Ola ಎಲೆಕ್ಟ್ರಿಕ್ ಸ್ಕೂಟರ್ ಬುಕ್ ಮಾಡಿದ ಗ್ರಾಹಕರಿಗೆ ಗುಡ್ ನ್ಯೂಸ್
Ola ನ ಎಲೆಕ್ಟ್ರಿಕ್ ಸ್ಕೂಟರ್ S1 Pro ಅನ್ನು ಬುಕ್ ಮಾಡಿದ ಜನರಿಗೆ ಇಲ್ಲಿದೆ ಗುಡ್ ನ್ಯೂಸ್ ನೀವು ಈ ಸ್ಕೂಟರ್ ಬುಕ್ ಮಾಡಿದ್ದರೆ ಅದರ ಡಿಲೆವರಿ ನೀವು ಇನ್ನು ಮುಂದೆ ಕಾಯಬೇಕಾಗಿಲ್ಲ.
ಓಲಾ ಎಲೆಕ್ಟ್ರಿಕ್ ಪ್ರಸ್ತುತ ಡೆಲಿವರಿ ಅಭಿಯಾನವನ್ನು ನಡೆಸುತ್ತಿದೆ. ಇದರ ಅಡಿಯಲ್ಲಿ, S1 ಪ್ರೊ ಸ್ಕೂಟರ್ ಅನ್ನು ಖರೀದಿಸಿದ 14 ದಿನಗಳಲ್ಲಿ ಗ್ರಾಹಕರಿಗೆ ತಲುಪಿಸಲಾಗುತ್ತದೆ. ಕಂಪನಿಯು ಈ ಕುರಿತು ಸ್ಕೂಟಿ ಬುಕ್ ಮಾಡಿದ ಗ್ರಾಹಕರಿಗೆ ಈ ಕುರಿತು ಇಮೇಲ್ ಕಳುಹಿಸಿದೆ.
Ola S1 Pro ಎಲೆಕ್ಟ್ರಿಕ್ ಸ್ಕೂಟರ್ಗೆ 14 ದಿನಗಳ ಗ್ಯಾರಂಟಿ ಡೆಲಿವರಿ ಕುರಿತು ಈ ಇಮೇಲ್ಗೆ ತಿಳಿಸಲಾಗಿದೆ. ಆದರೆ, ಈ 14 ದಿನಗಳನ್ನು ಯಾವಾಗಿನಿಂದ ಎಣಿಸಲಾಗುತ್ತದೆ ಎಂಬುದನ್ನು ಕಂಪನಿ ಸ್ಪಷ್ಟಪಡಿಸಿಲ್ಲ.
ಓಲಾ ಇತ್ತೀಚೆಗೆ ಈ ಸ್ಕೂಟರ್ಗಾಗಿ ಬುಕ್ಕಿಂಗ್ ಪ್ರಾರಂಭಿಸಿದೆ. ಇದಲ್ಲದೇ ಐದು ನಗರಗಳಲ್ಲಿ ಇದರ ಟೆಸ್ಟ್ ರೈಡ್ ಕೂಡ ಆರಂಭವಾಗಿದೆ. ಕಂಪನಿಯು ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ತನ್ನ ಹಿಡಿತವನ್ನು ಬಲಪಡಿಸಲು ಪ್ರಯತ್ನಿಸುತ್ತಿದೆ.
Ola S1 Pro ಎಲೆಕ್ಟ್ರಿಕ್ ಸ್ಕೂಟರ್ನ ಫೀಚರ್ಸ್
S1 ಪ್ರೊ ರೂಪಾಂತರವು ಮೂರು ಡ್ರೈವಿಂಗ್ ಮೋಡ್ಗಳನ್ನು ಹೊಂದಿದೆ, ಸಾಮಾನ್ಯ, ಸ್ಪೋರ್ಟ್ ಮತ್ತು ಹೈಪರ್. ಒಮ್ಮೆ ಪೂರ್ಣ ಚಾರ್ಜ್ ಮಾಡಿದ ನಂತರ 181 ಕಿಮೀ ದೂರವನ್ನು ಕ್ರಮಿಸುತ್ತದೆ. S1 Pro ರೂಪಾಂತರವು 3 ಸೆಕೆಂಡುಗಳಲ್ಲಿ ಗಂಟೆಗೆ 0 ರಿಂದ 40 ಕಿಲೋಮೀಟರ್ ವೇಗವನ್ನು ಪಡೆಯಬಹುದು. ಈ ಸ್ಕೂಟರ್ನ ಗರಿಷ್ಠ ವೇಗ ಗಂಟೆಗೆ 115 ಕಿ.ಮೀ.
ಈ ಸ್ಕೂಟರ್ 3.97 kWh ನ ಅತಿ ದೊಡ್ಡ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ. Ola S1 Pro ನ ಬ್ಯಾಟರಿಯು ಹೆಚ್ಚಿನ ಸಾಮರ್ಥ್ಯವನ್ನ ಹೊಂದಿದ್ದು, ಸಂಪೂರ್ಣವಾಗಿ ಚಾರ್ಜ್ ಆಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಪೂರ್ಣ ಚಾರ್ಜ್ ಮಾಡಲು 6 ಗಂಟೆ 30 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.
Ola Electric ಹೇಳುವಂತೆ S1 Pro ನ ಬ್ಯಾಟರಿಯನ್ನು ಕೇವಲ 18 ನಿಮಿಷಗಳಲ್ಲಿ ಶೇಕಡಾ 50 ರಷ್ಟು ಚಾರ್ಜ್ ಮಾಡಬಹುದು ಮತ್ತು ಅದು 75 ಕಿಮೀ ಪ್ರಯಾಣಿಸಲು ಸಾಕಾಗುತ್ತದೆ. ಇದಲ್ಲದೆ, S1 ಪ್ರೊ ಅನ್ನು 10 ಬಣ್ಣ ಆಯ್ಕೆಗಳಲ್ಲಿ ಖರೀದಿಸಬಹುದು.
