ದಿವಂಗತ ಸುಶಾಂತ್ ಸಿಂಗ್ ರಜಪೂತ್ ಗೆ 36ನೇ ಜನ್ಮದಿನ
ಇಂದು ದಿವಂಗತ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಅವರ 36ನೇ ಜನ್ಮದಿನ. ಈ ಸಂದರ್ಭದಲ್ಲಿ, ಅವರ ಸಹೋದರಿ ಶ್ವೇತಾ ಸಿಂಗ್ ಅವರು ನಟನ ಜೀವನದ ಕ್ಷಣಗಳ ಭಾವನಾತ್ಮಕ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವೀಡಿಯೋದಲ್ಲಿ ಸುಶಾಂತ್ ಟೇಬಲ್ ಟೆನಿಸ್ ಆಡುವುದರಿಂದ ಹಿಡಿದು ಕಾರ್ ಸೆಟ್ ವರೆಗೆ ಸಾಗಿದ ಕೆಲ ಕ್ಷಣಗಳು ಕೂಡ ಗೋಚರಿಸುತ್ತಿವೆ. ಶೀರ್ಷಿಕೆಯಲ್ಲಿ ಶ್ವೇತಾ ತನ್ನ ಸಹೋದರನ ಕನಸುಗಳನ್ನು ಈಡೇರಿಸುವ ಭರವಸೆ ನೀಡಿದ್ದಾರೆ.
ಜನ್ಮದಿನದ ಶುಭಾಶಯಗಳು ಸಹೋದರ: ಶ್ವೇತಾ
ವೀಡಿಯೊವನ್ನು ಹಂಚಿಕೊಂಡ ಶ್ವೇತಾ, ‘ಮೈ ಗಾಡ್! ಎಂತಹ ಸುಂದರ ಸಂಗ್ರಹ… ನಿಮಗೆ ಜನ್ಮದಿನದ ಶುಭಾಶಯಗಳು ಸಹೋದರ. ನಿಮ್ಮ ಎಲ್ಲಾ ಕನಸುಗಳನ್ನು ನಾವು ಈಡೇರಿಸುತ್ತೇವೆ, ನಿಮ್ಮ ಪರಂಪರೆ ಜೀವಂತವಾಗಿರುತ್ತದೆ. ಎಂದು ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.
https://www.instagram.com/tv/CY-HDP4hOJC/?utm_medium=copy_link
ಜೂನ್ 14, 2020 ರಂದು ಸುಶಾಂತ್ ಅವರ ಮೃತದೇಹ ಮುಂಬೈ ಅಪಾರ್ಟ್ಮೆಂಟ್ನಲ್ಲಿ ಪತ್ತೆಯಾಗಿತ್ತು, ನಂತರ ಅದನ್ನು ಆತ್ಮಹತ್ಯೆ ಎಂದು ಕರೆಯಲಾಯಿತು. ಅವರ ಸಾವಿನ ತನಿಖೆಯನ್ನು ಕೇಂದ್ರೀಯ ತನಿಖಾ ದಳವು ನಡೆಸುತ್ತಿದೆ, ಜಾರಿ ನಿರ್ದೇಶನಾಲಯ ಮತ್ತು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಈ ವಿಷಯವನ್ನು ಹಣಕಾಸು ಮತ್ತು ಡ್ರಗ್ಸ್ ಕೋನದಿಂದ ಪರಿಶೀಲಿಸುತ್ತಿದೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಸುಶಾಂತ್ ಅವರ ಕೊನೆಯ ಚಿತ್ರ ‘ಚಿಚೋರೆ’.
