ಇಂದಿನಿಂದ ದೇಶದಲ್ಲಿ ಹಲವು ಬದಲಾವಣೆಗಳು | ಸಾಲು ಸಾಲು ರಜೆ | ಬೆಲೆ ಏರಿಕೆ
ನವದೆಹಲಿ: ಮೇ ತಿಂಗಳ ಮೊದಲ ದಿನ ಭಾನುವಾರ ರಜಾದಿನವಾಗಿದ್ದು, ಇಂದಿನಿಂದ ದೇಶದಲ್ಲಿ ಹಲವು ಬದಲಾವಣೆಗಳು ಆಗಲಿವೆ.
ವಾಣಿಜ್ಯ ಬಳೆಕೆಯ ಎಲ್ ಪಿಜಿ ಸಿಲಿಂಡರ್ ಬೆಲೆಯಲ್ಲಿ ಕೇಂದ್ರ ಸರಕಾರ 102.50 ರೂ ಹೆಚ್ಚಿಗೆ ಮಾಡಿದೆ. ಒಂದು ತಿಂಗಳ ಹಿಂದೆ ಏಪ್ರಿಲ್ 1ರಂದು ವಾಣಿಜ್ಯ ಬಳಕೆಯ ಎಲ್ ಪಿಜಿ ಸಿಲಿಂಡರ್ ಬೆಲೆಯು 250ರೂ. ಏರಿಕೆಯಾಗಿ 2,253ರೂ. ಹೆಚ್ಚಳವಾಗಿತ್ತು. ಈಗ ಮತ್ತೆ ಎಲ್ ಪಿಜಿ ಸಿಲಿಂಡರ್ ಬೆಲೆ ಏರಿಕೆಯಾಗಿದೆ. ಎಲ್ಪಿಜಿ ಬೆಲೆಯನ್ನು ಪ್ರತಿ ತಿಂಗಳ ಮೊದಲ ದಿನ ಪರಿಷ್ಕರಿಸುವ ಶಿಷ್ಟಾಚಾರವನ್ನು ಅನುಸರಿಸಲಾಗುತ್ತಿದೆ.
ಅಲ್ಲದೇ ಚಮೇ ತಿಂಗಳು ಬ್ಯಾಂಕ್ ರಜಾದಿನಗಳೊಂದಿಗೆ ಪ್ರಾರಂಭವಾಗುತ್ತಿದ್ದು, ಮೇ ತಿಂಗಳ ಮೊದಲ ಮೂರು ದಿನಗಳ ಕಾಲ ಬ್ಯಾಂಕುಗಳು ನಿರಂತರವಾಗಿ ರಜೆ ಇರುತ್ತವೆ. ಮೇ 1 ರಂದು ಭಾನುವಾರ ರಜೆ ಇರುತ್ತದೆ, ಆದರೆ ಮೇ 2 ಮತ್ತು 3 ರಂದು, ಈದ್ ಮತ್ತು ಇತರ ಹಬ್ಬದ ರಜಾದಿನಗಳಿಂದಾಗಿ ಬ್ಯಾಂಕುಗಳು ಮುಚ್ಚಲಿವೆ. ಮೇ ತಿಂಗಳಲ್ಲಿ ಒಟ್ಟು 11 ದಿನಗಳ ಕಾಲ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ.
ಹಾಗೇ ಇಂದಿನಿಂದ, ಪೂರ್ವಾಂಚಲ ಎಕ್ಸ್ಪ್ರೆಸ್ವೇ (ಪೂರ್ವಾಂಚಲ್ ಎಕ್ಸ್ಪ್ರೆಸ್ವೇ) ಗೆ ಟೋಲ್ ತೆರಿಗೆಯನ್ನು ಪರಿಚಯಿಸಲಾಗುತ್ತಿದೆ. ಪೂರ್ವಾಂಚಲ ಎಕ್ಸ್ಪ್ರೆಸ್ ಉತ್ತರ ಪ್ರದೇಶದ ರಾಜಧಾನಿ ಲಕ್ನೋವನ್ನು ಘಾಜಿಪುರಕ್ಕೆ ಸಂಪರ್ಕಿಸುತ್ತದೆ. ಈ ಎಕ್ಸ್ಪ್ರೆಸ್ವೇ 340 ಕಿಲೋಮೀಟರ್ ಉದ್ದವಿದೆ. ಈ ಎಕ್ಸ್ಪ್ರೆಸ್ವೇಗೆ ಪ್ರತಿ ಕಿಲೋಮೀಟರ್ಗೆ 2.45 ರೂ.ಗಳಂತೆ ಟೋಲ್ ತೆರಿಗೆಯನ್ನು ವಿಧಿಸಲಾಗುತ್ತದೆ.
ಇನ್ನೂ ಮಾರುಕಟ್ಟೆ ನಿಯಂತ್ರಕ ಸೆಬಿ ಏಪ್ರಿಲ್ ತಿಂಗಳಲ್ಲಿ ಐಪಿಒಗಳಿಗೆ ಯುಪಿಐನಿಂದ ಪಾವತಿ ಮಿತಿಯನ್ನು ಹೆಚ್ಚಿಸಲು ನಿರ್ಧರಿಸಿತ್ತು. ಈ ನಿಯಮವು ಮೇ 1 ರಿಂದ ಜಾರಿಗೆ ಬರಲಿದೆ. ಈಗ ಯುಪಿಐ ಸಹಾಯದಿಂದ ಯಾವುದೇ ಐಪಿಒನಲ್ಲಿ 5 ಲಕ್ಷ ರೂ.ವರೆಗೆ ಹೂಡಿಕೆ ಮಾಡಬಹುದು. ಈ ಮೊದಲು, ಈ ಮಿತಿಯು ಕೇವಲ 2 ಲಕ್ಷ ರೂ.ಗಳಷ್ಟಿತ್ತು. ಯುಪಿಐನಿಂದ ಪಾವತಿಗಳನ್ನು ಮಾಡುವ ಹೊಸ ಮಿತಿಯು ಮೇ 1 ರ ನಂತರ ಬರುವ ಎಲ್ಲಾ ಐಪಿಒಗಳಿಗೆ ಅನ್ವಯಿಸುತ್ತದೆ.
