IPL 2022 | ಆ ದುಡ್ಡಲ್ಲಿ ಸೆಕೆಂಡ್ ಹ್ಯಾಂಡ್ ಕಾರು ಕೊಂಡಿದ್ದೆ : ಸಿರಾಜ್
ಹಲವು ಯುವ ಕ್ರಿಕೆಟಿಗರಂತೆ ಹೈದರಾಬಾದಿನ ವೇಗಿ ಮೊಹಮ್ಮದ್ ಸಿರಾಜ್ ಕೂಡ ಐಪಿಎಲ್ನಲ್ಲಿ ತಮ್ಮ ಪ್ರತಿಭೆಯನ್ನು ಸಾಬೀತುಪಡಿಸಿ ಟೀಂ ಇಂಡಿಯಾಗೆ ಎಂಟ್ರಿ ಪಡೆದುಕೊಂಡಿದ್ದಾರೆ.
ಪ್ರಸ್ತುತ ರಾಷ್ಟ್ರೀಯ ತಂಡದಲ್ಲಿ ಸಿರಾಜ್ ಖಾಯಂ ಸದಸ್ಯರಾಗಿದ್ದಾರೆ. ಆದ್ರೆ ಹಲವು ಆಟಗಾರರಂತೆ ಸಿರಾಜ್ ಅವರ ಬದುಕು ಹೂವಿನ ಹಾದಿಯಾಗಿರಲಿಲ್ಲ. ಅವರ ತಂದೆ ಆಟೋ ಚಾಲಕರಾಗಿದ್ದರು. ಕಷ್ಟದಲ್ಲಿಯೇ ಬೆಳೆದ ಸಿರಾಜ್ ಇದೀಗ ಕೋಟ್ಯಾಧಿಪತಿಯಾಗಿದ್ದಾರೆ. IPL 2022 RCB The RCB Podcast mohammed-siraj
ಸನ್ರೈಸರ್ಸ್ ಹೈದರಾಬಾದ್ 2017 ರಲ್ಲಿ ಸಿರಾಜ್ ಅವರನ್ನು ಖರೀದಿಸಿದ್ದರೂ ಸಹ … 2018 ರ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ, ಸಿರಾಜ್ ಗೆ ಮಣೆಯಾಕಿತ್ತು. ಇಲ್ಲಿಂದ ಸಿರಾಜ್ ಹಿಂತಿರುಗಿ ನೋಡಲಿಲ್ಲ. ಐಪಿಎಲ್ 2022 ರ ಮೆಗಾ ಹರಾಜಿನ ಹಿನ್ನೆಲೆಯಲ್ಲಿ ಆರ್ಸಿಬಿ ಕೊಹ್ಲಿ (15 ಕೋಟಿ ರೂ.) ಗ್ಲೆನ್ ಮ್ಯಾಕ್ಸ್ವೆಲ್ (ರೂ. 11 ಕೋಟಿ) ಮತ್ತು ಸಿರಾಜ್ (ರೂ. 7 ಕೋಟಿ) ಅವರನ್ನು ಉಳಿಸಿಕೊಂಡಿದೆ.
ಫೆಬ್ರವರಿ 12 ಮತ್ತು 13 ರಂದು ಹರಾಜು ನಡೆಯಲಿದೆ. ಇದರ ಭಾಗವಾಗಿ ಪ್ರಚಾರ ಕಾರ್ಯಗಳನ್ನು ಕೈಗೆತ್ತಿಕೊಂಡಿರುವ RCB ಪಾಡ್ ಕಾಸ್ಟ್ ಟ್ರೇಲರ್ ಅನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಸಿರಾಜ್ ಕುತೂಹಲಕಾರಿ ವಿಷಯಗಳನ್ನು ಬಹಿರಂಗಪಡಿಸಿದ್ದಾರೆ. ಐಪಿಎಲ್ಗೆ ಆಯ್ಕೆಯಾದ ನಂತರ, ಮೊದಲು ಬಂದ ಹಣದಿಂದ ಕೊಂಡ ವಸ್ತುಗಳು ಯಾವುವು ಎಂದು ತಿಳಿಸಿದ್ದಾರೆ. ಸಿರಾಜ್ ಹೇಳುವ ಪ್ರಕಾರ, “ಮೊದಲು ನಾನು ಐಫೋನ್ 7+ ಖರೀದಿಸಿದೆ. ನಂತರ ಸೆಕೆಂಡ್ ಹ್ಯಾಂಡ್ ಕಾರು. ಕೊರೊಲ್ಲಾ (ಟೊಯೋಟಾ). ವಾಸ್ತವವಾಗಿ ನನಗೆ ಡ್ರೈವಿಂಗ್ ಬರುವುದಿಲ್ಲ. ನಮ್ಮ ಮಾವನ ಮಗನಿಗೆ ಡ್ರೈವಿಂಗ್ ಗೊತ್ತು. ಅದಕ್ಕಾಗಿಯೇ ನಾನು ಹೊರಗೆ ಹೋದಾಗಲೆಲ್ಲಾ ಪಾಪ ಅವನ್ನನ್ನು ಕರೆದುಕೊಂಡು ಹೇಗುತ್ತೇನೆ. “ವಾಸ್ತವವಾಗಿ ನನ್ನ ಕಾರಿನಲ್ಲಿ ಎಸಿ ಇಲ್ಲ. ಅದಕ್ಕಾಗಿಯೇ ನಾವು ಹೊರಗೆ ಹೋದಾಗಲೆಲ್ಲಾ ಕಿಟಕಿಗಳು ತೆರೆದಿರುತ್ತವೆ. ನನ್ನ ಅಭಿಮಾನಿಗಳು ನನ್ನನ್ನು ಗುರುತಿಸಿ ಹುರಿದುಂಬಿಸುತ್ತಾರೆ. ತುಂಬಾ ಖುಷಿಯೆನಿಸುತ್ತದೆ ಎಂದು ಸಿರಾಜ್ ಹೇಳಿದ್ದಾರೆ.
