ಸಿರಾಜ್ ಈಗ ಟೀಂ ಇಂಡಿಯಾದ ರೊನಾಲ್ಡೊ.. Siraj saaksha tv
ದಕ್ಷಿಣ ಆಫ್ರಿಕಾ ವಿರುದ್ಧ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಸದ್ಯಕ್ಕೆ ಉತ್ತಮ ಸ್ಥಿತಿಯಲ್ಲಿದೆ, ಮೊದಲ ಇನ್ನಿಂಗ್ಸ್ ನಲ್ಲಿ 325 ರನ್ ಗಳಿಗೆ ಭಾರತ ತಂಡ ಆಲೌಟ್ ಆಗಿತ್ತು.
ಇದಕ್ಕೆ ಉತ್ತರವಾಗಿ ಫಸ್ಟ್ ಇನ್ನಿಂಗ್ಸ್ ಆರಂಭಿಸಿದ ದಕ್ಷಿಣ ಆಫ್ರಿಕಾ 197 ರನ್ ಗಳಿಗೆ ಸರ್ವಪತನ ಕಂಡಿತು.
ಇದರೊಂದಿಗೆ ಟೀಂ ಇಂಡಿಯಾ 130 ರನ್ ಗಳ ಲೀಡ್ ಪಡೆದುಕೊಂಡು ದ್ವಿತೀಯ ಇನ್ನಿಂಗ್ಸ್ ಆರಂಭಿಸಿದೆ. ಸದ್ಯ ರಾಹುಲ್ ಮತ್ತು ಶರ್ದೂಲ್ ಠಾಕೂರ್ ಕ್ರೀಸ್ ನಲ್ಲಿದ್ದು, ಟೀಂ ಇಂಡಿಯಾ 1 ವಿಕೆಟ್ ಕಳೆದುಕೊಂಡು 16 ರನ್ ಗಳಿಸಿದೆ.
ಈ ಮಧ್ಯೆ ದಕ್ಷಿಣ ಆಫ್ರಿಕಾದ ಮೊದಲ ಇನ್ನಿಂಗ್ಸ್ ನಲ್ಲಿ ಒಂದು ಆಸಕ್ತಿಕರ ಘಟನೆ ನಡೆದಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಟೀಂ ಇಂಡಿಯಾ ಯುವ ವೇಗಿ ಸಿರಾಜ್ ಪಂದ್ಯದಲ್ಲಿ ಫುಟ್ ಬಾಲ್ ದಿಗ್ಗಜ ರೊನಾಲ್ಡೊ ಶೈಲಿಯನ್ನು ಅನುಕರಿಸಿದರು. ಇದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಹರಿದಾಡುತ್ತಿದೆ.
ದಕ್ಷಿಣ ಆಫ್ರಿಕಾದಲ್ಲಿ ಮೊದಲ ಟೆಸ್ಟ್ ಮ್ಯಾಚ್ ಆಡುತ್ತಿರುವ ಸಿರಾಜ್, ವಾಂಡರ್ ಡು ಸೆನ್ ವಿಕೆಟ್ ಪಡೆದು ಮಿಂಚಿದರು.
ಈ ಇನ್ನಿಂಗ್ಸ್ ನ 12.5 ಓವರ್ ನಲ್ಲಿ ಡುಸೆನ್ ಸ್ಲಿಪ್ ನಲ್ಲಿದ್ದ ರಹಾನೆಗೆ ಕ್ಯಾಚ್ ನೀಡಿದರು. ಈ ವೇಳೆ ವಿಕೆಟ್ ಪಡೆದ ಆನಂದದಲ್ಲಿ ಸಿರಾಜ್, ಒಂದು ನಿಮಿಷ ಮೈದಾನದಲ್ಲಿ ರೊನಾಲ್ಡೊ ರೀತಿ ವರ್ತಿಸಿದರು.
ಗೋಲ್ ಬಾರಿಸಿದ ಪ್ರತಿಬಾರಿ ರೊನಾಲ್ಡೊ ಸೆಲೆಬ್ರೇಟ್ ಮಾಡುವ ಶೈಲಿ ಎಲ್ಲರನ್ನು ಆಕರ್ಷಿಸುತ್ತದೆ. ಅದೇ ಸಿರಾಜ್ ಕೂಡ ರೊನಾಲ್ಡೊ ರೀತಿ ಸೆಲೆಬ್ರೇಟ್ ಮಾಡಿದರು.
ಸದ್ಯ ಇದಕ್ಕೆ ಸಂಬಂಧಿಸಿದ ವಿಡಿಯೋ, ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಇನ್ನು ದಕ್ಷಿಣ ಆಫ್ರಿಕಾದ ಮೊದಲ ಇನ್ನಿಂಗ್ಸ್ ನಲ್ಲಿ ಸಿರಾಜ್ ಒಂದು ವಿಕೆಟ್ ಪಡೆದಿದ್ದಾರೆ.
