Xiaomi ಇಂಡಿಯಾಗೆ ಸೇರಿದ 5,551.27 ಕೋಟಿ ರೂ ವಶಪಡಿಸಿಕೊಂಡ ED
ವಿದೇಶಿ ವಿನಿಮಯ ನಿರ್ವಹಣಾ ಕಾಯಿದೆ (FEMA), 1999 ರ ನಿಬಂಧನೆಗಳ ಅಡಿಯಲ್ಲಿ ಜಾರಿ ನಿರ್ದೇಶನಾಲಯವು (ED) ಸ್ಮಾರ್ಟ್ಫೋನ್ ದೈತ್ಯ Xiaomi ಇಂಡಿಯಾ ಗೆ ಸೇರಿದ 5,551.27 ಕೋಟಿ ರೂಪಾಯಿಗಳನ್ನು ವಶಪಡಿಸಿಕೊಂಡಿದೆ. Xiaomi ಇಂಡಿಯಾ ಚೀನಾ ಮೂಲದ Xiaomi ಗುಂಪಿನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ.
ಈ ವರ್ಷದ ಫೆಬ್ರವರಿಯಲ್ಲಿ ಕಂಪನಿಯು ಮಾಡಿದ ಅಕ್ರಮ ಹಣಕ್ಕೆ ಸಂಬಂಧಿಸಿದಂತೆ ಇಡಿ ತನಿಖೆಯನ್ನು ಪ್ರಾರಂಭಿಸಿತ್ತು. ಜಾರಿ ನಿರ್ದೇಶನಾಲಯದ ಪ್ರಕಾರ, Xiaomi ಭಾರತದಲ್ಲಿ ತನ್ನ ಕಾರ್ಯಾಚರಣೆಯನ್ನು 2014 ರಲ್ಲಿ ಪ್ರಾರಂಭಿಸಿತು ಮತ್ತು 2015 ರಿಂದ ಹಣವನ್ನು ರವಾನಿಸಲು ಪ್ರಾರಂಭಿಸಿತು.
“ಕಂಪನಿಯು ರಾಯಧನದ ಸೋಗಿನಲ್ಲಿ ವಿದೇಶಿ ಮೂಲದ ಘಟಕಗಳಿಗೆ ರೂ. 5,551.27 ಕೋಟಿಗೆ ಸಮಾನವಾದ ವಿದೇಶಿ ಕರೆನ್ಸಿಯನ್ನು ರವಾನೆ ಮಾಡಿದೆ. ರಾಯಧನದ ಹೆಸರಿನಲ್ಲಿ ಬೃಹತ್ ಮೊತ್ತವನ್ನು ಅವರ ಚೀನೀ ಪೋಷಕ ಗುಂಪು ಘಟಕಗಳ ಸೂಚನೆಗಳ ಮೇರೆಗೆ ರವಾನೆ ಮಾಡಲಾಗಿದೆ. ” ಎಂದು ಇಡಿ ಹೇಳಿಕೆಯಲ್ಲಿ ಆರೋಪಿಸಿದೆ.
Xiaomi ಇಂಡಿಯಾ MI ಬ್ರ್ಯಾಂಡ್ ಹೆಸರಿನಲ್ಲಿ ಭಾರತದಲ್ಲಿ ಮೊಬೈಲ್ ಫೋನ್ಗಳ ವ್ಯಾಪಾರಿ ಮತ್ತು ವಿತರಕ ಸಂಸ್ಥೆಯಾಗಿದೆ.
