ಇಂಡಿಯನ್ ಓಪನ್ ಬ್ಯಾಡ್ಮಿಂಟನ್ – ಸೈನಾ ಅವರನ್ನ ಮಣಿಸಿದ ಮಾಳವಿಕ
ಗುರುವಾರ ನಡೆದ ಇಂಡಿಯನ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ದಿಗ್ಗಜ ಆಟಗಾರ್ತಿ ಹಾಗೂ ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಸೈನಾ ನೆಹ್ವಾಲ್ ಅವರನ್ನು ಮಣಿಸುವ ಮೂಲಕ ಮಾಳವಿಕಾ ಬನ್ಸೋಡ್ ದೊಡ್ಡ ಆಘಾತವನ್ನೇ ಸೃಷ್ಟಿಸಿದ್ದಾರೆ.
ಮಹಿಳೆಯರ ಸಿಂಗಲ್ಸ್ ಎರಡನೇ ಸುತ್ತಿನ ಪಂದ್ಯದಲ್ಲಿ ಮಾಳವಿಕಾ ಸತತ ಗೇಮ್ಗಳಲ್ಲಿ ಸೈನಾ ಅವರನ್ನು 21-17, 21-9 ಸೆಟ್ಗಳಿಂದ ಸೋಲಿಸಿದರು. ಈ ಪಂದ್ಯ 34 ನಿಮಿಷಗಳ ಕಾಲ ನಡೆಯಿತು. ಸೈನಾ ಸದ್ಯ ವಿಶ್ವ ರ್ಯಾಂಕಿಂಗ್ನಲ್ಲಿ 25ನೇ ಸ್ಥಾನದಲ್ಲಿದ್ದಾರೆ. ಆದರೆ ಮಾಳವಿಕಾ 111ನೇ ರ್ಯಾಂಕ್ ಪಡೆದಿದ್ದಾರೆ.
ಸೈನಾ ಸೋಲಿಸಿ ಇತಿಹಾಸ ಸೃಷ್ಟಿ
ಸೈನಾ ನೆಹ್ವಾಲ್ ಅವರನ್ನು ತನ್ನ ರೋಲ್ ಮಾಡೆಲ್ ಎಂದು ಪರಿಗಣಿಸಿರುವ ಮಾಳವಿಕ ಮೊದಲ ಭಾರಿ ಸೈನಾ ಅವರನ್ನು ಭೇಟಿಯಾಗಿದ್ದಾರೆ. ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಸೈನಾ ನೆಹ್ವಾಲ್ ಅವರನ್ನು ದೇಶೀಯ ಮತ್ತು ಅಂತರಾಷ್ಟ್ರೀಯ ಬ್ಯಾಡ್ಮಿಂಟನ್ ಸರ್ಕ್ಯೂಟ್ಗಳಲ್ಲಿ ಅಂಕಣದಲ್ಲಿ ಸೋಲಿಸಿದ ಎರಡನೇ ಭಾರತೀಯ ಆಟಗಾರ್ತಿಯಾಗಿ ಮಾಳವಿಕಾ ಹೆಸರು ಪಡೆದಿದ್ದಾರೆ. 2007 ರಲ್ಲಿ ಪಿವಿ ಸಿಂಧು ನಂತರ, ಮಾಳವಿಕಾ ಸೈನಾ ನೆಹ್ವಾಲ್ ಅವರನ್ನು ಸೋಲಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸೈನಾ ವಿರುದ್ಧ ಆಡಿದ ಬಳಿಕ ಮಾತನಾಡಿದ ಮಾಳವಿಕಾ, ‘ಬಾಲ್ಯದಿಂದಲೂ ಆಕೆಯನ್ನು ನೋಡುತ್ತಿದ್ದೆ. ಅವಳು ನನ್ನ ಆರಾಧ್ಯ ದೈವ. ಅವರನ್ನು ಸೋಲಿಸುವುದು ನನ್ನ ಕನಸಿನಂತೆ. ಎಂದು ಹೇಳಿದ್ದಾರೆ.
ಮಾಳವಿಕ ಮಹಾರಾಷ್ಟ್ರದ 20ರ ಹರೆಯದ ಆಟಗಾರ್ತಿ, ಪ್ರಸ್ತುತ ಬ್ಯಾಡ್ಮಿಂಟನ್ನ ಉದಯೋನ್ಮುಖ ತಾರೆ. 13 ವರ್ಷದೊಳಗಿನವರು ಮತ್ತು 17 ವರ್ಷದೊಳಗಿನವರ ರಾಜ್ಯ ಚಾಂಪಿಯನ್ಶಿಪ್ಗಳನ್ನು ಗೆದ್ದಿದ್ದಾರೆ. 2018ರಲ್ಲಿ ವಿಶ್ವ ಜೂನಿಯರ್ ಬ್ಯಾಡ್ಮಿಂಟನ್ ಪಂದ್ಯಾವಳಿಗೆ ಭಾರತ ತಂಡದಲ್ಲಿ ಮಾಳವಿಕಾ ಆಯ್ಕೆಯಾಗಿದ್ದರು. 2018 ರಲ್ಲಿ, ಅವರು ಕಠ್ಮಂಡುವಿನಲ್ಲಿ ನಡೆದ ದಕ್ಷಿಣ ಏಷ್ಯನ್ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ಗಳನ್ನು ಗೆದ್ದರು. 2019 ರಲ್ಲಿ ಅವರು ಅಖಿಲ ಭಾರತ ಹಿರಿಯ ಶ್ರೇಯಾಂಕದ ಪಂದ್ಯಾವಳಿಯನ್ನು ಗೆದ್ದರು. 2019 ರಲ್ಲಿ, ಮಾಳವಿಕಾ ಮಾಲ್ಡೀವ್ಸ್ ಇಂಟರ್ನ್ಯಾಷನಲ್ ಫ್ಯೂಚರ್ ಸೀರೀಸ್ ಟೂರ್ನಮೆಂಟ್ ಪ್ರಶಸ್ತಿಯನ್ನು ಗೆದ್ದರು.
