಲ್ಲಿ ಕಷ್ಟದ ಕಾಲ ಅಂತ ಇದ್ದೇ ಇರುತ್ತದೆ. ರಹಾನೆ ಶ್ರೇಷ್ಠ ಆಟಗಾರ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ.
ಸದ್ಯ ರಹಾನೆ ಆಟದಲ್ಲಿ ಏರಿಳಿತಗಳಿವೆ. ಆದರೆ ಆತನ ಮೇಲೆ ನನಗೆ ನಂಬಿಕೆ ಇದೆ. ಆತ ಕಷ್ಟಪಡುವ ತತ್ವವೇ ರನ್ ಗಳು ಬರುವಂತೆ ಮಾಡುತ್ತದೆ.
ರಹಾನೆ ಫಾರ್ಮ್ ಗೆ ಬರಲು ಒಂದು ಇನ್ನಿಂಗ್ಸ್ ಸಾಕು. ಒಮ್ಮೆ ಲಯಕ್ಕೆ ಬಂದರೇ ಹಿಂದುರುಗಿ ನೋಡುವ ಪ್ರಮಯವೇ ಇಲ್ಲ ಎಂದಿದ್ದಾರೆ ಪೂಜಾರಾ.
