ಕೋಸ್ಟಲ್‌‌ವುಡ್‌ ನ ಬಹುನಿರೀಕ್ಷಿತ ಎನ್ನ ತುಳು ಚಿತ್ರ ಬಿಡುಗಡೆಗೊಂಡಿದೆ.. ಟ್ರೈಲರ್ ಮೂಲಕ ಸಕತ್ ಸೌಂಡ್ ಮಾಡಿದ್ದ ಎನ್ನ ಸಿನಿಮಾ ಇದೀಗ ರಿಲೀಸ್ ಆದ ಎಲ್ಲಾ ತುಳುನಾಡು ಕೇಂದ್ರದಲ್ಲೂ ಉತ್ತಮ ಪ್ರದರ್ಶನ ಕಾಣುತ್ತಿದೆ..
ವಿಶ್ವನಾಥ್ ಕೋಡಿಕಲ್ ಅವರ ಚೊಚ್ಚಲ ನಿರ್ದೇಶನದ ತುಳು ಚಿತ್ರ ಇದಾಗಿದ್ದು ಪ್ರೇಕ್ಷಕ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ..
ಯುಫಬವ ಪ್ರೇಮಿಗಳ ನಡುವಿನ ವಿಶೇಷ ಕಥಾ ಹಂದರವನ್ನೊಳಗೊಂಡ “ಎನ್ನ” ಯುವಕರನ್ನು ಆಕರ್ಷಿಸುವಲ್ಲಿ ಸಫಲವಾಗಿದೆ. ಪ್ರೇಮಿಗಳ ದಿನಾಚರಣೆಯಂದೇ “ಎನ್ನ” ಸಿನಿಮಾ ಬಿಡುಗಡೆಗೊಂಡಿದ್ದು ದ.ಕ ಹಾಗೂ ಉಡುಪಿ ಜಿಲ್ಲೆಗಳ ಚಿತ್ರಮಂದಿರಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ.
ಗ್ಲೋರಿಯಸ್ ಅಂಜೆಲೋರ್ ಬ್ಯಾನರಿನಡಿ ಮ್ಯಾಕ್ಸಿಮ್ ಪಿಂಟೊ, ಅಂಜೆಲೋರ್ ಹಾಗೂ ಕೆನ್ಯುಟ್ ಮಥಾಯಸ್ ಪಿಲಾರ್ ಬಂಡವಾಳ ಹರಡಿರುವ ಹೊಸ ಅಯಾಮದೊಂದಿಗೆ ಮೂಡಿಬರುವಲ್ಲಿ ಸಫಲವಾಗಿದೆ. “ಎನ್ನ” ವಿಶ್ವನಾಥ್ ಕೋಡಿಕಲ್ ಅವರ ಕನಸಿನ ಕೂಸು. ಕಥೆ, ಚಿತ್ರಕಥೆಯೊಂದಿಗೆ ನಿರ್ದೇಶನದ ಜವಾಬ್ದಾರಿ ಹೊತ್ತ ವಿಶ್ವನಾಥ್ ಅವರು ಮೊದಲ ಪ್ರಯತ್ನದಲ್ಲೇ ಪ್ರೇಕ್ಷಕರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.
ಈ ಚಿತ್ರದ ಮೂಲಕ ವಿಶ್ವನಾಥ್ ಓರ್ವ ಸಮರ್ಥ ನಿರ್ದೇಶಕ ಎಂದು ಸಾಬೀತು ಪಡಿಸಿದ್ದಾರೆ. “ಎನ್ನ” ಸಿನಿಮಾದಲ್ಲಿ ಬರುವ ಹಾಸ್ಯ ಸನ್ನಿವೇಶಗಳು ನೋಡುಗರ ನಕ್ಕುನಗಿಸುವಲ್ಲಿ ಯಶಸ್ವಿಯಾಗಿದೆ.. ಚಿತ್ರದಲ್ಲಿ ನಾಯಕನಾಗಿ ವಿ ಜೆ ವಿನೀತ್ ಹಾಗೂ ನಾಯಕಿಯಾಗಿ ಶ್ರುತಿ ಪೂಜಾರಿ ತಮ್ಮ ಜವಾಬ್ದಾರಿಯನ್ನು ಅಚ್ಚುಕಟ್ಟಾಗಿ ಪೂರೈಸುವಲ್ಲಿ ಸಫಲರಾಗಿದ್ದಾರೆ. ಹಾವ ಭಾವಗಳಲ್ಲಿ ವಿಶೇಷ ಹಿಡಿತ ಹೊಂದಿರುವ ವಿನೀತ್ ತುಳುಚಿತ್ರರಂಗದಲ್ಲಿ ನಾಯಕ ನಟನಾಗಿ ಹೊಸ ಭರವಸೆ ಮೂಡಿಸಿದ್ದಾರೆ. ಲೋಯ್ ವಾಲೆಂಟೈನ್ ಅವರ ಸಂಗೀತ ಸಂಯೋಜನೆ ಸಿನಿಮಾದ ಸನ್ನಿವೇಶಗಳಿಗೆ ತಕ್ಕಂತೆ ಕಂಪೋಜ್ ಮಾಡಲಾಗಿದೆ.. ಕೋಸ್ಟಲ್ ವುಡ್‌ನ ಮೊದಲ ಮಹಿಳಾ ಛಾಯಾಗ್ರಾಹಕಿ ವೈಶಾಲಿ ಸಿನಿಮಾದುದ್ದಕ್ಕೂ ವೃತ್ತಿಪರತೆಯನ್ನು ಕಾಪಾಡಿಕೊಂಡಿದ್ದಾರೆ..
ಒಟ್ಟಾರೆ “ಎನ್ನ” ಸಿನಿಮ ತುಳು ಚಿತ್ರರಂಗದಲ್ಲಿ ಹೊಸ ಬಗೆಯ ಸಿನಿಮಾ ಇದಾಗಿದ್ದು, ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ಬರೆಯಲಿದೆ ಎಂಬುದಾಗಿ ತುಳು ಸಿನಿಪಂಡಿತರು ಲೆಕ್ಕಾಚಾರ ಮಾಡಿದ್ದಾರೆ..
