UGC-NET ಪರೀಕ್ಷೆ ಫಲಿತಾಂಶ ಪ್ರಕಟ Saaksha Tv
ನವದೆಹಲಿ: ರಾಷ್ಟ್ರೀಯ ಪರೀಕ್ಷಾ ಪ್ರಾಧಿಕಾರ (NTA) ಇಂದು 2020ನೇ ಸಾಲಿನ ಡಿಸೆಂಬರ್ ಮತ್ತು 2021ನೇ ಸಾಲಿನ ಜೂನ್ ಅವಧಿಯ ಯುಜಿಸಿ ರಾಷ್ಟ್ರೀಯ ಅರ್ಹತಾ ಪರೀಕ್ಷೆ (ನೆಟ್) ಫಲಿತಾಂಶವನ್ನು ಪ್ರಕಟಿಸಿದೆ.
2020ರ ಡಿಸೆಂಬರ್ ಮತ್ತು 2021ರ ಜೂನ್ ತಿಂಗಳಲ್ಲಿ ಯುಜಿಸಿ ಎನ್ಇಟಿ (ನೆಟ್) ಪರೀಕ್ಷೆಯನ್ನು 2021ರ ನವೆಂಬರ್ 20 ಮತ್ತು 2022ರ ಜನವರಿ 5ರ ನಡುವೆ ನಡೆಸಲಾಗಿತ್ತು. 80ಕ್ಕೂ ಹೆಚ್ಚು ವಿಷಯಗಳಿಗೆ UGC NET ಪರೀಕ್ಷೆಯನ್ನು ನಡೆಸಲಾಗಿತ್ತು. ಭಾರತದ 239 ನಗರಗಳಲ್ಲಿ 837 ಕೇಂದ್ರಗಳಲ್ಲಿ ನಡೆದ ಈ ಪರೀಕ್ಷೆಯಲ್ಲಿ ಸುಮಾರು 12 ಲಕ್ಷ ಅಭ್ಯರ್ಥಿಗಳು ಹಾಜರಾಗಿದ್ದರು.
ಫಲಿತಾಂಶವನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಾಗುವುದು ಎಂದು ಯುಜಿಸಿ ಹೇಳಿದ್ದರೂ ನಿಖರವಾದ ದಿನಾಂಕ ಮತ್ತು ಸಮಯವನ್ನು ಇನ್ನೂ ಬಿಡುಗಡೆ ಮಾಡಿರಲಿಲ್ಲ. ಪ್ರಮುಖ ನವೀಕರಣಗಳಿಗಾಗಿ ಅಭ್ಯರ್ಥಿಗಳು UGC NETನ ಅಧಿಕೃತ ವೆಬ್ಸೈಟ್ ugcnet.nta.nic.inಗೆ ಭೇಟಿ ನೀಡುವಂತೆ ಸೂಚಿಸಲಾಗಿದೆ.
