ರತನ್ ಟಾಟ ಕುಟುಂಬ ಶ್ರೀಮಂತವಾಗಿದ್ದು ಹೇಗೆ ? ಬರಲಿದೆ ವೆಬ್ ಸೀರಿಸ್ …
ಭಾರತದಲ್ಲಿ ವೆಬ್ ಸರಣಿಯ ಟ್ರೆಂಡ್ ಚಾಲ್ತಿಯಲ್ಲಿದೆ. ಬಯೋಪಿಕ್‌ಗಳೂ ಅದೇ ರೀತಿ ಸದ್ದು ಮಾಡುತ್ತಿವೆ. ಎಲ್ಲಾ ಭಾಷೆಗಳಲ್ಲಿ ಕೈಗೆಟುಕುವವಂತಹ ಕಥೆಗಳನ್ನು ಆಧರಿಸಿದ ವೆಬ್ ಸರಣಿಗಳು ತಯಾರಾಗುತ್ತಿವೆ. ನಿಜ ಜೀವನದಲ್ಲಿ ಸಾಧನೆ ಮಾಡಿದ ಹಲವರ ಬದುಕಿನ ವಿವರಗಳನ್ನು ವೆಬ್ ಸಿರೀಸ್ ಮೂಲಕ ಬಿತ್ತರಿಸಲಾಗುತ್ತಿದೆ.
ಈಗ ರತನ್ ಟಾಟಾ ಅವರ ಜೀವನಾಧಾರಿತ ವೆಬ್ ಸಿರೀಸ್ ಮಾಡುವ ಯೋಜನೆ ಇದೆ. ಈ ಬಗ್ಗೆ ಸುದ್ದಿ ಹರಿದಾಡುತ್ತಿದೆ. ರತನ್ ಟಾಟಾ ಲಕ್ಷಾಂತರ ಜನರಿಗೆ ಮಾದರಿ. ‘ಟಾಟಾ ಗ್ರೂಪ್’ ಮೂಲಕ ಅದ್ಭುತ ಯಶಸ್ಸನ್ನು ಸಾಧಿಸಿದ ಅವರ ಬಗ್ಗೆ ತಿಳಿದುಕೊಳ್ಳಲು ಪ್ರತಿಯೊಬ್ಬರೂ ಆಸಕ್ತಿ ಹೊಂದಿದ್ದಾರೆ.
ಹೀಗಾಗಿ ರತನ್ ಟಾಟಾ ಮತ್ತು ಅವರ ಕುಟುಂಬದ ಬಗ್ಗೆ ವೆಬ್ ಸೀರೀಸ್ ನಿರ್ಮಿಸಲು ನಿರ್ಮಾಣ ಸಂಸ್ಥೆಯೊಂದು ಮುಂದಾಗಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬರುವುದು ಬಾಕಿ ಇದೆ. ರತನ್ ಟಾಟಾ ಪಾತ್ರವನ್ನು ಯಾರು ನಿರ್ವಹಿಸುತ್ತಾರೆ ಎಂಬ ಕುತೂಹಲ ಈಗ ನಿರ್ಮಾಣ ಹಂತದಲ್ಲಿದೆ.
‘ಆಲ್ ಮೈಟಿ ಮೋಷನ್ ಪಿಕ್ಚರ್’ ರತನ್ ಟಾಟಾ ಅವರ ಜೀವನಾಧಾರಿತ ವೆಬ್ ಸರಣಿಯನ್ನು ಮಾಡಲು ಸಿದ್ಧವಾಗಿದೆ. ‘ದಿ ಟಾಟಾಸ್: ಹೌ ಎ ಫ್ಯಾಮಿಲಿ ಬಿಲ್ಟ್ ಎ ಬ್ಯುಸಿನೆಸ್ ಅಂಡ್ ಎ ನೇಷನ್’ ಪುಸ್ತಕವು ರತನ್ ಟಾಟಾ ಅವರ ಜೀವನವನ್ನು ವಿವರಿಸುತ್ತದೆ. ಆ ಪುಸ್ತಕದ ಹಕ್ಕುಗಳನ್ನು ‘ಆಲ್ ಮೈಟಿ ಮೋಷನ್ ಪಿಕ್ಚರ್’ ಸಂಸ್ಥೆ ಖರೀದಿಸಿದೆ ಎಂದು ಬಾಲಿವುಡ್ ಹಂಗಾಮಾ ವರದಿ ಮಾಡಿದೆ.
ಈ ಪುಸ್ತಕವನ್ನು ಖ್ಯಾತ ಲೇಖಕ ಮತ್ತು ಪತ್ರಕರ್ತ ಗಿರೀಶ್ ಕುಬೇರ್ ಬರೆದಿದ್ದಾರೆ. ‘ಆಲ್ ಮೈಟಿ ಮೋಷನ್ ಪಿಕ್ಚರ್’ ಮುಖ್ಯಸ್ಥೆ ಪ್ರಬ್ಲಿಯನ್ ಕೌರ್ ಸಂಧು ಅವರು ಹಕ್ಕುಗಳನ್ನು ಖರೀದಿಸಿರುವುದಾಗಿ ವೆಬ್‌ಸೈಟ್‌ಗೆ ತಿಳಿಸಿದ್ದಾರೆ. ಅವರು ಅಭಿವೃದ್ಧಿಪಡಿಸುತ್ತಿರುವ ವೆಬ್ ಸರಣಿಯಲ್ಲಿ ರತನ್ ಟಾಟಾ ಅವರ ಪೂರ್ವಜರು ಕೂಡ ಕಾಣಿಸಿಕೊಳ್ಳಲಿದ್ದಾರೆ. ವೆಬ್ ಸರಣಿಯನ್ನು ಮೂರು ಸೀಸನ್‌ಗಳಲ್ಲಿ ಪ್ರಾರಂಭಿಸಲಾಗುವುದು ಎಂದು ವರದಿಯಾಗಿದೆ.
ಈ ಬಗ್ಗೆ ಇನ್ನೂ ಸಾಕಷ್ಟು ಅಧ್ಯಯನ ನಡೆಯಬೇಕಿದೆ. ಸ್ಕ್ರಿಪ್ಟ್ ಕೆಲಸ ಮುಗಿದ ನಂತರ ಕಲಾವಿದರ ಆಯ್ಕೆ ಪ್ರಕ್ರಿಯೆ ಶುರುವಾಗಲಿದೆ. ರತನ್ ಟಾಟಾ ಸೇರಿದಂತೆ ಅವರ ಕುಟುಂಬದ ಅನೇಕ ಸದಸ್ಯರಾಗಿ, ಹೆಸರಾಂತ ಮತ್ತು ಪ್ರತಿಭಾವಂತ ಕಲಾವಿದರನ್ನಾಗಿ ಆಯ್ಕೆ ಮಾಡಬೇಕಾಗಿದೆ. ಏಕೆಂದರೆ ಇಡೀ ದೇಶವೇ ಈ ವೆಬ್ ಸೀರಿಸ್ ಬಗ್ಗೆ ಕುತೂಹಲ ಕೆರಳಿಸಿದೆ. ಮೂಲಗಳ ಪ್ರಕಾರ ಉತ್ತಮ ಕಲಾವಿದರ ಆಯ್ಕೆಯಿಂದ ತೂಕ ಹೆಚ್ಚಾಗಲಿದೆ ಎಂದು ಬಾಲಿವುಡ್ ವರದಿಯೊಂದು ತಿಳಿಸಿದೆ.
