ವಮಿಕಾ ಪೋಟೋ ವೈರಲ್ – ಮೌನ ಮುರಿದ ವಿರಾಟ್ – ಅನುಷ್ಕಾ…
ದಕ್ಷಿಣಾ ಆಫ್ರಿಕಾ ಭಾರತ ನಡುವೆ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರ ಪುತ್ರಿ ವಮಿಕಾ ಅವರ ಪೋಟೋಗಳು ಮೊದಲ ಭಾರಿಗೆ ವೈರಲ್ ಆಗಿದ್ದವು. ಒಂದು ವರ್ಷದ ಬಳಿಕ ಕೊಹ್ಲಿ ಅಭಿಮಾನಿಗಳಿಗೆ ಪುತ್ರಿಯ ದರ್ಶನವಾಗಿತ್ತು. ಪೋಟೋಗಳು ವೈರಲ್ ಆದ ನಂತರ ನಟಿ ಅನುಷ್ಕಾ ಶರ್ಮಾ ಮತ್ತು ಕ್ರಿಕೆಟಿಗ ವಿರಾಟ್ ಕೊಹ್ಲಿ ಹೇಳಿಕೆ ನೀಡಿದ್ದಾರೆ. ನಾವು ಸಿಕ್ಕಿಬಿದ್ದೆವು, ಕ್ಯಾಮೆರಾ ಕಣ್ಣು ತನ್ನ ಮೇಲೆ ಮತ್ತು ವಮಿಕಾ ಮೇಲೆ ಇದೆ ಎಂದು ನನಗೆ ತಿಳಿದಿರಲಿಲ್ಲ ಎಂದು ಅನುಷ್ಕಾ ಹೇಳಿದ್ದಾರೆ.
ಇನ್ಸ್ಟಾಗ್ರಾಮ್ ಸ್ಟೋರೀಸ್ನಲ್ಲಿ, ಅನುಷ್ಕಾ ಹೀಗೆ ಬರೆದುಕೊಂಡಿದ್ದಾರೆ “ಹಾಯ್ ಹುಡುಗರೇ! ನಿನ್ನೆ ನಮ್ಮ ಮಗಳ ಚಿತ್ರಗಳನ್ನು ಕ್ರೀಡಾಂಗಣದಲ್ಲಿ ಸೆರೆಹಿಡಿಯಲಾಗಿದೆ ಮತ್ತು ನಂತರ ವ್ಯಾಪಕವಾಗಿ ಸೋಶಿಯಲ್ ಮೀಡಿಯಾಗಳಲ್ಲಿ ಶೇರ್ ಮಾಡಲಾಗಿದೆ. ಎಂದು ನಮಗೆ ತಿಳಿದಿದೆ. ಕ್ಯಾಮರಾ ಕಣ್ಣು ನಮ್ಮ ಮೇಲೆ ಇದೆ ಎಂದು ನಮಗೆ ತಿಳಿದಿರಲಿಲ್ಲ ಎಂದು ಎಲ್ಲರಿಗೂ ತಿಳಿಸಲು ಬಯಸುತ್ತೇವೆ.
ಈ ವಿಚಾರದಲ್ಲಿ ನಮ್ಮ ನಿಲುವು ಮತ್ತು ಕೋರಿಕೆ ಒಂದೇ ಆಗಿರುತ್ತದೆ. ನಾವು ಈ ಹಿಂದೆ ವಿವರಿಸಿದ ಕಾರಣಗಳಿಗಾಗಿ ವಮಿಕಾ ವಾಮಿಕಾ ಅವರ ಚಿತ್ರಗಳನ್ನು ಕ್ಲಿಕ್ ಮಾಡದಿದ್ದರೆ ಅಥವಾ ಪ್ರಕಟಿಸದಿದ್ದರೆ ನಾವು ನಿಜವಾಗಿಯೂ ಪ್ರಶಂಸಿಸುತ್ತೇವೆ.” ಎಂದು ಇನ್ಸ್ಟಾಗ್ರಾಂ ಸ್ಟೋರಿನಲ್ಲಿ ಬರೆದುಕೊಂಡಿದ್ದಾರೆ. ವಿರಾಟ್ ಕೊಹ್ಲಿ ಸಹ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಗಳಲ್ಲಿ ಅದೇ ಟಿಪ್ಪಣಿಯನ್ನು ಹಂಚಿಕೊಂಡಿದ್ದಾರೆ.
ಕೇಪ್ ಟೌನ್ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಅರ್ಧಶತಕ ಹೊಡೆದು ಸಂಭ್ರಮಿಸಿದರು ತಮ್ಮ ಇದನ್ನ ಮಗಳಿಗೆ ಅರ್ಪಿಸಿದರು. ಈ ಸಂದರ್ಭಲ್ಲಿ ಅನುಷ್ಕಾ ಮತ್ತು ವಮಿಕಾ ಸಂಭ್ರಮಿಸುತ್ತಿದ್ದಾಗ ಪಂದ್ಯದ ಅಧಿಕೃತ ಪ್ರಸಾರಕರು ಕ್ಯಾಮೆರಾವನ್ನು ಅನುಷ್ಕಾ ಕಡೆ ತಿರುಗಿಸಿದ್ದರು, ಮೊದಲ ಬಾರಿಗೆ ವಾಮಿಕಾ ಮುಖ ಬಹಿರಂಗವಾಗಿತ್ತು.
ಈ ಹಿಂದೆ, ಅನುಷ್ಕಾ ಮತ್ತು ವಿರಾಟ್ ಮಾಧ್ಯಮಗಳಿಗೆ ತಮ್ಮ ಮಗಳ ಚಿತ್ರಗಳನ್ನು ಪ್ರಕಟಿಸದಂತೆ ಕೇಳಿಕೊಂಡಿದ್ದರು. “ನಾವು ನಮ್ಮ ಮಗುವಿಗೆ ಗೌಪ್ಯತೆಯನ್ನು ಬಯಸುತ್ತೇವೆ ಮತ್ತು ಮಾಧ್ಯಮ ಮತ್ತು ಸಾಮಾಜಿಕ ಜಾಲತಾಣದಿಂದ ಮುಕ್ತವಾಗಿ ತನ್ನ ಜೀವನವನ್ನು ನಡೆಸಲು ಅವಳಿಗೆ ಅವಕಾಶ ನೀಡಲು ನಮ್ಮ ಕೈಲಾದಷ್ಟು ಮಾಡಲು ಬಯಸುತ್ತೇವೆ. ಅವಳು ವಯಸ್ಸಾದಂತೆ, ನಾವು ಅವಳ ಚಲನೆಯನ್ನು ನಿರ್ಬಂಧಿಸಲು ಸಾಧ್ಯವಿಲ್ಲ ಮತ್ತು ಆದ್ದರಿಂದ ನಿಮ್ಮ ಬೆಂಬಲದ ಅಗತ್ಯವಿದೆ. ಎಂದು ಮಗಳ ಪೋಟೋ ಪ್ರಕಟಿಸಿದಿದ್ದಕ್ಕೆ ಧನ್ಯವಾದ ಹೇಳಿದ್ದರು.
