National News : ಭಾರತದಲ್ಲಿ ಡ್ರೋನ್ ಆಮದು ನಿಷೇಧ.. ದೇಶೀಯ ತಯಾರಿಕೆಗೆ ಉತ್ತೇಜನ..
ನವದೆಹಲಿ : ಆತ್ಮ ನಿರ್ಭರ ಭಾರತದತ್ತ ಹೆಚ್ಚು ಪ್ರಾಮುಖ್ಯತೆ ನೀಡ್ತಿರುವ ಕೇಂದ್ರ ಸರ್ಕಾರವು ಈಗ ಡ್ರೋನ್ಗಳ ದೇಶೀಯ ಉತ್ಪಾದನೆಯನ್ನು ಉತ್ತೇಜಿಸುವ ಗುರಿಯೊಂದಿಗೆ ವಿದೇಶಿ ಡ್ರೋನ್ಗಳ ಆಮದನ್ನು ನಿಷೇಧಿಸಿದೆ.. ಆದ್ರೆ ಕೆಲವು ವಿನಾಯಿತಿಗಳನ್ನ ನೀಡಿದೆ.
R&D, ರಕ್ಷಣೆ ಮತ್ತು ಭದ್ರತಾ ಉದ್ದೇಶಗಳಿಗಾಗಿ ಡ್ರೋನ್ ಗಳ ಆಮದನ್ನು ನಿಷೇಧದಿಂದ ವಿನಾಯಿತಿ ನೀಡಲಾಗಿದೆ. ಆದರೆ ಅಂತಹ ಆಮದುಗಳಿಗೆ ಸರಿಯಾದ ಅನುಮತಿಯ ಅಗತ್ಯವಿರುತ್ತದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ಬುಧವಾರ ಪ್ರಕಟಣೆಯಲ್ಲಿ ತಿಳಿಸಿದೆ.
ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ ಅಡಿಯಲ್ಲಿ ವಿದೇಶಿ ವ್ಯಾಪಾರದ ಮಹಾನಿರ್ದೇಶನಾಲಯ (DGFT) ವಿದೇಶಿ ಡ್ರೋನ್ ಗಳ ಆಮದನ್ನು ನಿಷೇಧಿಸಿ ಅಧಿಸೂಚನೆಯನ್ನು ಹೊರಡಿಸಿದೆ.
ಸರ್ಕಾರಿ ಘಟಕಗಳು, ಕೇಂದ್ರ ಅಥವಾ ರಾಜ್ಯ ಸರ್ಕಾರದಿಂದ ಮಾನ್ಯತೆ ಪಡೆದ ಶಿಕ್ಷಣ ಸಂಸ್ಥೆಗಳು, ಸರ್ಕಾರದ ಮಾನ್ಯತೆ ಪಡೆದ R&D ಘಟಕಗಳು ಮತ್ತು R&D ಉದ್ದೇಶಕ್ಕಾಗಿ ಡ್ರೋನ್ ತಯಾರಕರು ಡ್ರೋನ್ಗಳ ಆಮದು ಮಾಡಿಕೊಳ್ಳುವುದನ್ನು CBU, SKD ಅಥವಾ CKD ರೂಪದಲ್ಲಿ ಅನುಮತಿಸಲಾಗುತ್ತದೆ. ಇದು ಸಂಬಂಧಪಟ್ಟ ಲಾಖೆಯ ಸಚಿವಾಲಯಗಳೊಂದಿಗೆ ಸಮಾಲೋಚಿಸಿ DGFT ನೀಡಿದ ಆಮದು ಅಧಿಕಾರಕ್ಕೆ ಒಳಪಟ್ಟಿರುತ್ತದೆ.
