Fifa Worldcup : ಮೊರಾಕ್ಕೊ ಎದುರು ಸೋತು ಟೂರ್ನಿಯಿಂದ ಹೊರನಡೆದ ಪೋರ್ಚುಗಲ್
ಯೂಸೆಎಫ್ ಎನ್ ನೆಸ್ರಿ ಹೊಡೆದ ಏಕೈಕ ಗೋಲಿನ ನೆರವಿನಿಂದ ಮೊರಾಕ್ಕೊ ಪೋರ್ಚುಗಲ್ ವಿರುದ್ಧ 1-0 ಗೋಲಿನಿಂದ ಗೆದ್ದು ಸೆಮಿಫೈನಲ್ ಪ್ರವೇಶಿಸಿತು. ಇದರೊಂದಿಗೆ ವಿಶ್ವಕಪ್ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ ಮೊದಲ ಆಫ್ರಿಕಾ ತಂಡವೆಂಬ ಹಿರಿಮೆಗೆ ಪಾತ್ರವಾಯಿತು.
ಸ್ಪೇನ್, ಬ್ರೆಜಿಲ್ ಬಳಿಕ ವಿಶ್ವಕಪ್ ಗೆಲ್ಲುವ ನೆಚ್ಚಿನ ತಂಡವೆನಿಸಿದ್ದ ಪೋರ್ಚುಗಲ್ ಆಘಾತಕಾರಿ ಸೋಲು ಅನುಭವಿಸಿದೆ. ಕ್ವಾರ್ಟರ್ ಫೈನಲ್ನಲ್ಲಿ 6-1 ಗೋಲುಗಳಿಂದ ಭರ್ಜರಿ ಜಯ ಸಾಧಿಸಿದ್ದ ಪೋರ್ಚುಗಲ್ ತಂಡ ಮೊರಾಕ್ಕೊ ರಕ್ಷಣಾ ಕೋಟೆಯನ್ನು ಭೇದಿಸುವಲ್ಲಿ ವಿಫಲವಾಯಿತು.
ಕ್ವಾರ್ಟರ್ ನಲ್ಲಿ ಪೋರ್ಚುಗಲ್ ಮೊದಲ ಬಾರಿ ಎಡವಿದೆ. 1966 ಮತ್ತು 2006ರಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಶಿಸಿದ್ದಾಗ ಸೆಮಿಫೈನಲ್ ಪ್ರವೇಶಿಸಿತು.
ಪಂದ್ಯದ ಮೊದಲ ಅವಧಿಯಲ್ಲಿ ಸಮಬಲದ ಹೋರಾಟ ಕಂಡು ಬಂತು. 42ನೇ ನಿಮಿಷದಲ್ಲಿ ನೆಸ್ರಿ ಗೋಲು ಹೊಡೆದು ಮುನ್ನಡೆ ತಂದುಕೊಟ್ಟರು. ಎರಡನೆ ಅವಧಿಯಲ್ಲಿ ತಾರಾ ಆಟಗಾರ ರೊನಾಲ್ಡೊ ಕಣಕ್ಕಿಳಿದರೂ ಪೋರ್ಚುಗಲ್ಗೆ ಗೋಲು ಹೊಡೆಯಲೂ ಆಗಲಿಲ್ಲ. ಸಮಗೊಳಿಸಿದ್ದರೆ ಪಂದ್ಯವನ್ನು ಹೆಚ್ಚುವರಿ ನಿಮಿಷದವರೆಗೆ ಕೊಂಡೊಯ್ಯಬಹುದಿತ್ತು.
ವಿಶ್ವ ಫುಟ್ಬಾಲ್ನ ಶ್ರೇಷ್ಠ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊಗೆ ಇದು ಕೊನೆಯ ವಿಶ್ವಕಪ್ ಎಂದು ಹೇಳಲಾಗುತ್ತಿದ್ದು ವೃತ್ತಿ ಬದುಕಿನ ಕೊನೆಯ ಹಂತದಲ್ಲಿದ್ದಾರೆ. 37 ವರ್ಷದ ರೊನಾಲ್ಡೊ ಮುಂದಿನ ವಿಶ್ವಕಪ್ ವೇಳೆಗೆ 41 ವರ್ಷ ತುಂಬಿರುತ್ತದೆ.ಹೀಗಾಗಿ ರೊನಾಲ್ಡೊ ಆಡುವುದು ಅನುಮಾನದಿಂದ ಕೂಡಿದೆ.
