ತಾಯಿ ಮಗಳ ದುರ್ಮರಣ Saaksha Tv
ಬೆಂಗಳೂರು: ಉದ್ಯಾನವನ ನಗರಿಯಲ್ಲಿ ಮತ್ತೊಂದು ದಾರುಣ ಘಟನೆ ನಡೆದಿದೆ. ಗ್ಯಾಸ್ ಗೀಸರ್ ಸೋರಿಕೆಯಾಗಿ ತಾಯಿ ಮಗಳು ಮೃತಪಟ್ಟಿರುವ ದುರ್ಘಟನೆ ಚಿಕ್ಕಬಾಣವಾರದಲ್ಲಿ ನಡೆದಿದೆ.
ಮಂಗಳಾ (35) ಹಾಗೂ ಗೌತಮಿ (7) ಮೃತಪಟ್ಟ ದುರ್ದೈವಿಗಳು. ಮನೆಯಲ್ಲಿ ತಾಯಿ, ತಂದೆ ಮತ್ತು ಮಗಳು ಮೂವರು ಮಾತ್ರ ವಾಸವಾಗಿದ್ದರು. ಸ್ನಾನಕ್ಕೆಂದು ತಾಯಿ ಮಗಳು ತೆರಳಿದಾಗ ಗ್ಯಾಸ್ ಗೀಸರ್ ನಿಂದ ಅನಿಲ ಸೋರಿಕೆಯಾಗಿದೆ. ಇದರಿಂದ ಅಮ್ಮ-ಮಗಳು ಉಸಿರುಗಟ್ಟಿ ಮೃತಪಟ್ಟಿದ್ದಾರೆ.
ಈ ಸಮಯದಲ್ಲಿ ಪತಿ ನರಸಿಂಹಮೂರ್ತಿ ಕೆಲಸದ ನಿಮಿತ್ತ ಹೊರಗಡೆ ಹೋಗಿದ್ದರು. ಮನೆಯ ಮಾಲಿಕರಾದ ಗಾಯತ್ರಿ ಮನೆ ಬಳಿ ಬಂದಾಗ ಘಟನೆ ಬೆಳಕಿಗೆ ಬಂದಿದೆ. ಸೋಲದೇವನಹಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ಸಂಭವಿಸಿದೆ.








