ವಾರೆವ್ಹಾ ಹಸರಂಗ… ಸೂಪರ್ ಫೀಲ್ಡಿಂಗ್ wanindu-hasaranga saaksha tv
ಟಿ20 ವಿಶ್ವಕಪ್-2021 ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನದಿಂದ ಎಲ್ಲರ ಮೆಚ್ಚುಗೆಗೆ ಪಾತ್ರರಾದ ಶ್ರೀಲಂಕಾ ಆಲ್ ರೌಂಡರ್ ವನಿಂದು ಹಸರಂಗ ಸದ್ಯ ಅಬುಧಾಬಿಯಲ್ಲಿ ನಡೆಯುತ್ತಿರುವ ಟಿ 10 ಲೀಗ್ ಬ್ಯುಸಿಯಾಗಿದ್ದಾರೆ.
ಈ ಟೂರ್ನಿಯಲ್ಲಿ ಡೆಕ್ಕನ್ ಗ್ಲಾಡಿಯೇಟರ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ಹಸರಂಗ ಅವರು ತಮ್ಮ ಆಲ್ ರೌಂಡ್ ಪ್ರದರ್ಶನದ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.
ಅದರಲ್ಲೂ ಚೆನ್ನೈ ಬ್ರೇವ್ಸ್ ವಿರುದ್ಧದ ಪಂದ್ಯದಲ್ಲಿ ಹಸರಂಗಾ ಅವರ ಪಾದರಸದಂತಹ ಫೀಲ್ಡಿಂಗ್ ಗೆ ಇಡೀ ಕ್ರಿಕೆಟ್ ಜಗತ್ತು ಶಹಬ್ಬಾಶ್ ಎನ್ನುತ್ತಿದೆ.
ಅಬುಧಾಬಿಯ ಶೇಖ್ ಜಾಯೆದ್ ಸ್ಟೇಡಿಯಂನಲ್ಲಿ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ಡೆಕ್ಕನ್ ಗ್ಲಾಡಿಯೇಟರ್ಸ್, ಚೆನ್ನೈ ಬ್ರೇವ್ಸ್ ತಂಡವನ್ನು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿತು.
ಈ ಅನುಕ್ರಮದಲ್ಲಿ ಡೇವಿಡ್ ವೀಜ್ ಬೌಲಿಂಗ್ ನಲ್ಲಿ ಆರಂಭಿಕ ಮೊಹಮ್ಮದ್ ಶೆಹಜಾದ್ ಬಿಗ್ ಶಾಟ್ ಹೊಡೆದರು.
ಇನ್ನೇನು ಬಾಲ್ ಬೌಂಡರ್ ಲೈನ್ ದಾಟಿ ಸಿಕ್ಸರ್ ಹೋಗಲಿದೆ ಅನ್ನುವಷ್ಟರಲ್ಲಿ ಮಿಂಚಿನಂತೆ ಬಂದ ಹಸರಂಗ ಚೆಂಡನ್ನು ಮತ್ತೆ ಮೈದಾನದ ಒಳಗೆ ಎಸೆದರು.
ಆ ಮೂಲಕ ತಂಡಕ್ಕೆ ಐದು ರನ್ ಗಳನ್ನು ಸೇವ್ ಮಾಡಿದರು.
ಈ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
